ਹੋਟਲ ਮਾਲਕ ਨੂੰ ਮਾਰਨ ਲਈ ਗੋਲੀ ਮਾਰੀ, ਟਰੱਕ ਡਰਾਈਵਰ ਦੇ ਸਿਰ ਵਿੱਚ ਵੱਜੀ ਗੋਲੀ, ਮੌਕੇ ’ਤੇ ਮੌਤ

ਹੋਟਲ ਮਾਲਕ ਨੂੰ ਮਾਰਨ ਲਈ ਗੋਲੀ ਮਾਰੀ, ਟਰੱਕ ਡਰਾਈਵਰ ਦੇ ਸਿਰ ਵਿੱਚ ਵੱਜੀ ਗੋਲੀ, ਮੌਕੇ ’ਤੇ ਮੌਤ

ਨਬਜ਼-ਏ-ਪੰਜਾਬ ਬਿਊਰੋ, ਭਿੰਡ, 19 ਮਾਰਚ:
ਮੱਧ-ਪ੍ਰਦੇਸ਼ ਦੇ ਭਿੰਡ ਜ਼ਿਲੇ ਵਿੱਚ ਇਕ ਹੋਟਲ ਮਾਲਕ ਨੂੰ ਮਾਰਨ ਲਈ ਚਲਾਈ ਗਈ ਗੋਲੀ, ਇਕ ਟਰੱਕ ਚਾਲਕ ਨੂੰ ਲੱਗਣ ਕਾਰਨ ਟਰੱਕ ਚਾਲਕ ਦੀ ਮੌਤ ਹੋ ਗਈ। ਗੋਹਦ ਦੇ ਪੁਲੀਸ ਅਧਿਕਾਰੀ ਪਰਵੀਨ ਨੇ ਦੱਸਿਆ ਕਿ ਗਵਾਲੀਅਰ-ਇਟਾਵਾ ਰਾਸ਼ਟਰੀ ਮਾਰਗ 92 ਗੋਹਦ ਚੌਰਾਹਾ ਥਾਣਾ ਖੇਤਰ ਵਿੱਚ ਇਕ ਹੋਟਲ ਦੇ ਮਾਲਕ ਰਮੇਸ਼ ਜਾਟਵ ਦਾ ਕੱਲ ਦੁਪਹਿਰ ਡੱਬੂ ਸਿਕਰਵਾਰ ਨਾਂ ਦੇ ਵਿਅਕਤੀ ਦੇ ਨਾਲ ਕਿਸੇ ਗੱਲ ਨੂੰ ਲੈ ਕੇ ਝਗੜਾ ਹੋ ਗਿਆ। ਉਸੇ ਝਗੜੇ ਦੇ ਕਾਰਨ ਬੀਤੀ ਦੇਰ ਰਾਤ ਡੱਬੂ ਸਿਕਰਵਾਰ ਆਪਣੇ ਸਾਥੀਆਂ ਨਾਲ ਹਥਿਆਰਾਂ ਨਾਲ ਲੈਸ ਹੋ ਕੇ ਹੋਟਲ ਆ ਗਿਆ ਅਤੇ ਅੰਨੇਵਾਹ ਗੋਲੀਆਂ ਚਲਾ ਦਿੱਤੀਆਂ।
ਜਾਣਕਾਰੀ ਅਨੁਸਾਰ ਰਮੇਸ਼ ਜਾਟਵ ਨੇ ਦੌੜ ਕੇ ਆਪਣੀ ਜਾਨ ਬਚਾ ਲਈ, ਪਰ ਇਕ ਗੋਲੀ ਹੋਟਲ ਦੇ ਅੰਦਰ ਭੋਜਨ ਕਰ ਰਹੇ ਗਵਾਲੀਅਰ ਜ਼ਿਲੇ ਦੇ ਡਬਰਾ ਨਿਵਾਸੀ ਟਰੱਕ ਚਾਲਕ ਕਲਆਣੀ ਦੇ ਸਿਰ ਵਿੱਚ ਜਾ ਲੱਗੀ, ਜਿੱਥੇ ਉਸਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਗੋਲੀਆਂ ਚਲਾਉਣ ਤੋੱ ਬਾਅਦ ਡੱਬੂ ਸਿਕਰਵਾਰ ਆਪਣੇ ਸਾਥੀਆਂ ਨਾਲ ਮੌਕੇ ਤੋੱ ਫਰਾਰ ਹੋ ਗਏ। ਪੁਲੀਸ ਨੇ ਜਾਂਚ ਕਰਨ ਤੋੱ ਬਾਅਦ ਲਾਸ਼ ਪਰਿਵਾਰ ਦੇ ਹਵਾਲੇ ਕਰ ਦਿੱਤੀ ਹੈ। ਦੋਸ਼ੀਆਂ ਖਿਲਾਫ ਹੱਤਿਆ ਅਤੇ ਹੱਤਿਆ ਦੀ ਕੋਸ਼ਿਸ਼ ਦਾ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।