ਕੁਰਾਲੀ ਦੇ ਮੇਨ ਬਾਜ਼ਾਰ ਵਿੱਚ ਦੁਸਹਿਰੇ ਮੌਕੇ ਸੱਭਿਆਚਾਰਕ ਮੇਲਾ ਕਰਵਾਇਆ

ਕੁਰਾਲੀ ਦੇ ਮੇਨ ਬਾਜ਼ਾਰ ਵਿੱਚ ਦੁਸਹਿਰੇ ਮੌਕੇ ਸੱਭਿਆਚਾਰਕ ਮੇਲਾ ਕਰਵਾਇਆ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 30 ਸਤੰਬਰ:
ਸਥਾਨਕ ਸ਼ਹਿਰ ਦੇ ਮੇਨ ਬਜ਼ਾਰ ਵਿਚ ਸਥਿਤ ਦੁਸ਼ਹਿਰਾ ਗਰਾਉਂਡ ਵਿਖੇ ਮੇਲਾ ਗਰਾਉਂਡ ਕਮੇਟੀ ਕੁਰਾਲੀ ਵੱਲੋਂ ਦੁਸ਼ਹਿਰਾ ਮੌਕੇ ਸੱਭਿਆਚਾਰਕ ਮੇਲਾ ਕਰਵਾਇਆ ਗਿਆ। ਇਸ ਦੌਰਾਨ ਪੰਜਾਬ ਦੀ ਪ੍ਰਸ਼ਿੱਧ ਦੋਗਾਣਾ ਜੋੜੀ ਅਮਰ ਅਰਸ਼ੀ-ਬੀਬਾ ਨਰਿੰਦਰ ਜੋਤ, ਗੁਰਬਖਸ ਸੌਂਕੀ, ਸਤਵੀਰ ਸੱਤੀ, ਮਨਿੰਦਰ ਮੰਗਾ ਨੇ ਦੇਰ ਸ਼ਾਮ ਤੱਕ ਦਰਸ਼ਕਾਂ ਦਾ ਮਨੋਰੰਜਨ ਕੀਤਾ। ਇਸ ਮੇਲੇ ਦਾ ਉਦਘਾਟਨ ਸਾਬਕਾ ਮੰਤਰੀ ਜਗਮੋਹਣ ਸਿੰਘ ਕੰਗ ਅਤੇ ਜੈਲਦਾਰ ਸਤਵਿੰਦਰ ਸਿੰਘ ਚੈੜੀਆਂ ਨੇ ਸਾਂਝੇ ਰੂਪ ਵਿਚ ਕੀਤਾ। ਇਸ ਮੌਕੇ ਮੁੱਖ ਮਹਿਮਾਨ ਵੱਜੋਂ ਹਾਜ਼ਰੀ ਭਰਦਿਆਂ ਨਰਿੰਦਰ ਸਿੰਘ ਸ਼ੇਰਗਿੱਲ ਨੇ ਕਿਹਾ ਕਿ ਦੁਸ਼ਹਿਰਾ ਬੁਰਾਈ ਤੇ ਅੱਛਾਈ ਦੀ ਜਿੱਤ ਦਾ ਪ੍ਰਤੀਕ ਹੈ ਜਿਸ ਤੋਂ ਸਭਨਾਂ ਨੂੰ ਸੇਧ ਲੈਕੇ ਆਪਣੇ ਮਨਾਂ ਵਿਚ ਬੈਠੇ ਰਾਵਣ ਨੂੰ ਖਤਮ ਕਰਨਾ ਚਾਹੀਦਾ ਹੈ।
ਇਸ ਦੌਰਾਨ ਨਰਿੰਦਰ ਸਿੰਘ ਸ਼ੇਰਗਿੱਲ ਅਤੇ ਦਵਿੰਦਰ ਸਿੰਘ ਬਾਜਵਾ ਨੇ ਕਲਾਕਰਾਂ ਅਤੇ ਪਤਵੰਤਿਆਂ ਦਾ ਸਨਮਾਨ ਚਿੰਨ੍ਹ ਨਾਲ ਸਨਮਾਨ ਕੀਤਾ। ਇਸ ਦੌਰਾਨ ਅਕਾਲੀ ਆਗੂ ਰਣਜੀਤ ਸਿੰਘ ਗਿੱਲ ਨੇ ਵਿਸ਼ੇਸ ਮਹਿਮਾਨ ਦੇ ਤੌਰ ਸ਼ਿਰਕਤ ਕਰਦਿਆਂ ਪ੍ਰਬੰਧਕਾਂ ਦੇ ਉਪਰਾਲੇ ਦੀ ਸਲਾਘਾ ਕੀਤੀ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਮੁਖ ਪ੍ਰਬੰਧਕ ਠੇਕੇਦਾਰ ਮੋਨੂੰ ਵਿਨਾਇਕ ਅਤੇ ਯੂਥ ਆਗੂ ਗੋਲਡੀ ਸ਼ੁਕਲਾ ਨੇ ਆਏ ਪਤਵੰਤਿਆਂ ਅਤੇ ਸ਼ਹਿਰ ਵਾਸੀਆਂ ਦਾ ਵਿਸ਼ੇਸ ਧੰਨਵਾਦ ਕੀਤਾ।
ਇਸ ਮੌਕੇ ਬਲਕਾਰ ਸਿੰਘ ਭੰਗੂ, ਬੀਬੀ ਲਖਵਿੰਦਰ ਕੌਰ ਗਰਚਾ, ਜੈ ਸਿੰਘ ਚੱਕਲਾਂ, ਗੁਰਵਿੰਦਰ ਸਿੰਘ ਡੂਮਛੇੜੀ, ਜਥੇ.ਤੇਜਪਾਲ ਸਿੰਘ ਕੁਰਾਲੀ, ਕੁਲਦੀਪ ਕੌਰ ਕੰਗ, ਸੁਖਜਿੰਦਰ ਸਿੰਘ ਮਾਵੀ, ਰਣਯੋਧ ਮਾਨ, ਸਤੀਸ਼ ਵਿਨਾਇਕ, ਰਣਧੀਰ ਸਿੰਘ ਧੀਰਾ, ਕ੍ਰਿਸ਼ਨਾ ਦੇਵੀ ਧੀਮਾਨ, ਗੁਰਮੇਲ ਸਿੰਘ ਪਾਬਲਾ, ਗੁਰਚਰਨ ਸਿੰਘ ਰਾਣਾ ਮੀਤ ਪ੍ਰਧਾਨ ਨਗਰ ਕੌਂਸਲ, ਜਸਵਿੰਦਰ ਸਿੰਘ ਗੋਲਡੀ, ਦਵਿੰਦਰ ਠਾਕੁਰ, ਰਾਜਦੀਪ ਹੈਪੀ, ਸੁਰਿੰਦਰ ਕੌਰ ਸ਼ੇਰਗਿੱਲ ਪ੍ਰਧਾਨ ਇਸਤਰੀ ਅਕਾਲੀ ਦਲ, ਲਖਵੀਰ ਲੱਕੀ, ਜਰਨੈਲ ਸਿੰਘ ਏਵਨ ਪ੍ਰਾਪਰਟੀ, ਬਹਾਦਰ ਸਿੰਘ ਓ.ਕੇ, ਸ਼ਿਵ ਵਰਮਾ, ਪਰਮਜੀਤ ਪੰਮੀ, ਅਨਿਲ ਪਰਾਸਰ, ਮੇਜਰ ਸਿੰਘ ਝਿੰਗੜਾਂ, ਸਾਬੀ ਚੀਮਾ, ਰਾਣਾ ਹਰਮੇਸ਼ ਕੁਮਾਰ, ਤਰਲੋਕ ਚੰਦ ਧੀਮਾਨ, ਨੰਦੀਪਾਲ ਬਾਂਸਲ, ਪਾਲਇੰਦਰ ਸਿੰਘ ਬਾਠ, ਜੁਗਰਾਜ ਸਿੰਘ ਮਾਨਖੇੜੀ, ਮੁਕੇਸ਼ ਰਾਣਾ, ਆਂਸੂ ਗੋਇਲ, ਪ੍ਰਦੀਪ ਕੁਮਾਰ ਰੂੜਾ, ਜਸਵੀਰ ਸਿੰਘ ਰਾਠੌਰ, ਰਮਾਕਾਂਤ ਕਾਲੀਆ, ਰਾਜਪਾਲ ਬੇਗੜਾ, ਦਿਨੇਸ਼ ਗੌਤਮ, ਹੈਪੀ ਧੀਮਾਨ, ਜਰਨੈਲ ਸਿੰਘ, ਅਮਨਵੀਰ ਰਿੱਕੀ ਸਮੇਤ ਵੱਖ ਵੱਖ ਰਾਜਨੀਤਕ ਪਾਰਟੀਆਂ ਦੇ ਆਗੂ ਅਤੇ ਇਲਾਕਾ ਵਾਸੀ ਹਾਜ਼ਰ ਸਨ। ਅੰਤ ਵਿਚ ਡੇਰਾ ਗੋਸਾਈਆਣਾ ਦੇ ਮੁਖੀ ਬਾਬਾ ਧਨਰਾਜ ਗਿਰ ਨੇ ਰਾਵਣ ਦੇ ਪੁਤਲੇ ਨੂੰ ਸਾੜਨ ਦੀ ਰਸਮ ਅਦਾ ਕੀਤੀ ਇਸ ਦਰਿਸ਼ ਦਾ ਇਲਾਕਾ ਵਾਸੀਆਂ ਨੇ ਅਨੰਦ ਲਿਆ।