Share on Facebook Share on Twitter Share on Google+ Share on Pinterest Share on Linkedin ਰੀਜ਼ਨ ਕਾਨਫਰੰਸ ਵਿੱਚ ਲਾਇਨਜ਼ ਕਲੱਬ ਖਰੜ ਸਿਟੀ ਨੂੰ ਸਮਾਜ ਸੇਵੀ ਕੰਮਾਂ ਲਈ ਮਿਲੇ 11 ਐਵਾਰਡ ਮਲਕੀਤ ਸਿੰਘ ਸੈਣੀ ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 12 ਅਪਰੈਲ: ਲਾਇਨਜ਼ ਕਲੱਬ ਇੰਟਰਨੈਸ਼ਨਲ ਡਿਸਟ੍ਰਿਕਟ 321-ਐਫ ਦੇ ਰਿਜ਼ਨ-1 ਅਤੇ ਰਿਜ਼ਨ-2 ਦੀ ਹੋਈ ‘ਸਦਭਾਵਨਾ-2018’ ਦੇ ਬੈਨਰ ਹੇਠ ਹੋਈ ਰੀਜ਼ਨ ਕਾਨਫਰੰਸ ਵਿਚ ਲਾਇਨਜ਼ ਕਲੱਬ ਖਰੜ ਸਿਟੀ ਵਲੋਂ ਸਮਾਜ ਸੇਵੀ ਅਤੇ ਕਲੱਬ ਦੇ ਅਹੁੱਦੇਦਾਰਾਂ ਦੀ ਕਾਰਜ਼ਗਾਰੀ ਨੂੰ ਵੇਖਦੇ ਹੋਏ 11 ਐਵਾਰਡ ਪ੍ਰਾਪਤ ਕੀਤੇ। ਇਹ ਐਵਾਰਡ ਰੀਜ਼ਨ ਕਾਨਫਰੰਸ ਦੌਰਾਨ ਲਾਇਨਜ਼ ਕਲੱਬ ਇੰਟਰਨੈਸ਼ਨਲ ਡਿਸਟ੍ਰਿਕਟ-321 ਐਫ ਦੇ ਡਿਸਟ੍ਰਿਕਟ ਗਵਰਨਰ ਐਮ.ਜੇ.ਐਫ.ਲਾਈਨ ਆਨੰਦ ਸਾਹਨੀ ਵਲੋਂ ਦਿੱਤੇ ਗਏ। ਲਾਇਨਜ਼ ਕਲੱਬ ਖਰੜ ਸਿਟੀ ਦੇ ਪ੍ਰਧਾਨ ਗੁਰਮੁੱਖ ਸਿੰਘ ਮਾਨ, ਸਕੱਤਰ ਹਰਬੰਸ ਸਿੰਘ, ਖਜਾਨਚੀ ਵਨੀਤ ਜੈਨ, ਜੋਨ ਚੇਅਰਪਰਸਨ ਭੁਪਿੰਦਰ ਸਿੰਘ, ਬਲੱਡ ਡੋਨੇਸ਼ਨ ਦੇ ਕੈਬਨਿਟ ਸਕੱਤਰ ਸੁਭਾਸ ਅਗਰਵਾਲ, ਲਾਇਨ ਇੰਟਰਨੈਸ਼ਨਲ ਲੀਓ ਕਲੱਬ ਦੀ ਚੇਅਰਪਰਸਨ ਲਾਈਨ ਸਤਵਿੰਦਰ ਕੌਰ ਨੂੰ ਵਧੀਆਂ ਕਾਰਜਗਾਰੀ ਲਈ , ਅੱਖਾਂ ਦੇ ਕੈਂਪ ਲਗਾਉਣ, ਵਾਤਾਵਰਣ ਦੀ ਸੁੱਧਤਾ ਲਈ ਪੌਦੇ ਲਗਾਉਣਾ, ਲੰਗਰ ਲਾਉਣਾ, ਖੂਨਦਾਨ ਕੈਂਪ ਲਗਾ ਕੇ ਬਲੱਡ ਬੈਕਾਂ ਵਿਚ ਖੂਨ ਇਕੱਠਾ ਕਰਕੇ ਭੇਜਣਾ, ਸਕੂਲ ਦੇ ਬੱਚਿਆਂ ਨੂੰ ਸਟੇਸ਼ਨਰੀ ਇੱਕ ਸਾਲ ਤੱਕ ਦੇਣ ਲਈ ਗੋਦ ਲੈਣਾ, ਤਿੰਨ ਲੀੲੋ ਕਲੱਬਾਂ ਦੀ ਸਥਾਪਨਾ ਕਰਨਾ ਲਈ ਐਵਾਰਡ ਪ੍ਰਾਪਤ ਹੋਏ ਹਨ। ਡਿਸਟ੍ਰਿਕਟ ਗਵਰਨਰ ਲਾਇਨ ਆਨੰਦ ਸਾਹਨੀ ਨੇ ਕਿਹਾ ਕਿ ਲਾਈਨ ਕਲੱਬ ਖਰੜ ਸਿਟੀ ਦਾ ਸਮਾਜ ਸੇਵਾ ਸਮੇਤ ਹਰ ਖੇਤਰ ਵਿਚ ਪਹਿਲਾ ਸਥਾਨ ਹੈ। ਇਨ੍ਹਾਂ ਵੱਲੋਂ ਤਿੰਨ ਲੀੲੋ ਕਲੱਬ ਬਣਾ ਕੇ ਇੰਟਰਨੈਸ਼ਨਲ ਪੱਧਰ ਤੇ ਵੀ ਪ੍ਰਸਿੱਧੀ ਖੱਟੀ ਹੈ। ਇਸ ਮੌਕੇ ਗੋਪਾਲ ਕ੍ਰਿਸ਼ਨ ਵੀ.ਡੀ.-2, ਯੋਗੇਸ ਸੋਨੀ, ਪੀਡੀਜੀ ਪ੍ਰੀਤਕੰਵਲ ਸਿੰਘ, ਸੰਦੀਵ ਸੂਦ, ਡਾ. ਕੁਲਵਿੰਦਰ ਸਿੰਘ ਪੀਆਰਓ, ਦਵਿੰਦਰ ਗੁਪਤਾ, ਕਾਨਫਰੰਸ ਦੇ ਰਿਜ਼ਨ-1 ਦੇ ਰਿਜਨ ਚੇਅਰਪਸਨ ਜੇ.ਐਸ. ਰਾਹੀਂ, ਰੀਜ਼ਨ-2 ਦੇ ਕੇ.ਕੇ. ਸ਼ਰਮਾ, ਯੋਗੇਸ਼ ਸੋਨੀ, ਵਿਨੋਦ ਕੁਮਾਰ, ਪਰਮਪ੍ਰੀਤ ਸਿੰਘ ਸਮੇਤ ਕਲੱਬ ਦੇ ਅਹੁਦੇਦਾਰ ਹਾਜ਼ਰ ਸਨ।
ਮੰਤਰੀ ਮੰਡਲ ਨੇ ਲਖੀਮਪੁਰ ਖੀਰੀ ਘਟਨਾ ਵਿਚ ਜਾਨਾਂ ਗੁਆ ਚੁੱਕੇ ਕਿਸਾਨਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਲਈ ਦੋ ਮਿੰਟ ਦਾ ਮੌਨ ਰੱਖਿਆ
ਬੀਤੇ ਪੰਜ ਮਹੀਨਿਆਂ ਵਿਚ ਵਾਪਰੀਆਂ ਸਿਆਸੀ ਘਟਨਾਵਾਂ ਨਾਲ ਦੁੱਖ ਪਹੁੰਚਿਆ-ਕੈਪਟਨ ਅਮਰਿੰਦਰ ਸਿੰਘ ਨੇ ਅਸਤੀਫਾ ਦੇਣ ਤੋਂ ਪਹਿਲਾਂ ਸੋਨੀਆ ਗਾਂਧੀ ਨੂੰ ਲਿਖਿਆ ਪੱਤਰ
