ਸਵਰਾਜ ਇਨਕਲੇਵ ਵਿਖੇ ਧੂਮ ਧੜੱਕੇ ਨਾਲ ਮਨਾਇਆ ਤੀਆਂ ਦਾ ਤਿਉਹਾਰ

ਸਵਰਾਜ ਇਨਕਲੇਵ ਵਿਖੇ ਧੂਮ ਧੜੱਕੇ ਨਾਲ ਮਨਾਇਆ ਤੀਆਂ ਦਾ ਤਿਉਹਾਰ

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 1 ਅਗਸਤ:
ਸਵਰਾਜ ਇਨਕਲੇਵ ਰੈਜੀਡੈਂਟ ਵੈਲਫੇਅਰ ਸੁਸਾਇਟੀ ਦੀਆਂ ਬੀਬੀਆਂ ਵੱਲੋਂ ਸਵਰਾਜ ਇਨਕਲੇਵ ਨਿੱਝਰ-ਛੱਜੂ ਮਾਜਰਾ ਵਿੱਚ ਤੀਆਂ ਦਾ ਤਿਉਹਾਰ ਪੂਰੀ ਧੂਮ ਧਾਮ ਨਾਲ ਮਨਾਇਆ ਗਿਆ। ਇਸ ਮੌਕੇ ਖਰੜ ਨਗਰ ਕੌਂਸਲ ਦੀ ਪ੍ਰਧਾਨ ਸ੍ਰੀਮਤੀ ਅੰਜੂ ਚੰਦਰ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ ਜਦੋਂ ਕਿ ਪ੍ਰਧਾਨਗੀ ਵਾਰਡ ਨੰਬਰ 13 ਤੋਂ ਕੌਂਸਲਰ ਬੀਬੀ ਜਸਵੀਰ ਕੌਰ ਨੇ ਕੀਤੀ। ਇਸ ਮੌਕੇ ਬੀਬੀਆਂ ਨੇ ਗਿੱਧਾ ਤੇ ਬੋਲੀਆਂ ਪਾ ਕੇ ਖੂਬ ਮਨੋਰੰਜਨ ਕੀਤਾ।
ਇਸ ਮੌਕੇ ਬੋਲਦਿਆਂ ਸ੍ਰੀਮਤੀ ਅੰਜੂ ਚੰਦਰ ਨੇ ਅਖਿਆ ਕਿ ਤੀਆਂ ਦਾ ਤਿਉਹਾਰ ਪੰਜਾਬੀ ਵਿਰਸੇ ਅਤੇ ਸੱਭਿਅਤਾ ਦਾ ਅਨਖਿੜਵਾਂ ਅੰਗ ਹੈ। ਉਹਨਾਂ ਕਿਹਾ ਕਿ 80ਵੇੱ ਦਸ਼ਕ ਤੋੱ ਪਹਿਲਾਂ ਪਿੰਡਾਂ ਅੰਦਰ ਸਾਉਣ ਦੇ ਮਹੀਨੇ ਵਿੱਚ ਤੀਆਂ ਪੁਰਾ ਮਹੀਨਾ ਮਨਾਈਆਂ ਜਾਂਦੀਆਂ ਸਨ। ਜਦੋੱ ਵਿਆਹੀਆਂ ਲੜਕੀਆਂ ਆਪਣੇ ਸਹੁਰਿਆਂ ਤੋਂ ਪੇਕੇ ਆਉਦੀਆਂ ਤਾਂ ਉਹ ਹੋਰਨਾਂ ਪਿੰਡ ਦੀਆਂ ਅੋਰਤਾਂ ਨਾਲ ਮਿਲਕੇ ਪਿੱਪਲ ਅਤੇ ਬੋਹੜ ਵਰਗੇ ਪੁਰਾਣੇ ਦਰਖਤਾਂ ਤੇ ਪੀਘਾਂ ਝੂਟਦੀਆਂ ਤੇ ਗਿੱਧਾ ਪਾਕੇ ਮਨੋਰੰਜਨ ਕਰਦੀਆਂ ਸਨ। ਪਰੰਤੂ ਹੁਣ ਸ਼ੋਸ਼ਲ ਮੀਡੀਆ ਅਤੇ ਮਨੋਰੰਜਨ ਦੇ ਸਾਧਨ ਜਿਆਦਾ ਹੋਣ ਆਪਸੀ ਭਾਈਚਾਰੇ ਵਿਚ ਆਈ ਗਿਰਾਵਟ ਅਤੇ ਸਮੇੱ ਦੀ ਘਾਟ ਕਾਰਨ ਇਹ ਤਿਉਹਾਰ ਫਿੱਕਾ ਪੈ ਗਿਆ ਹੈ।
ਇਸ ਮੌਕੇ ਬੀਬੀ ਸੁਨੀਤਾ ਸ਼ਰਮਾ ਅਤੇ ਬਲਜੀਤ ਕੌਰ ਨੇ ਕਿਹਾ ਕਿ ਅੱਜ ਦੀ ਨੌਜਵਾਨ ਪੀੜੀ ਆਪਣੇ ਵਿਰਸੇ ਨੂੰ ਭੁੱਲਦੀ ਜਾ ਰਹੀ ਹੈ। ਨੌਜਵਾਨ ਪੀੜੀ ਨੂੰ ਆਪਣੇ ਸਭਿਆਚਾਰ ਤੋੱ ਜਾਣੂ ਕਰਵਾਉਣ ਲਈ ਉਨਾਂ ਵੱਲੋੱ ਹਰ ਸਾਲ ਇਹ ਤਿਉਹਾਰ ਮਨਾਇਆ ਜਾਂਦਾ ਹੈ। ਇਸ ਮੌਕੇ ਹੋਰਨਾਂ ਤੋੱ ਇਲਾਵਾ ਰੀਨਾ ਦੁਆ, ਕੁਸਮ ਰਾਣਾ, ਨੀਲਮ, ਉਸ਼ਾ ਬਾਲੀ, ਰੇਨੂ, ਅਮਿਤ ਸ਼ਰਮਾ, ਸਰੋਜ, ਸੰਤੋਸ਼ ਰੋਹੇਲਾ, ਮਮਤਾ, ਸਰੀਤਾ, ਸਵਿਤਾ, ਰਿਕੂੰ, ਪ੍ਰਿਅੰਕਾ, ਕੰਚਨ ਠਾਕੁਰ, ਸਰੋਜ ਲਾਡੀ, ਜੈਸਮੀਨ, ਰੇਨੂੰ, ਇੰਦੂ, ਅੰਜੂ, ਅੰਨੂ ਵਰਮਾ ਆਦਿ ਮੌਜੂਦ ਸਨ।