ਅਯੁੱਧਿਆ ਸਮਾਗਮ ਲਈ ਰਾਮ ਭਗਤਾਂ ’ਚ ਉਤਸ਼ਾਹ, ਸਵਾ ਦੋ ਲੱਖ ਘਰਾਂ ’ਚ ਸੱਦਾ ਪੱਤਰ ਵੰਡੇ: ਵਸ਼ਿਸ਼ਟ

ਅਯੁੱਧਿਆ ਸਮਾਗਮ ਲਈ ਰਾਮ ਭਗਤਾਂ ’ਚ ਉਤਸ਼ਾਹ, ਸਵਾ ਦੋ ਲੱਖ ਘਰਾਂ ’ਚ ਸੱਦਾ ਪੱਤਰ ਵੰਡੇ: ਵਸ਼ਿਸ਼ਟ

ਨਬਜ਼-ਏ-ਪੰਜਾਬ, ਮੁਹਾਲੀ, 18 ਜਨਵਰੀ:
ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਵੱਲੋਂ ਅਯੱੁਧਿਆ ਵਿੱਚ 22 ਜਨਵਰੀ ਨੂੰ ਹੋਣ ਵਾਲੇ ਰਾਮ ਮੂਰਤੀ ਦੇ ਪ੍ਰਾਣ ਪ੍ਰਤਿਸ਼ਠਾ ਸਮਾਗਮ ਵਿੱਚ ਸ਼ਾਮਲ ਹੋਣ ਲਈ ਰਾਮ ਭਗਤਾਂ ਅਤੇ ਆਮ ਨਾਗਰਿਕਾਂ ਵਿੱਚ ਭਾਰੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ। ਭਾਜਪਾ ਜ਼ਿਲ੍ਹਾ ਮੁਹਾਲੀ ਦੇ ਪ੍ਰਧਾਨ ਸੰਜੀਵ ਵਸ਼ਿਸ਼ਟ ਨੇ ਦੱਸਿਆ ਕਿ ਇਸ ਇਤਿਹਾਸਕ ਸਮਾਗਮ ਸਬੰਧੀ ਹੁਣ ਤੱਕ ਮੁਹਾਲੀ ਸ਼ਹਿਰ ਸਮੇਤ ਸਮੁੱਚੇ ਜ਼ਿਲ੍ਹੇ ਵਿੱਚ ਕਰੀਬ ਸਵਾ ਦੋ ਲੱਖ ਪਰਿਵਾਰਾਂ ਨੂੰ ਸੱਦਾ ਪੱਤਰ ਵੰਡੇ ਜਾ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਮੁਹਾਲੀ ਜ਼ਿਲ੍ਹੇ ਵਿੱਚ ਕੁੱਲ 2 ਲੱਖ 55 ਹਜ਼ਾਰ ਸੱਦਾ ਪੱਤਰ ਵੰਡੇ ਜਾਣੇ ਹਨ ਅਤੇ ਬਾਕੀ ਦੇ ਸੱਦਾ ਪੱਤਰ ਵੀ ਅਗਲੇ ਦੋ ਦਿਨਾਂ ਵਿੱਚ ਵੰਡ ਦਿੱਤੇ ਜਾਣਗੇ। ਉਨ੍ਹਾਂ ਦੱਸਿਆ ਕਿ ਭਾਜਪਾ ਕਾਰਕੁਨਾਂ ਤੋਂ ਇਲਾਵਾ ਜ਼ਿਲ੍ਹੇ ਭਰ ’ਚੋਂ ਵੱਖ-ਵੱਖ ਮੰਦਰਾਂ ਅਤੇ ਹੋਰਨਾਂ ਥਾਵਾਂ ਤੋਂ ਰਾਮ ਭਗਤ ਕਾਫ਼ਲਿਆਂ ਦੇ ਰੂਪ ਵਿੱਚ ਅਯੁੱਧਿਆ ਜਾਣਗੇ। ਸ਼ਹਿਰ ’ਚੋਂ ਕਈ ਜਥੇ ਜਾਣੇ ਵੀ ਸ਼ੁਰੂ ਹੋ ਗਏ ਹਨ। ਇਸ ਮੌਕੇ ਵਿਸ਼ਾਲ ਸ਼ਰਮਾ ਅਤੇ ਵਿਕਰਮ ਵੀ ਮੌਜੂਦ ਸਨ।