ਸੀਪੀ-67 ਮਾਲ ਵਿੱਚ 17 ਦਿਨਾਂ ਵਿਸਾਖੀ ਉਤਸਵ ‘ਪਿੰਡ ਦੀ ਗੁੰਜ’ ਧੂਮਧੜੱਕੇ ਨਾਲ ਸ਼ੁਰੂ
ਨਬਜ਼-ਏ-ਪੰਜਾਬ, ਮੁਹਾਲੀ, 12 ਅਪਰੈਲ:
ਹੋਮਲੈਂਡ ਗਰੁੱਪ ਵੱਲੋਂ ਸੀਪੀ-67 ਮਾਲ ਵਿਖੇ 27 ਅਪਰੈਲ ਤੱਕ ਚੱਲਣ ਵਾਲਾ 17 ਰੋਜ਼ ਵਿਸਾਖੀ ਉਤਸਵ ‘ਪਿੰਡ ਦੀ ਗੁੰਜ’ ਧੂਮ-ਧੜੱਕੇ ਨਾਲ ਸ਼ੁਰੂ ਹੋ ਗਿਆ। ਜੀਵੰਤ ਰੰਗਾਂ, ਸੱਭਿਆਚਾਰ ਅਤੇ ਭਾਈਚਾਰੇ ਨਾਲ ਸੀਪੀ ਮਾਲ ਨੇ ਪੰਜਾਬ ਦੀਆਂ ਪਰੰਪਰਾਵਾਂ, ਸੰਗੀਤ ਅਤੇ ਪਕਵਾਨਾਂ ਨੂੰ ਇੱਕ ਛੱਤ ਹੇਠ ਸ਼ਾਮਲ ਕਰਦੇ ਹੋਏ ਟ੍ਰਾਈਸਿਟੀ ਲਈ ਸ਼ਾਨਦਾਰ ਗਤੀਵਿਧੀਆਂ ਦਾ ਪ੍ਰਬੰਧ ਕੀਤਾ ਹੈ। ਤਿਉਹਾਰ ਦੀ ਸ਼ੁਰੂਆਤ ਇੱਕ ਵਿਸਾਖੀ ਮੇਲੇ ਨਾਲ ਹੋਈ। ਜਿਸ ਵਿੱਚ ਕਠਪੁਤਲੀ ਸ਼ੋਅ, ਪੰਜਾਬੀ ਲੋਕ ਗੀਤਾਂ ’ਤੇ ਸਮੂਹ ਨਾਚ ਮੁਕਾਬਲੇ ਅਤੇ ਇੱਕ ਲਾਈਵ ਬੰਸਰੀ ਪ੍ਰਦਰਸ਼ਨ ਕੀਤੀ ਗਈ। ਸ਼ਾਮ ਨੂੰ 8 ਮੈਂਬਰੀ ਮੰਡਲੀ ਨੇ ਲਾਈਵ ਬੋਲੀਆਂ, ਮਾਲਵਾਈ ਗਿੱਧੇ ਦੀਆਂ ਧੁਨਾਂ ਅਤੇ ਖੁੱਲ੍ਹੇ ਨਾਚ ਦੀ ਪੇਸ਼ਕਾਰੀ ਨਾਲ ਖੂਬ ਰੰਗ ਬੰਨ੍ਹਿਆ।
ਵਿਸਾਖੀ ਤਿਉਹਾਰ ਦੀਆਂ ਮੁੱਖ ਗੱਲਾਂ ਵਿੱਚ ਮਾਲ ਸੂਫੀ ਗਾਇਕ ਕੰਵਰ ਗਰੇਵਾਲ ਅਤੇ ਗੀਤਕਾਰ ਹਰਫ ਚੀਮਾ ਦੀ ਲਾਈਵ ਪੇਸ਼ਕਾਰੀ ਨਾਲ ਲੋਕਾਂ ਲਈ ਮਨਮੋਹਕ ਸੱਭਿਆਚਾਰਕ ਮਾਹੌਲ ਪੈਦਾ ਕਰੇਗਾ। ਮਾਸਟਰ ਕਠਪੁਤਲੀ ਵਿਕਰਮ ਭੱਟ ਨੇ ਇੱਕ ਵਿਲੱਖਣ ਕਿਸਮ ਦਾ ‘ਡੂ ਹੈਂਡ’ ਕਠਪੁਤਲੀ ਸ਼ੋਅ ਪ੍ਰਦਰਸ਼ਿਤ ਕੀਤਾ। ਜਿਸ ਵਿੱਚ ਸਾਊਂਡਸਕੇਪ ਹਨ-ਪਰਿਵਾਰਾਂ ਅਤੇ ਸੱਭਿਆਚਾਰ ਪ੍ਰੇਮੀਆਂ ਲਈ ਇੱਕ ਦੁਰਲੱਭ ਤੋਹਫ਼ਾ। ਇਸ ਤੋਂ ਇਲਾਵਾ ਅੰਤਰਰਾਸ਼ਟਰੀ ਗੋਲਡ ਮੈਡਲ ਜੇਤੂ ਨਿਰਵੈਰ ਖਾਲਸਾ ਸਿੱਖ ਮਾਰਸ਼ਲ ਪਰੰਪਰਾ ਦੀ ਸ਼ਕਤੀ ਅਤੇ ਵਿਰਾਸਤ ਨੂੰ ਪ੍ਰਦਰਸ਼ਿਤ ਕਰਨ ਵਾਲੀ ਗੱਤਕਾ ਮਾਰਸ਼ਲ ਆਰਟਸ ਦਾ ਪ੍ਰਦਰਸ਼ਨ ਕਰਨਗੇ। ਸੱਭਿਆਚਾਰਕ ਪ੍ਰੋਗਰਾਮਾਂ ਤੋਂ ਇਲਾਵਾ, ਖਾਣੇ ਦੇ ਸ਼ੌਕੀਨ 5 ਸਟਾਰ ਹੋਟਲ, ਦਿ ਲਲਿਤ ਤੋਂ ਸ਼ੈੱਫ ਦੁਆਰਾ ਜੱਜ ਕੀਤੇ ਗਏ ਇੱਕ ਵਿਸ਼ੇਸ਼ ਭੋਜਨ ਚੱਖਣ ਦੇ ਮੁਕਾਬਲੇ ਨੂੰ ਦੇਖ ਸਕਣਗੇ। ਭਲਕੇ 13 ਅਪਰੈਲ ਤੱਕ ਸ਼ਾਨਦਾਰ ਮੁੱਲ ਦੇ ਨਾਲ ਚੋਣਵੇਂ ਬ੍ਰਾਂਡਾਂ ਦੇ ਵਿਸ਼ਾਲ ਪ੍ਰਚੂਨ ਸੰਗ੍ਰਹਿ ਤੇ ਖਰੀਦਦਾਰਾਂ ਲਈ 67 ਫੀਸਦੀ ਤੱਕ ਛੂਟ ਦੀ ਪੇਸ਼ਕਸ਼ ਕਰ ਰਿਹਾ ਹੈ।
