ਅਕਾਲੀ ਕੌਂਸਲਰ ਪਰਵਿੰਦਰ ਸੋਹਾਣਾ ਤੇ ਸੁਰਿੰਦਰਾ ਰੋਡਾ ਵੱਲੋਂ ਸੈਕਟਰ-80 ਦੇ ਸਪੈਸ਼ਲ ਪਾਰਕ ਦੇ ਕੰਮ ਦਾ ਉਦਘਾਟਨ

ਅਕਾਲੀ ਕੌਂਸਲਰ ਪਰਵਿੰਦਰ ਸੋਹਾਣਾ ਤੇ ਸੁਰਿੰਦਰਾ ਰੋਡਾ ਵੱਲੋਂ ਸੈਕਟਰ-80 ਦੇ ਸਪੈਸ਼ਲ ਪਾਰਕ ਦੇ ਕੰਮ ਦਾ ਉਦਘਾਟਨ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 20 ਅਪਰੈਲ:
ਸਥਾਨਕ ਵਾਰਡ ਨੰਬਰ-41 ਵਿੱਚ ਪੈਂਦੇ ਸੈਕਟਰ-79 ਅਤੇ ਸੈਕਟਰ-80 ਦੇ ਪਾਰਕਾਂ ਦੇ ਰਹਿੰਦੇ ਕੰਮਾਂ ਅਤੇ ਸੈਕਟਰ-80 ਦੇ ਸਪੈਸ਼ਲ ਪਾਰਕ ਦੇ ਕੰਮ ਦਾ ਉਦਘਾਟਨ ਅੱਜ ਅਕਾਲੀ ਦ ਦੇ ਕੌਂਸਲਰ ਸੁਰਿੰਦਰ ਸਿੰਘ ਰੋਡਾ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਸੰਬੋਧਨ ਕਰਦਿਆਂ ਲੇਬਰਫੈਡ ਦੇ ਐਮਡੀ ਅਤੇ ਕੌਂਸਲਰ ਪਰਵਿੰਦਰ ਸਿੰਘ ਸੋਹਾਣਾ ਨੇ ਕਿਹਾ ਕਿ ਇਹਨਾਂ ਕੰਮਾਂ ਉੱਪਰ 2 ਕਰੋੜ ਰੁਪਏ ਦੀ ਲਾਗਤ ਆਵੇਗੀ। ਉਹਨਾਂ ਕਿਹਾ ਕਿ ਇਹਨਾਂ ਇਲਾਕਿਆਂ ਵਿੱਚ ਰਹਿਣ ਵਾਲੇ ਲੋਕਾਂ ਦੀਆਂ ਬੁਨਿਆਦੀ ਲੋੜਾਂ ਨੂੰ ਪੂਰੀਆਂ ਕਰਨ ਲਈ ਹੋਰ ਵੀ ਵਿਕਾਸ ਕੰਮ ਪਹਿਲ ਦੇ ਆਧਾਰ ਉਪਰ ਕੀਤੇ ਜਾਣਗੇ। ਉਹਨਾਂ ਕਿਹਾ ਕਿ ਇਸ ਇਲਾਕੇ ਨੂੰ ਨਮੂਨੇ ਦਾ ਇਲਾਕਾ ਬਣਾਉਣ ਲਈ ਉਪਰਾਲੇ ਕੀਤੇ ਜਾ ਰਹੇ ਹਨ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸਰਵਸ੍ਰੀ ਹਰਸੰਗਤ ਸਿੰਘ ਨੰਬਰਦਾਰ ਸੋਹਾਣਾ, ਬਲਦੇਵ ਕ੍ਰਿਸ਼ਨ, ਅਮਰੀਕ ਸਿੰਘ, ਰਾਜਦੇਵ ਸਿੰਘ, ਪ੍ਰੇਮ ਚੰਦ, ਰਾਖੀ ਪਾਠਕ, ਸ਼ਮਸ਼ੇਰ ਸਿੰਘ, ਗਿਰਧਾਰੀ ਲਾਲ, ਰਾਮ ਪਾਲ ਵੀ ਮੌਜੂਦ ਸਨ।