Share on Facebook Share on Twitter Share on Google+ Share on Pinterest Share on Linkedin ਆਬਕਾਰੀ ਵਿਭਾਗ ਦੀ ਟੀਮ ਨੇ ਬਨੂੜ ਨੇੜੇ ਸਪਿਰਟ ਦੀ ਵੱਡੀ ਖੇਪ ਫੜੀ, 5 ਜਣੇ ਕਾਬੂ ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 11 ਅਗਸਤ: ਆਬਕਾਰੀ ਤੇ ਕਰ ਵਿਭਾਗ ਪੰਜਾਬ ਦੇ ਕਮਿਸ਼ਨਰ ਵਿਵੇਕ ਪ੍ਰਤਾਪ ਸਿੰਘ ਦੇ ਦਿਸ਼ਾ-ਨਿਰਦੇਸ਼ਾਂ ਅਧੀਨ ਕਾਰਵਾਈ ਕਰਦੇ ਹੋਏ ਅੱਜ ਆਬਕਾਰੀ ਤੇ ਕਰ ਵਿਭਾਗ ਨੇ ਬਨੂੜ ਨੇੜੇ ਸਪਿਰਟ ਦੀ ਵੱਡੀ ਖੇਪ ਫੜਨ ਵਿੱਚ ਸਫਲਤਾ ਹਾਸਲ ਕੀਤੀ। ਇਸ ਸਬੰਧੀ ਵਿਨੋਦ ਪਾਹੂਜਾ, ਆਬਕਾਰੀ ਤੇ ਕਰ ਅਫਸਰ (ਆਬਕਾਰੀ), ਮੋਹਾਲੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਨ੍ਹਾਂ ਅਤੇ ਗੁਰਚਰਨ ਸਿੰਘ ਧਨੋਆ, ਏਆਈਜੀ ਐਕਸਾਈਜ਼ ਪੰਜਾਬ, ਸਰੂਪ ਇੰਦਰ ਸਿੰਘ ਸੰਧੂ, ਆਬਕਾਰੀ ਨਿਰੀਖਕ, ਖਰੜ ਦੀ ਟੀਮ ਨੇੇ ਕਾਰਵਾਈ ਕਰਦੇ ਹੋਏ ਬਨੂੜ ਨੇੜੇ ਪਟਿਆਲਾ ਢਾਬਾ ਅਤੇ ਝਿਲਮਿਲ ਢਾਬਾ ’ਤੇ ਛਾਪੇਮਾਰੀ ਕੀਤੀ, ਜਿੱਥੋਂ ਕ੍ਰਮਵਾਰ 71 ਡਰੰਮ ਅਤੇ 7 ਡਰੰਮ ਈ.ਐਨ.ਏ. (ਸਪਿਰਟ) ਤੇ ਕੁਝ ਹੋਰ ਰਸਾਇਣਿਕ ਅਤੇ ਲੇਬਲ ਹੋਲੋਗਰਾਮ ਅਤੇ ਖਾਲੀ ਬੋਤਲਾਂ ਬਰਾਮਦ ਕੀਤੇ ਗਏ। ਇਸ ਤੋਂ ਇਲਾਵਾ ਇਕ ਮਹਿੰਦਰਾ ਪਿਕਅੱਪ (ਪੀ.ਬੀ.02 ਸੀ.ਸੀ. ਈ.ਐਨ.ਏ.) ਡਰੰਮਾਂ ਨਾਲ ਭਰੀ ਹੋਈ ਅਤੇ ਇੱਕ ਇੰਡੀਕਾ ਵਿਸਟਾ ਕਾਰ (ਪੀ.ਬੀ.01ਏ6810) ਉੱਥੇ ਮਿਲੀ। ਮੌਕੇ ’ਤੇ ਫੜੇ ਪੰਜ ਵਿਅਕਤੀਆਂ ਨੂੰ ਸਮੇਤ ਮਾਲ ਮੁਕੱਦਮਾ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ ਅਤੇ ਇਸ ਸਬੰਧੀ ਥਾਣਾ ਬਨੂੜ ਵਿੱਚ ਪੰਜਾਬ ਆਬਕਾਰੀ ਐਕਟ, 1914 ਅਤੇ ਹੋਰ ਸਬੰਧਤ ਧਾਰਾਵਾਂ ਅਧੀਨ ਐਫ.ਆਈ.ਆਰ.ਨੰ:86, ਮਿਤੀ 11-08-2019 ਦਰਜ ਕਰਵਾਈ ਗਈ ਹੈ।
ਮੰਤਰੀ ਮੰਡਲ ਨੇ ਲਖੀਮਪੁਰ ਖੀਰੀ ਘਟਨਾ ਵਿਚ ਜਾਨਾਂ ਗੁਆ ਚੁੱਕੇ ਕਿਸਾਨਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਲਈ ਦੋ ਮਿੰਟ ਦਾ ਮੌਨ ਰੱਖਿਆ
ਬੀਤੇ ਪੰਜ ਮਹੀਨਿਆਂ ਵਿਚ ਵਾਪਰੀਆਂ ਸਿਆਸੀ ਘਟਨਾਵਾਂ ਨਾਲ ਦੁੱਖ ਪਹੁੰਚਿਆ-ਕੈਪਟਨ ਅਮਰਿੰਦਰ ਸਿੰਘ ਨੇ ਅਸਤੀਫਾ ਦੇਣ ਤੋਂ ਪਹਿਲਾਂ ਸੋਨੀਆ ਗਾਂਧੀ ਨੂੰ ਲਿਖਿਆ ਪੱਤਰ
