‘Deshraj Lachkani Kalan’ performed on Heer Ranjha’s tale

ਦੇਸ਼ਰਾਜ ਲਚਕਾਣੀ ਕਲਾ ਨੇ ਪੁਰਾਤਨ ਅਖਾੜੇ ਵਿੱਚ ਸੁਣਾਇਆ ਹੀਰ ਰਾਂਝੇ ਦਾ ਕਿੱਸਾ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 22 ਮਈ:
ਨੇੜਲੇ ਪਿੰਡ ਨਿਹੋਲਕਾ ਵਿਖੇ ਪੁਰਾਤਨ ਸਾਜਾ ਨਾਲ ਅਖਾੜਾ ਬੰਨ੍ਹਦੇ ਹੋਏ ਦੇਸ਼ਰਾਜ ਲਚਕਾਣੀ ਕਲਾ ਨੇ ਹੀਰ ਰਾਂਝੇ ਦਾ ਕਿੱਸਾ ਸੁਣਾਇਆ। ਇਸ ਮੌਕੇ ਮੁਖ ਮਹਿਮਾਨ ਵੱਜੋਂ ਹਾਜ਼ਰੀ ਭਰਦਿਆਂ ਜ਼ੈਲਦਾਰ ਸਤਵਿੰਦਰ ਸਿੰਘ ਚੈੜੀਆਂ ਜਨਰਲ ਸਕੱਤਰ ਜੱਟ ਮਹਾਂ ਸਭਾ ਪੰਜਾਬ ਨੇ ਪ੍ਰਬੰਧਕਾਂ ਦੇ ਉਪਰਾਲੇ ਦੀ ਸਲਾਘਾ ਕਰਦਿਆਂ ਕਿਹਾ ਕਿ ਅਜਿਹੇ ਪ੍ਰੋਗਰਾਮ ਕਰਵਾਉਣ ਨਾਲ ਸਾਡੀਆਂ ਆਉਣ ਵਾਲੀਆਂ ਪੀੜੀਆਂ ਨੂੰ ਪੁਰਾਤਨ ਗਾਇਕਾਂ ਅਤੇ ਪੁਰਾਤਨ ਸਾਜਾਂ ਬਾਰੇ ਜਾਣਕਾਰੀ ਰਹਿੰਦੀ ਹੈ ਕਿਉਂਕਿ ਕੁਝ ਦਹਾਕੇ ਪਹਿਲਾਂ ਪਿੰਡ ਪੱਧਰ ਤੇ ਅਜਿਹੇ ਪ੍ਰੋਗਰਾਮ ਆਮ ਹੁੰਦੇ ਸੀ ਜੋ ਹੁਣ ਅਲੋਪ ਹੋ ਕੇ ਰਹਿ ਗਏ ਹਨ। ਉਨ੍ਹਾਂ ਲੋਕਾਂ ਨੂੰ ਅਜਿਹੇ ਸਮਾਰੋਹ ਕਰਵਾਉਣ ਦੀ ਅਪੀਲ ਕੀਤੀ। ਇਸ ਦੌਰਾਨ ਦੇਸ਼ ਰਾਜ ਲਚਕਾਣੀ ਕਲਾ ਨੇ ਲੋਕਾਂ ਨੂੰ ਹੀਰ ਰਾਂਝੇ ਦਾ ਕਿੱਸਾ ਅਤੇ ਪੁਰਾਤਨ ਗੀਤ ਸੁਣਾਕੇ ਝੂਮਣ ਲਾ ਦਿੱਤਾ ਇਸ ਦੌਰਾਨ ਦੂਰੋਂ ਨੇੜਿਓਂ ਆਏ ਬਜ਼ੁਰਗ ਲੰਮਾ ਸਮਾਂ ਗੀਤਾਂ ਦਾ ਆਨੰਦ ਮਾਣਦੇ ਰਹੇ। ਇਸ ਮੌਕੇ ਸੁਖਵਿੰਦਰ ਸਿੰਘ ਸਿੰਘ ਸੁੱਖਾ, ਬਲਵਿੰਦਰ ਸਿੰਘ, ਜਸਵੰਤ ਸਿੰਘ, ਜੰਗ ਸਿੰਘ, ਹਰਜਿੰਦਰ ਸਿੰਘ, ਚਾਚਾ ਲਾਭ ਸਿੰਘ ਪਪਰਾਲੀ ਸਮੇਤ ਵੱਡੀ ਗਿਣਤੀ ਵਿਚ ਇਲਾਕਾ ਵਾਸੀ ਹਾਜ਼ਰ ਸਨ।