Share on Facebook Share on Twitter Share on Google+ Share on Pinterest Share on Linkedin ਸਿੱਖਿਆ ਬੋਰਡ ਕਰਮਚਾਰੀ ਐਸੋਸੀਏਸ਼ਨ ਵੱਲੋਂ ਗੇਟ ਰੈਲੀ ਦਾ ਆਯੋਜਨ ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 24 ਮਈ: ਪੰਜਾਬ ਸਕੂਲ ਸਿੱਖਿਆ ਬੋਰਡ ਕਰਮਚਾਰੀ ਐਸੋਸੀਏਸ਼ਨ ਵੱਲੋਂ ਮੁਲਾਜਮਾਂ ਦੀਆਂ ਮੰਗਾਂ ਨੂੰ ਲੈ ਕੇ ਭਰਵੀ ਗੇਟ ਰੈਲੀ ਕੀਤੀ ਗਈ ਅਤੇ ਦਫ਼ਤਰ ਦੇ ਸਾਰੇ ਗੇਟ ਬੰਦ ਕਰਕੇ ਮੁਲਾਜਮਾਂ ਦੇ ਭਰਵੇ ਇੱਕਠ ਵਿੱਚ ਮੁਲਾਜਮ ਮੰਗਾਂ ਦਾ ਵਿਸਥਾਰ ਪੂਰਵਕ ਚਾਨਣਾ ਪਾਇਆ ਗਿਆ। ਖਾਸ ਤੌਰ ਤੇ ਸੀਨੀਅਰ ਵਾਈਸ ਚੇਅਰਮਪਰਸਨ ਦੀ ਬੇਲੋੜੀ ਪੋਸਟ ਖਤਮ ਕਰਨ ਸਬੰਧੀ ਅਤੇ ਜਿਹੜੀਆਂ ਮੁਲਾਜਮਾਂ ਦੀਆ ਮੰਗਾਂ ਮੰਨਣ ਤੋ ਬੋਰਡ ਮੈਨੇਜਮੈਂਟ ਕਈ ਮਹੀਨਿਆਂ ਤੋੱ ਆਨਾ ਕਾਨੀ ਕਰਦੀ ਆ ਰਹੀ ਹੈ, ਜਿਵੇ ਕਿ ਮਿਤੀ 23-01-2001 ਦੇ ਨੋਟੀਫਿਕੇਸ਼ਨ ਦੇ ਆਧਾਰ ਤੇ 2004 ਵਿੱਚ ਰੈਗੂਲਰ ਹੋਏ ਕਰਮਚਾਰੀਆਂ ਨੂੰ ਮਾਨਯੋਗ ਪੰਜਾਬ ਐਂਡ ਹਰਿਆਣਾ ਹਾਈ ਕੋਰਟ ਦੇ ਹੁਕਮਾਂ ਅਨੁਸਾਰ ਪੁਰਾਣੀ ਪੈਨਸ਼ਨ ਲਗਾਉਣ ਬਾਰੇ, 539 ਹੈਲਪਰ ਕਲਰਕ ਬੋਰਡ ਦੀ ਮੀਟਿੰਗ ਵਿੱਚ ਦੋ ਵਾਰ ਰੈਗੂਲਰ ਹੋਣ ਉਪਰੰਤ ਰੈਗੂਲਰ ਤਨਖਾਹ ਦੇਣ ਬਾਰੇ, ਡੀਪੀਆਈ ਨੂੰ ਦਿੱਤੀ ਬਿਲਡਿੰਗ ਦਾ ਹੁਣ ਤੱਕ ਬਣਦਾ ਲਗਭਗ (13 ਕਰੋੜ 50 ਲੱਖ ਰੁਪਏ) ਕਿਰਾਇਆ ਲੈਣ ਬਾਰੇ, ਆਦਰਸ਼ ਸਕੂਲ ਦੇ ਟੀਚਰਾਂ ਦੀ ਤਨਖਾਹ ਦਾ ਏਰੀਅਰ ਦਾ ਬਕਾਇਆ ਦੇਣ ਬਾਰੇ, ਵੱਖ-ਵੱਖ ਕਾਡਰਾਂ ਦੀਆਂ ਖਾਲੀ ਪਈਆਂ ਅਸਾਮੀਆਂ ਤੇ ਭਰਤੀ ਕਰਨ ਬਾਰੇ, ਸਰਕਾਰ ਤੋਂ ਕਿਤਾਬਾਂ ਦਾ ਲਗਭਗ 150 ਕਰੋੜ ਰੁਪਏ ਲੈਣ ਬਾਰੇ, ਖਾਲੀ ਪਈਆਂ ਅਸਾਮੀਆਂ ਤੇ ਉੱਪ ਸਕੱਤਰਾਂ ਦਾ ਚਾਰਜ ਸੀਨੀਅਰ ਸਹਾਇਕ ਸਕੱਤਰਾਂ ਨੂੰ ਦੇਣ ਬਾਰੇ, ਦਿਹਾੜੀਦਾਰ ਕਰਮਚਾਰੀਆਂ ਦੀ ਮਿਆਦ ਵਿੱਚ ਵਾਧਾ ਅਤੇ ਹੋਰ ਮੰਗਾਂ ਨੂੰ ਲੈ ਕੇ ਅੱਜ ਭਰਵੀ ਗੇਟ ਰੈਲੀ ਕੀਤੀ ਗਈ। ਜਿਸ ਨੂੰ ਸਾਥੀ ਪਰਵਿੰਦਰ ਸਿੰਘ ਖੰਗੂੜਾ (ਜਰਨਲ ਸਕੱਤਰ), ਸਤਨਾਮ ਸਿੰਘ ਸੱਤਾ (ਸੀਨੀਅਰ ਮੀਤ ਪ੍ਰਧਾਨ) ਅਤੇ ਸੁਖਚੈਨ ਸਿੰਘ ਸੈਣੀ (ਪ੍ਰਧਾਨ) ਨੇ ਸੰਬੋਧਨ ਕੀਤਾ ਅਤੇ ਮੈਨੇਜਮੈਂਟ ਨੂੰ ਮੁਲਾਜਮਾਂ ਦੀਆਂ ਮੁੱਖ ਮੰਗਾਂ ਮੰਨਣ ਬਾਰੇ ਅੱਜ ਹੀ ਸ਼ਾਮ 5 ਵਜੇ ਦਾ ਅਲਟੀਮੈਟਮ ਦਿੱਤਾ ਹੈ। ਜੇਕਰ ਇਹਨਾਂ ਮੁਲਾਜਮ ਮੰਗਾਂ ਨੂੰ ਨਹੀ ਮੰਨੀਆਂ ਗਈਆਂ ਤਾਂ ਜਥੇਬੰਦੀ ਮਜਬੂਰ ਹੋ ਕੇ ਅਗਲਾ ਸੰਘਰਸ਼ ਕਰ ਸਕਦੀ ਹੈ। ਸੰਘਰਸ਼ ਦੌਰਾਨ ਬੋਰਡ ਦੇ ਚੱਲ ਰਹੀ ਪ੍ਰੀਖਿਆਵਾਂ ਸਬੰਧੀ ਕੰਮ ਵਿੱਚ ਜੇਕਰ ਕੋਈ ਰੁਕਾਵਟ ਆਈ ਤਾਂ ਬੋਰਡ ਮੈਨੇਜਮੈਂਟ ਖੁਦ ਜਿੰਮੇਵਾਰ ਹੋਵੇਗੀ। ਇਸਦੀ ਜਾਣਕਾਰੀ ਪ੍ਰੈਸ ਸਕੱਤਰ ਗੁਰਨਾਮ ਸਿੰਘ ਵੱਲੋ ਦਿੱਤੀ ਗਈ ਹੈ।
ਮੰਤਰੀ ਮੰਡਲ ਨੇ ਲਖੀਮਪੁਰ ਖੀਰੀ ਘਟਨਾ ਵਿਚ ਜਾਨਾਂ ਗੁਆ ਚੁੱਕੇ ਕਿਸਾਨਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਲਈ ਦੋ ਮਿੰਟ ਦਾ ਮੌਨ ਰੱਖਿਆ
ਬੀਤੇ ਪੰਜ ਮਹੀਨਿਆਂ ਵਿਚ ਵਾਪਰੀਆਂ ਸਿਆਸੀ ਘਟਨਾਵਾਂ ਨਾਲ ਦੁੱਖ ਪਹੁੰਚਿਆ-ਕੈਪਟਨ ਅਮਰਿੰਦਰ ਸਿੰਘ ਨੇ ਅਸਤੀਫਾ ਦੇਣ ਤੋਂ ਪਹਿਲਾਂ ਸੋਨੀਆ ਗਾਂਧੀ ਨੂੰ ਲਿਖਿਆ ਪੱਤਰ
