ਅਕਾਲੀ ਕੌਂਸਲਰ ਧਨੋਆ ਵੱਲੋਂ ਰਿਲਾਇੰਸ ਕੰਪਨੀ ਦੀ ਸਿਕਿਊਰਟੀ ਜ਼ਬਤ ਕਰਨ ਦੀ ਮੰਗ

ਅਕਾਲੀ ਕੌਂਸਲਰ ਧਨੋਆ ਵੱਲੋਂ ਰਿਲਾਇੰਸ ਕੰਪਨੀ ਦੀ ਸਿਕਿਊਰਟੀ ਜ਼ਬਤ ਕਰਨ ਦੀ ਮੰਗ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 9 ਅਪਰੈਲ:
ਅਕਾਲੀ ਦਲ ਦੇ ਕੌਂਸਲਰ ਸਤਵੀਰ ਸਿੰਘ ਧਨੋਆ ਨੇ ਨਗਰ ਨਿਗਮ ਮੁਹਾਲੀ ਦੇ ਕਮਿਸ਼ਨਰ ਨੂੰ ਪੱਤਰ ਲਿਖ ਕੇ ਮੰਗ ਕੀਤੀ ਹੈ ਕਿ ਸੈਕਟਰ-69 ਵਿੱਚ ਰਿਲਾਇੰਸ ਕੰਪਨੀ ਵੱਲੋਂ ਕੀਤੇ ਗਏ ਨੁਕਸਾਨ ਦੇ ਬਦਲੇ ਵਿੱਚ ਕੰਪਨੀ ਦੀ ਸਿਕਿਓਰਟੀ ਜਬਤ ਕੀਤੀ ਜਾਵੇ। ਇਸ ਪੱਤਰ ਵਿੱਚ ਕੌਂਸਲਰ ਧਨੋਆ ਨੇ ਲਿਖਿਆ ਹੈ ਕਿ ਰਿਲਾਇੰਸ ਕੰਪਨੀ ਵੱਲੋਂ ਸੈਕਟਰ-69 ਵਿੱਚ ਤਾਰਾਂ ਪਾਉਣ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਤਾਰਾਂ ਪਾਉਣ ਵੇਲੇ ਇਸ ਕੰਪਨੀ ਦੇ ਵਰਕਰਾਂ ਵਲੋੱ ਇਸ ਇਲਾਕੇ ਨੂੰ ਤਹਿਸ ਨਹਿਸ ਕਰਕੇ ਰੱਖ ਦਿੱਤਾ ਗਿਆ ਹੈ। ਇਸ ਕੰਪਨੀ ਨੇ ਪਾਣੀ ਦੀ ਨਿਕਾਸੀ ਲਈ ਲਗਾਏ ਗਏ ਕਰਵ ਚੈਨਲਾਂ ਤੋੱ ਉਚੇ ਬਕਸੇ ਲਗਾ ਦਿੱਤੇ ਹਨ ਜਿਸ ਕਾਰਨ ਪਾਣੀ ਦੀ ਨਿਕਾਸੀ ਬੁਰੀ ਤਰਾਂ ਪ੍ਰਭਾਵਿਤ ਹੋ ਗਈ ਹੈ। ਇਸ ਤੋਂ ਇਲਾਵਾ ਪੁੱਟੇ ਗਏ ਕਿਸੇ ਵੀ ਪੁਆਇੰਟ ਦੀ ਰਿਪੇਅਰ ਨਹੀਂ ਕੀਤੀ ਗਈ। ਪੁਆਇੰਟ ਨੰਗੇ ਹੋਣ ਕਾਰਨ ਨਾਲੀਆਂ ਤੇ ਬਰਸਾਤ ਦਾ ਪਾਣੀ ਜ਼ਮੀਨ ਵਿੱਚ ਜਾ ਰਿਹਾ ਹੈ, ਜਿਸ ਕਰਕੇ ਸੜਕ ਵੀ ਧਸਣੀ ਸ਼ੁਰੂ ਹੋ ਗਈ ਹੈ। ਪੱਤਰ ਦੇ ਅੰਤ ਵਿੱਚ ਉਹਨਾਂ ਮੰਗ ਕੀਤੀ ਹੈ ਕਿ ਰਿਲਾਇੰਸ ਕੰਪਨੀ ਵੱਲੋਂ ਜਦੋਂ ਤੱਕ ਇਸ ਇਲਾਕੇ ਵਿੱਚ ਰਿਪੇਅਰ ਦਾ ਕੰਮ ਪੂਰੀ ਤਰਾਂ ਨਹੀਂ ਕਰਵਾਇਆ ਜਾਂਦਾ ਉਦੋੱ ਤੱਕ ਇਸ ਕੰਪਨੀ ਦੀ ਸਿਕਿਓਰਟੀ ਜਬਤ ਕੀਤੀ ਜਾਵੇ।