ਭਾਰਤ-ਨੇਪਾਲ ਸਰਹੱਦ ’ਤੇ ਨਸ਼ਾ ਤਸਕਰ ਗ੍ਰਿਫ਼ਤਰ, ਕਰੋੜਾਂ ਰੁਪਏ ਦੀ ਹੈਰੋਇਨ ਬਰਾਮਦ

ਭਾਰਤ-ਨੇਪਾਲ ਸਰਹੱਦ ’ਤੇ ਨਸ਼ਾ ਤਸਕਰ ਗ੍ਰਿਫ਼ਤਰ, ਕਰੋੜਾਂ ਰੁਪਏ ਦੀ ਹੈਰੋਇਨ ਬਰਾਮਦ

ਨਬਜ਼-ਏ-ਪੰਜਾਬ ਬਿਊਰੋ, ਬਿਹਾਰ, 19 ਮਾਰਚ:
ਭਾਰਤ-ਨੇਪਾਲ ਸਰਹੱਦ ਨਾਲ ਲੱਗਦੇ ਬਿਹਾਰ ਵਿੱਚ ਪੂਰਬੀ ਚੰਪਾਰਣ ਜ਼ਿਲੇ ਦੇ ਮੁਸਹਰਵਾ ਸਰਹੱਦ ਦੇ ਥਾਣੇ ਕੋਲੋੱ ਐਸ.ਐਸ.ਬੀ. ਦੇ ਜਵਾਨਾਂ ਨੇ ਕੱਲ ਰਾਤ ਇਕ ਤਸਕਰ ਨੂੰ ਗ੍ਰਿਫਤਾਰ ਕਰਕੇ ਕਰੋੜਾਂ ਰੁਪਏ ਮੁੱਲ ਦੀ 210 ਗ੍ਰਾਮ ਹੈਰੋਇਨ ਜ਼ਬਤ ਕੀਤੀ ਹੈ। ਐਸ.ਐਸ.ਬੀ. 17 ਬਟਾਲੀਅਨ ਅਫਸਰ ਸੋਨਮ ਛੇਰਿੰਗ ਨੇ ਦੱਸਿਆ ਕਿ ਖ਼ਬਰ ਮਿਲੀ ਸੀ ਕਿ ਤਸਕਰ ਹੈਰੋਇਨ ਦੀ ਸਪਲਾਈ ਲਈ ਆਉਣ ਵਾਲਾ ਹੈ। ਸੂਚਨਾ ਦੇ ਅਧਾਰ ਤੇ ਜਵਾਨਾਂ ਨੇ ਪਿੱਲਰ ਨੰ: 387/5 ਦੇ ਕੋਲ ਸ਼ੱਕ ਦੇ ਅਧਾਰ ਤੇ ਇਕ ਵਿਅਕਤੀ ਨੂੰ ਰੋਕ ਕੇ ਉਸ ਦੀ ਤਲਾਸ਼ੀ ਲਈ ਗਈ, ਤਲਾਸ਼ੀ ਦੌਰਾਨ ਉਸ ਕੋਲੋਂ 210 ਗ੍ਰਾਮ ਹੈਰੋਇਨ, ਦੋ ਮੋਬਾਈਲ ਫੋਨ, 500 ਰੁਪਏ ਅਤੇ ਨੇਪਾਲੀ ਸਿਮ ਬਰਾਮਦ ਕੀਤਾ। ਗ੍ਰਿਫਤਾਰ ਤਸਕਰ ਦੀ ਪਛਾਣ ਜ਼ਿਲੇ ਦੇ ਘੋੜਾਸਹਨ ਥਾਣਾ ਖੇਤਰ ਦੇ ਵਿਜਯੀ ਪਿੰਡ ਨਿਵਾਸੀ ਨੀਰਜ ਕੁਮਾਰ ਦੇ ਰੂਪ ਵਿੱਚ ਕੀਤੀ ਗਈ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਜ਼ਬਤ ਕੀਤੀ ਗਈ ਹੈਰੋਇਨ ਦਾ ਅੰਤਰ ਰਾਸ਼ਟਰੀ ਮੁੱਲ ਕਰੀਬ 1 ਕਰੋੜ 10 ਲੱਖ ਰੁਪਏ ਹੈ। ਗ੍ਰਿਫ਼ਤਾਰ ਤਸਕਰ ਨੂੰ ਆਦਾਪੁਰ ਪੁਲੀਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ ਅਤੇ ਉਸ ਤੋਂ ਪੁੱਛ-ਗਿੱਛ ਕੀਤੀ ਜਾ ਰਹੀ ਹੈ।