ਦੰਗਾਂ ਪੀੜਤ ਪਰਿਵਾਰਾਂ ਨੇ ਮੁਹਾਲੀ ਵਿੱਚ ਗਮਾਡਾ ਦਾ ਪੁਤਲਾ ਸਾੜਿਆ

ਦੰਗਾਂ ਪੀੜਤ ਪਰਿਵਾਰਾਂ ਨੇ ਮੁਹਾਲੀ ਵਿੱਚ ਗਮਾਡਾ ਦਾ ਪੁਤਲਾ ਸਾੜਿਆ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 16 ਫਰਵਰੀ:
ਸਥਾਨਕ ਫੇਜ਼-11 ਵਿਖੇ ਦੰਗਾਪੀੜਤ ਹੋਣ ਦਾ ਸਬੂਤ ਨਾ ਦੇ ਸਕਣ ਵਾਲੇ ਦੰਗਾਪੀੜਤਾਂ ਨੂੰ ਫਲੈਟ ਖਾਲੀ ਕਰਨ ਅਤੇ ਬੂਥ ਲੈਣ ਲਈ ਅਰਜ਼ੀਆਂ ਲੈਣ ਵਾਸਤੇ ਗਈ ਗਮਾਡਾ ਦੀ ਟੀਮ ਦਾ ਬੀਬੀ ਕਛਮੀਰ ਕੌਰ ਦੀ ਅਗਵਾਈ ਵਿਚ ਵੱਡੀ ਗਿਣਤੀ ਦੰਗਾ ਪੀੜਤਾਂ ਨੇ ਵਿਰੋਧ ਕੀਤਾ ਅਤੇ ਪ੍ਰਦਰਸ਼ਨ ਕੀਤਾ। ਇਸ ਮੌਕੇ ਸੰਬੋਧਨ ਕਰਦਿਆਂ ਅਕਾਲੀ ਦਲ ਦੇ ਕੌਂਸਲਰ ਪਰਮਜੀਤ ਸਿੰਘ ਕਾਹਲੋਂ ਨੇ ਕਿਹਾ ਕਿ ਦੰਗਾਂ ਪੀੜਤਾਂ ਦੇ ਜੋ ਵੀ ਮਸਲੇ ਹਨ ਉਹਨਾਂ ਨੂੰ ਪਹਿਲ ਦੇ ਆਧਾਰ ਉਪਰ ਹਲ ਕੀਤਾ ਜਾਣਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਕਿਸੇ ਵੀ ਦੰਗਾ ਪੀੜਤ ਤੋੱ ਜਬਰਦਸਤੀ ਫਲੈਟ ਖਾਲੀ ਨਹੀਂ ਕਰਵਾਉਣਾ ਚਾਹੀਦਾ। ਉਹਨਾਂ ਕਿਹਾ ਕਿ ਇਹ ਦੰਗਾ ਪੀੜਤ ਇਥੇ 31 ਸਾਲਾਂ ਤੋੱ ਬੈਠੇ ਹਨ ਪਰ ਇਹਨਾਂ ਕੋਲ ਦੰਗਾ ਪੀੜਤਾਂ ਦਾ ਕੋਈ ਸਬੂਤ ਨਾ ਹੋਣ ਕਾਰਨ ਇਹਨਾਂ ਨੂੰ ਦੰਗਾ ਪੀੜਤ ਹੀ ਨਹੀਂ ਮੰਨਿਆ ਜਾ ਰਿਹਾ। ਉਹਨਾਂ ਕਿਹਾ ਕਿ ਇਹਨਾਂ ਦੰਗਾ ਪੀੜਤਾਂ ਨੂੰ ਬੂਥ ਦੀ ਥਾਂ ਰਹਿਣ ਲਈ ਫਲੈਟ ਹੀ ਦਿਤੇ ਜਾਣ।