Share on Facebook Share on Twitter Share on Google+ Share on Pinterest Share on Linkedin ਸਸਟੇਨੇਬਿਲਟੀ ਲੀਡਰਜ਼ ਪ੍ਰੋਗਰਾਮ ਸਮਾਪਤ, 20 ਸਕੂਲਾਂ ਦੇ 1200 ਵਿਦਿਆਰਥੀਆਂ ਨੇ ਹਿੱਸਾ ਲਿਆ ਨਬਜ਼-ਏ-ਪੰਜਾਬ, ਮੁਹਾਲੀ, 14 ਨਵੰਬਰ: ਮੁਹਾਲੀ ਜ਼ਿਲ੍ਹੇ ਵਿੱਚ ਚੱਲ ਰਿਹਾ ਸਸਟੇਨੇਬਿਲਟੀ ਲੀਡਰਜ਼ ਪ੍ਰੋਗਰਾਮ ਭਾਗ ਲੈਣ ਵਾਲੇ ਸਕੂਲਾਂ ਲਈ ਇੱਕ ਮਹੱਤਵਪੂਰਨ ਪ੍ਰਾਪਤੀ ਹੋ ਨਿਬੜਿਆ। ਇਸ ਦੌਰਾਨ 20 ਵਿਦਿਅਕ ਸੰਸਥਾਵਾਂ ਨੇ ‘ਪਬਲਿਕ ਸਪੀਕਿੰਗ’ ਨੂੰ ਸੈਸ਼ਨਜ਼ ਸਮਰਪਿਤ ਕੀਤੇ, ਜਿੱਥੇ ਵਿਦਿਆਰਥੀਆਂ ਨੇ ਪਾਵਰ-ਪੁਆਇੰਟ ਪੇਸ਼ਕਾਰੀਆਂ, ਨੁੱਕੜ ਨਾਟਕਾਂ ਅਤੇ ਇਸ ਪ੍ਰੋਗਰਾਮ ਦੌਰਾਨ ਕੀਤੀਆਂ ਵੱਖੋ-ਵੱਖ ਪਹਿਲਕਦਮੀਆਂ ‘ਤੇ ਚਰਚਾਵਾਂ ਰਾਹੀਂ ਆਪਣੇ ਉਪਰਾਲਿਆਂ ਦਾ ਪ੍ਰਦਰਸ਼ਨ ਕੀਤਾ। ਵਿਦਿਆਰਥੀਆਂ ਨੇ ਵਾਤਾਵਰਨ ਦੀ ਸੁਰੱਖਿਆ ਅਤੇ ਕੂੜੇ ਨੂੰ ਜ਼ਿੰਮੇਵਾਰੀ ਨਾਲ ਸੰਭਾਲਣ ਦਾ ਪ੍ਰਣ ਵੀ ਲਿਆ। ਮੁਹਾਲੀ ਨਗਰ ਨਿਗਮ ਦੀ ਕਮਿਸ਼ਨਰ ਸ੍ਰੀਮਤੀ ਨਵਜੋਤ ਕੌਰ ਅਤੇ ਸੰਯੁਕਤ ਕਮਿਸ਼ਨਰ ਸ਼੍ਰੀਮਤੀ ਕਿਰਨ ਸ਼ਰਮਾ ਨੇ ਸੋਹਾਣਾ ਅਤੇ ਫੇਜ਼-3ਬੀ1 ਦੇ ਸਕੂਲਾਂ ਦਾ ਦੌਰਾ ਕੀਤਾ ਅਤੇ ਕੂੜਾ ਪ੍ਰਬੰਧਨ ਅਭਿਆਸਾਂ ਵਿੱਚ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੀ ਸਰਗਰਮ ਸ਼ਮੂਲੀਅਤ ‘ਤੇ ਤਸੱਲੀ ਪ੍ਰਗਟਾਈ। ਮੁਹਾਲੀ ਦੇ ਐਸਡੀਐਮ ਸ੍ਰੀਮਤੀ ਚੰਦਰਜੋਤੀ ਸਿੰਘ ਨੇ ਮਟੌਰ, ਮਨੌਲੀ ਅਤੇ ਕੁੰਭੜਾ ਦੇ ਸਕੂਲਾਂ ਵਿੱਚ ਸਮਾਪਤੀ ਸਮਾਗਮਾਂ ਵਿੱਚ ਸ਼ਿਰਕਤ ਕੀਤੀ। ਉਪ ਸਿੱਖਿਆ ਅਫ਼ਸਰ ਅੰਗਰੇਜ਼ ਸਿੰਘ ਨੇ ਫੇਜ਼-11 ਅਤੇ ਮੌਲੀ ਬੈਦਵਾਨ ਦੇ ਸਕੂਲਾਂ ਦਾ ਦੌਰਾ ਕੀਤਾ ਜਦਕਿ ਪ੍ਰੋਗਰਾਮ ਦੀ ਅਗਵਾਈ ਕਰਨ ਵਾਲੀ ਸੁਹਾਨੀ ਸ਼ਰਮਾ ਨੇ ਖਿਜ਼ਰਾਬਾਦ ਅਤੇ ਮੁੰਡੋ ਸੰਗਤੀਆਂ ਸਮੇਤ ਵੱਖੋ ਵੱਖ ਸਕੂਲਾਂ ਦਾ ਦੌਰਾ ਕੀਤਾ। ਕਮਿਸ਼ਨਰ ਨੇ ਦੱਸਿਆ ਕਿ ਇਹ ਪ੍ਰੋਗਰਾਮ ਡਿਪਟੀ ਕਮਿਸ਼ਨਰ, ਸ਼੍ਰੀਮਤੀ ਆਸ਼ਿਕਾ ਜੈਨ ਦੁਆਰਾ 21 ਅਗਸਤ ਨੂੰ ਸ਼ੁਰੂ ਕੀਤਾ ਗਿਆ ਸੀ। ਸਸਟੇਨੇਬਿਲਟੀ ਲੀਡਰਜ਼ ਪ੍ਰੋਗਰਾਮ ਦਾ ਸੰਕਲਪ ਦਿੱਲੀ ਪਬਲਿਕ ਸਕੂਲ ਚੰਡੀਗੜ੍ਹ ਦੀ ਗਿਆਰ੍ਹਵੀਂ ਜਮਾਤ ਦੀ ਵਿਦਿਆਰਥਣ ਸੁਹਾਨੀ ਸ਼ਰਮਾ ਦੁਆਰਾ ਦਿੱਤਾ ਗਿਆ ਸੀ। ਇਸ ਪ੍ਰੋਗਰਾਮ ਦਾ ਉਦੇਸ਼ ਅੱਠਵੀਂ ਤੋਂ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਟਿਕਾਊ ਰਹਿੰਦ-ਖੂੰਹਦ ਪ੍ਰਬੰਧਨ ਅਭਿਆਸਾਂ ਵਿੱਚ ਸ਼ਾਮਲ ਕਰਨਾ, ਇਸ ਸਬੰਧੀ ਵੱਖੋ-ਵੱਖ ਸਰੋਤ, ਬਲੌਗਜ਼, ਅਭਿਆਸ ਅਤੇ ਵੀਡੀਓਜ਼ ਪ੍ਰਦਾਨ ਕਰਨਾ ਹੈ। ਵੇਰਵੇ ਪ੍ਰੋਗਰਾਮ ਦੀ ਵੈੱਬਸਾਈਟ https://sustainableleaders1.wixsite.com/sustainabilityleader ’ਤੇ ਉਪਲਬਧ ਹਨ। ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਗਿੰਨੀ ਦੁੱਗਲ ਅਤੇ ਪ੍ਰੋਗਰਾਮ ਕੋਆਰਡੀਨੇਟਰ ਪ੍ਰੀਤੀ ਬਾਂਸਲ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਵਿੱਚ 20 ਤੋਂ ਵੱਧ ਸਕੂਲਾਂ ਦੇ 1150 ਤੋਂ ਵੱਧ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਭਾਗੀਦਾਰਾਂ ਨੇ ਮੋਹਾਲੀ ਗਊਸ਼ਾਲਾ ਵਿਖੇ ਰਹਿੰਦ ਦੇ ਸਰੋਤ ਅਲੱਗ-ਥਲੱਗ ਕਰਨ, ਬਾਗਬਾਨੀ ਰਹਿੰਦ-ਖੂੰਹਦ ਦੀ ਖਾਦ ਬਣਾਉਣ, ਰੀਸਾਈਕਲਿੰਗ ਗਤੀਵਿਧੀਆਂ ਅਤੇ ਗੋਬਰ ਵੇਸਟ ਮੈਨੇਜਮੈਂਟ ਮਾਡਲ ਨੂੰ ਦੇਖਿਆ, ਜਿਸ ਵਿੱਚ ਸ਼ਮਸ਼ਾਨਘਾਟਾਂ ਵਿੱਚ ਬਾਲਣ ਲਈ ਲੱਕੜ ਦੀ ਥਾਂ ਕੱਟੇ ਹੋਏ ਨਾਰੀਅਲ ਦੇ ਗੋਲੇ ਅਤੇ ਗੋਬਰ ਤੋਂ ਬਣੇ ਈਕੋ-ਲੌਗਸ ਦਾ ਉਤਪਾਦਨ ਕੀਤਾ ਗਿਆ ਤਾਂ ਜੋ ਰੁੱਖਾਂ ਨੂੰ ਬਚਾਇਆ ਜਾ ਸਕੇ। ਕਾਲਜ ਵਿਦਿਆਰਥੀਆਂ ਨੇ ਸਿੱਖਣ ਦੇ ਮਾਹੌਲ ਨੂੰ ਉਤਸ਼ਾਹਤ ਕਰਦੇ ਹੋਏ ਸਵੈ-ਇੱਛਾ ਨਾਲ ਕੰਮ ਕੀਤਾ। ਇਸ ਹਫ਼ਤੇ ਹੋਏ ਫਾਈਨਲ ਗੇੜ ਵਿੱਚ ਨੋਡਲ ਅਧਿਆਪਕਾਂ ਨੇ ਸਲਾਹਕਾਰਾਂ ਦੀ ਸਹਾਇਤਾ ਨਾਲ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ 6-10 ਵਿਦਿਆਰਥੀਆਂ ਦੀ ਚੋਣ ਕੀਤੀ। ਜੇਤੂਆਂ ਨੂੰ ਜਨਤਕ ਭਾਸ਼ਣ ਸੈਸ਼ਨਾਂ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਇਨਾਮ ਅਤੇ ਸਰਟੀਫਿਕੇਟ ਦਿੱਤੇ ਗਏ। ਸਹਿਭਾਗੀ ਐਨਜੀਓ, ‘ਸਮਾਜ ਸੁਰੱਖਿਆ ਸਮਿਤੀ‘ ਨੇ ਇਨਾਮ ਵਜੋਂ ਐਮਾਜ਼ਾਨ ਦੀ ਸਭ ਤੋਂ ਵੱਧ ਵਿਕਣ ਵਾਲੀ ਵਿਗਿਆਨਕ ਕਲਪਨਾ ਥ੍ਰਿਲਰ, ‘ਦਿ ਮਿਸਿੰਗ ਪ੍ਰੋਫੇਸੀ- ਰਾਈਜ਼ ਆਫ ਬਲੂ ਫੀਨਿਕਸ‘ ਦੀਆਂ 200 ਕਾਪੀਆਂ ਸਰਵੋਤਮ ਵਿਦਿਆਰਥੀਆਂ ਨੂੰ ਦੇਣ ਦੇ ਨਾਲ ਨਾਲ ਲਾਇਬ੍ਰੇਰੀਆਂ ਲਈ ਸਪਾਂਸਰ ਕੀਤੀਆਂ। ਸੁਹਾਨੀ ਸ਼ਰਮਾ, ਜਿਸ ਨੇ ਇਸ ਪ੍ਰੋਗਰਾਮ ਦਾ ਸੰਕਲਪ ਲਿਆਂਦਾ, ਨੇ ਭਾਸ਼ਾ ਦੇ ਵਿਕਾਸ ਬਾਰੇ ਗੱਲਬਾਤ ਕਰਦੇ ਹੋਏ ਕਿਤਾਬ ਦੇ ਵਿਦਿਅਕ ਪੱਖ ’ਤੇ ਜ਼ੋਰ ਦਿੱਤਾ। ਸਮਝ ਦੀ ਸਹੂਲਤ ਲਈ, ਚੈਪਟਰ-ਸ਼ਬਦ-ਅਰਥ ਦੇ ਪ੍ਰਿੰਟ-ਆਊਟ, ਇਨਾਮ ਵਜੋਂ ਵੀ ਜੇਤੂਆਂ ਨੂੰ ਪ੍ਰਦਾਨ ਕੀਤੇ ਗਏ। ਵਿਦਿਆਰਥੀ ਪ੍ਰਦਰਸ਼ਨ ਮੁਲਾਂਕਣ ਲਈ ਮਾਪਦੰਡਾਂ ਤਹਿਤ ਪੰਜ ਮੁੱਖ ਗਤੀਵਿਧੀਆਂ ਤਹਿਤ ਹੁਨਰਾਂ ਦੇ ਅਧਾਰ ‘ਤੇ, ਪਿਛਲੇ ਦੋ ਮਹੀਨਿਆਂ ਵਿੱਚ ਵਿਦਿਆਰਥੀਆਂ ਦੇ ਕੰਮ ਦਾ ਮੁਲਾਂਕਣ ਕਰ ਕੇ ਇਨਾਮ ਦਿੱਤੇ ਗਏ। ਜਿਨ੍ਹਾਂ ਵਿੱਚ ਅਸਾਈਨਮੈਂਟ ਰਾਈਟਿੰਗ ’ਤੇ ਆਧਾਰਿਤ ਆਲੋਚਨਾਤਮਕ ਸੋਚ, ਪੋਸਟਰ ਬਣਾਉਣ, ਕਹਾਣੀ ਸੁਣਾਉਣ, ਸਲੋਗਨ ਜਾਂ ਡੂਡਲ ’ਤੇ ਆਧਾਰਿਤ ਰਚਨਾਤਮਕਤਾ, ਪਾਵਰਪੁਆਇੰਟ ਪੇਸ਼ਕਾਰੀਆਂ ਸਿੱਖਣ ਅਤੇ ਬਣਾਉਣ ’ਤੇ ਆਧਾਰਿਤ ਡਿਜੀਟਲ ਹੁਨਰ, ਪਹਿਲਕਦਮੀ-ਨਿੱਜੀ ਜਾਂ ਟੀਮ-ਆਧਾਰਿਤ ਸਥਿਰਤਾ ਗਤੀਵਿਧੀਆਂ, ਪਬਲਿਕ ਸਪੀਕਿੰਗ, ਜਿਸ ਵਿੱਚ ਵਿਦਿਆਰਥੀ ਆਪਣੀ ਪੀਪੀਟੀ ਪੇਸ਼ ਕਰਦੇ ਸਨ, ਸਫ਼ਲਤਾ ਕਹਾਣੀ ਸੁਣਾਉਂਦੇ ਸਨ, ਜਾਂ ਆਪਣੇ ਪੋਸਟਰ ਦੀ ਵਿਆਖਿਆ ਕਰਦੇ ਸਨ, ਸ਼ਾਮਲ ਸਨ।
ਮੰਤਰੀ ਮੰਡਲ ਨੇ ਲਖੀਮਪੁਰ ਖੀਰੀ ਘਟਨਾ ਵਿਚ ਜਾਨਾਂ ਗੁਆ ਚੁੱਕੇ ਕਿਸਾਨਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਲਈ ਦੋ ਮਿੰਟ ਦਾ ਮੌਨ ਰੱਖਿਆ
ਬੀਤੇ ਪੰਜ ਮਹੀਨਿਆਂ ਵਿਚ ਵਾਪਰੀਆਂ ਸਿਆਸੀ ਘਟਨਾਵਾਂ ਨਾਲ ਦੁੱਖ ਪਹੁੰਚਿਆ-ਕੈਪਟਨ ਅਮਰਿੰਦਰ ਸਿੰਘ ਨੇ ਅਸਤੀਫਾ ਦੇਣ ਤੋਂ ਪਹਿਲਾਂ ਸੋਨੀਆ ਗਾਂਧੀ ਨੂੰ ਲਿਖਿਆ ਪੱਤਰ