ਕਾਂਗਰਸ ਉਮੀਦਵਾਰ ਜਗਮੋਹਨ ਕੰਗ ਲਈ ਵੋਟਾਂ ਮੰਗੀਆਂ

ਕਾਂਗਰਸ ਉਮੀਦਵਾਰ ਜਗਮੋਹਨ ਕੰਗ ਲਈ ਵੋਟਾਂ ਮੰਗੀਆਂ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 23 ਜਨਵਰੀ:
ਖਰੜ ਤੋਂ ਕਾਂਗਰਸ ਦੇ ਉਮੀਦਵਾਰ ਜਗਮੋਹਨ ਸਿੰਘ ਕੰਗ ਦੇ ਹੱਕ ਵਿੱਚ ਇੱਥੋਂ ਦੇ ਵਾਰਡ ਨੰਬਰ-6 ਵਿੱਚ ਇੱਕ ਮੀਟਿੰਗ ਯੂਥ ਕਾਂਗਰਸ ਆਗੂ ਜਸਮੀਤ ਸਿੰਘ ਮਿੰਟੂ ਦੀ ਅਗਵਾਈ ਅਤੇ ਸ਼ਿਵ ਵਰਮਾ ਦੀ ਦੇਖ-ਰੇਖ ਵਿੱਚ ਹੋਈ। ਇਸ ਮੌਕੇ ਬੋਲਦਿਆਂ ਸ੍ਰੀ ਜਗਮੋਹਨ ਸਿੰਘ ਕੰਗ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਵਿੱਚ ਮਿਹਨਤ ਕਰਨ ਵਾਲੇ ਹਰੇਕ ਵਰਕਰ ਦੀ ਬਿਨ੍ਹਾਂ ਵਿਤਕਰੇ ਅਤੇ ਭੇਦਭਾਵ ਤੋਂ ਕਦਰ ਕੀਤੀ ਜਾਂਦੀ ਹੈ ਅਤੇ ਕਾਂਗਰਸ ਦੀ ਸਰਕਾਰ ਆਉਣ ਤੇ ਹਲਕੇ ਵਿੱਚ ਸਰਬਪੱਖੀ ਵਿਕਾਸ ਕਰਵਾਇਆ ਜਾਵੇਗਾ। ਇਸ ਮੌਕੇ ਜਸਮੀਤ ਸਿੰਘ ਮਿੰਟੂ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਸ੍ਰੀ ਕੰਗ ਨੂੰ ਬਹੁਮਤ ਨਾਲ ਜਿੱਤਾ ਕੇ ਵਿਧਾਨ ਸਭਾ ਵਿੱਚ ਭੇਜਣ ਦਾ ਵਾਅਦਾ ਕੀਤਾ।
ਇਸ ਮੌਕੇ ਕਮਲਜੀਤ ਚਾਵਲਾ, ਨੰਦੀਪਾਲ, ਪਵਨ ਵਰਮਾ, ਮੋਨਿਕਾ ਸੂਦ, ਬਲਕਾਰ ਭੰਗੂ, ਰਾਣਾ ਕੁਸ਼ਲਪਾਲ, ਦੀਪਕ ਵਰਮਾ, ਤੇਜੀ ਰਾਣੀਮਾਜਰਾ, ਕੌਂਸਲਰ ਸ਼ਿਵ ਵਰਮਾ, ਚਰਨਜੀਤ ਭੱਟੀ, ਸੀਨੀਅਰ ਕਾਂਗਰਸੀ ਆਗੂ ਰਵਿੰਦਰ ਸਿੰਘ ਬਿੱਲਾ, ਅਮਰਿੰਦਰ ਸਿੰਘ ਰੋਮੀ ਕੰਗ, ਜਗਤਾਰ ਸਿੰਘ ਗਿੱਲ ਖਰੜ, ਰਮਾਕਾਂਤ ਕਾਲੀਆ, ਮਾਸਟਰ ਕੁਲਦੀਪ ਸਿੰਘ, ਪਰਮਜੀਤ ਕੌਰ, ਕਮਲੇਸ਼ ਚੁੱਘ ਸਮੇਤ ਕਾਂਗਰਸੀ ਵਰਕਰ ਅਤੇ ਵਾਰਡ ਵਾਸੀ ਹਾਜਰ ਸਨ।