ਭਾਰਤੀ ਸਟੇਟ ਬੈਂਕ ਵੱਲੋਂ ਮੁਹਾਲੀ ਵਿੱਚ ਪਹਿਲੀ ਏਟੀਐਮ ਮੋਬਾਈਲ ਵੈਨ ਦਾ ਉਦਘਾਟਨ

ਭਾਰਤੀ ਸਟੇਟ ਬੈਂਕ ਵੱਲੋਂ ਮੁਹਾਲੀ ਵਿੱਚ ਪਹਿਲੀ ਏਟੀਐਮ ਮੋਬਾਈਲ ਵੈਨ ਦਾ ਉਦਘਾਟਨ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 19 ਮਈ:
ਭਾਰਤੀ ਸਟੇਟ ਬੈਂਕ ਵੱਲੋਂ ਅੱਜ ਪਹਿਲੀ ਏਟੀਐਮ ਮੋਬਾਈਲ ਵੈਨ ਸਥਾਨਕ ਸੈਕਟਰ-68 ਸਥਿਤ ਦਫ਼ਤਰ ਵਿੱਚ ਸਥਾਪਿਤ ਕੀਤੀ ਗਈ।ਇਸ ਏਟੀਐਮ ਮੋਬਾਈਲ ਵੈਨ ਦਾ ਉਦਘਾਟਨ ਮੁਹਾਲੀ ਦੀ ਵਧੀਕ ਡਿਪਟੀ ਕਮਿਸ਼ਨਰ ਸ਼੍ਰੀਮਤੀ ਅਸ਼ਿਕਾ ਜੈਨ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਬੈਂਕ ਦੇ ਡੀਜੀਐਮ ਸੁਖਬੀਰ ਸਿੰਘ ਬਿਰਦੀ ਅਤੇ ਰੀਜਨਲ ਮੈਨੇਜਰ ਸੁਮੀਤ ਰਾਏ ਵੀ ਹਾਜ਼ਿਰ ਸਨ। ਏਟੀਐਮ ਮੋਬਾਈਲ ਵੈਨ ਯੋਨੋ ਕੈਸ਼ ਨਾਲ ਲੈਸ ਹੈ ਜੋ ਮੁਹਾਲੀ ਵਾਸੀਆਂ ਲਈ ਉਨ੍ਹਾਂ ਦੇ ਘਰਾਂ ਤੱਕ ਪਹੁੰਚ ਕੇ ਗਾਹਕਾਂ ਦੀਆਂ ਲੋੜਾਂ ਪੂਰੀਆਂ ਕਰੇਗੀ।
ਏਡੀਸੀ ਸ੍ਰੀਮਤੀ ਜੈਨ ਨੇ ਕੋਵਿਡ-19 ਸੰਕਟ ਦੌਰਾਨ ਆਮ ਲੋਕਾਂ ਨੂੰ ਇਹ ਸਹੂਲਤ ਪ੍ਰਦਾਨ ਕਰਨ ਲਈ ਭਾਰਤੀ ਸਟੇਟ ਬੈਂਕ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ।