ਰਿਆਤ ਬਾਹਰਾ ਯੂਨੀਵਰਸਿਟੀ ਵੱਲੋਂ ਇੰਟਰਪ੍ਰੈਨਯੋਰਸ਼ਿਪ ਤੇ ਨਿਊ ਵੈਂਚਰ ਵਿਸ਼ੇ ’ਤੇ ਐਕਸਪਰਟ ਟਾਕ

ਰਿਆਤ ਬਾਹਰਾ ਯੂਨੀਵਰਸਿਟੀ ਵੱਲੋਂ ਇੰਟਰਪ੍ਰੈਨਯੋਰਸ਼ਿਪ ਤੇ ਨਿਊ ਵੈਂਚਰ ਵਿਸ਼ੇ ’ਤੇ ਐਕਸਪਰਟ ਟਾਕ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 28 ਨਵੰਬਰ:
ਰਿਆਤ ਬਾਹਰਾ ਯੂਨੀਵਰਸਿਟੀ ਸਕੂਲ ਆਫ਼ ਮੈਨੇਜਮੈਂਟ ਸਟੱਡੀਜ਼ ਵੱਲੋਂ ‘ਇੰਟਰਪ੍ਰੈਨਯੋਰਸ਼ਿਪ ਅਤੇ ਨਿਊ ਵੈਂਚਰ’ ਵਿਸ਼ੇ ’ਤੇ ਇੱਕ ਐਕਸਪਰਟ ਟਾਕ ਦਾ ਆਯੋਜਨ ਕੀਤਾ ਗਿਆ। ਰਿਆਤ ਬਾਹਰਾ ਯੂਨੀਵਰਸਿਟੀ ਦੁਆਰਾ ਇਹ ਵਿਸਤ੍ਰਿਤ ਮਾਨਸਿਕਤਾ ਨੂੰ ਵਿਕਸਤ ਕਰਨ ਵਿੱਚ ਸਹਾਇਤਾ ਕਰਨ ਲਈ ਹਰ ਸੈਸ਼ਨ ’ਤੇ ਆਯੋਜਿਤ ਕੀਤੇ ਜਾ ਰਹੇ ਮਾਹਿਰ ਲੈਕਚਰਾਂ ਦੀ ਲੜੀ ਦਾ ਹੀ ਇਕ ਹਿੱਸਾ ਸੀ।ਇਸ ਮੌਕੇ ਗ੍ਰੈਜੂਏਟ ਅਤੇ ਅੰਤਰਰਾਸ਼ਟਰੀ ਪ੍ਰੋਗਰਾਮਾਂ ਲਈ ਐਸੋਸੀਏਟ ਡੀਨ ਡਾ. ਰੋਬਰਟ ਡੀ. ਹਿਸਰੀਚ ਦੁਆਰਾ ਮਾਹਿਰ ਲੈਕਚਰ ਦਿੱਤਾ ਗਿਆ। ਆਪਣੇ ਭਾਸ਼ਣ ਵਿੱਚ ਡਾ. ਹਿਸਰੀਚ ਨੇ ਇਹ ਦਰਸਾਇਆ ਕਿ ਕਿਸ ਤਰ੍ਹਾਂ ਇੱਕ ਵਿਅਕਤੀ ਆਪਣੀ ਸਿਰਜਣਾਤਮਕਤਾ ਨੂੰ ‘ਉੱਦਅਮੀਅਤ ਵਿੱਚ ਅਨਲੌਕ ਕਰ ਸਕਦਾ ਹੈ। ਉਨ੍ਹਾਂ ਨਵੇਂ ਉੱਦਮ ਦੇ ਬੁਨਿਆਦ ਹੋਣ ਦੇ ਰੂਪ ਵਿੱਚ ਵਿਚਾਰਾਂ ਦੀ ਕਾਢ ਅਤੇ ਖੋਜ ’ਤੇ ਜ਼ੋਰ ਦਿੱਤਾ।
ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਦੱਸਿਆ ਕਿ ਇਕ ਨਵਾਂ ਉੱਦਮ ਸ਼ੁਰੂ ਕਰਨ ਦੇ ਮਾਮਲੇ ਵਿੱਚ ਵਿਲੱਖਣ ਵਿਕਰੀ ਪ੍ਰਸਤਾਵ, ਮਾਰਕੀਟ ਅਸੈਸਮੈਂਟ ਅਤੇ ਮੌਕੇ ਦਾ ਮੁਲਾਂਕਣ ਵੀ ਜ਼ਰੂਰੀ ਹੈ। ਉਨ੍ਹਾਂ ਫਡਿੰਗ ਦੇ ਵਿਕਲਪਕ ਸਰੋਤਾਂ ਦੇ ਨਾਲ ਬਿਜ਼ਨਸ ਪਲਾਨ ਦੇ ਵੱਖ-ਵੱਖ ਪਹਿਲੂਆਂ ‘ਤੇ ਵੀ ਚਰਚਾ ਕੀਤੀ। ਡਾ. ਹਿਸਰੀਚ ਨੇ ਅਕਾਦਮਿਕ ਸਨਅਤਕਾਰਾਂ ਬਾਰੇ ਵੀ ਜਾਣਕਾਰੀ ਦਿੱਤੀ।ਇੰਟਰਪ੍ਰੈਨਯੋਰਸ਼ਿਪ ਕੌਮੀ ਦੌਲਤ ਦਾ ਨਿਕਾਸ ਕਰਨ ਵਿੱਚ ਸਹਾਇਤਾ ਕਰਦੀ ਹੈ। ਸਾਡੇ ਆਪਣੇ ਵਰਗੇ ਵਕਾਸਸ਼ੀਲ ਦੇਸ਼ਾਂ ਕੋਲ ਆਮ ਤੌਰ ’ਤੇ ਸੀਮਤ ਕੌਮੀ ਅਮੀਰੀ ਹੁੰਦੀ ਹੈ। ਹਾਲਾਂਕਿ, ਸਾਮਾਨ ਅਤੇ ਸੇਵਾਵਾਂ ਨੂੰ ਆਯਾਤ ਕਰਨ ਲਈ ਇਸ ਦੌਲਤ ਨੂੰ ਖਰਚਣ ਦੀ ਲੋੜ ਹੈ। ਨਾਲ ਹੀ, ਦੂਜੇ ਦੇਸ਼ਾਂ ਦੇ ਨਾਲ ਵਪਾਰ ਕਰਨ ਲਈ, ਉਨ੍ਹਾਂ ਨੂੰ ਵਿਦੇਸ਼ੀ ਮੁਦਰਾ ਦੀ ਲੋੜ ਹੁੰਦੀ ਹੈ। ਸਨਅੱਤਕਾਰੀ ਕੌਮੀ ਸੰਪਤੀ ਦੇ ਨਿਕਾਸ ਤੋਂ ਬਚਾਉਣ ਵਿੱਚ ਸਹਾਇਤਾ ਕਰਦੀ ਹੈ ਕਿਉਂਕਿ ਉੱਦਮੀ ਆਰਥਿਕ ਵਿਕਾਸ, ਨੌਕਰੀਆਂ ਦੀ ਰਚਨਾ ਅਤੇ ਤਕਨੀਕੀ ਨਵੀਨਤਾ ਦੀ ਘੱਟ ਕੀਮਤ ਵਾਲੀ ਰਣਨੀਤੀ ਹੈ। ਇਸ ਪ੍ਰਕਾਰ ਉਹ ਸਥਾਨਕ ਤੌਰ ’ਤੇ ਉਤਪਾਦਨ ਨੂੰ ਸਮਰੱਥ ਬਣਾਉਂਦੇ ਹਨ ਅਤੇ ਆਯਾਤ ਦੀ ਜ਼ਰੂਰਤ ਨੂੰ ਘਟਾਉਂਦੇ ਹਨ।
ਰਿਆਤ ਬਾਹਰਾ ਗਰੁੱਪ ਆਫ਼ ਇੰਸਟੀਚਿਊਟ (ਆਰਬੀਜੀਆਈ) ਦੇ ਚੇਅਰਮੈਨ ਗੁਰਵਿੰਦਰ ਸਿੰਘ ਬਾਹਰਾ ਨੇ ਡਾ. ਹਿਸਰੀਚ ਦਾ ਸਵਾਗਤ ਕੀਤਾ ਅਤੇ ਇਸ ਗੱਲ ਤੇ ਜ਼ੋਰ ਦਿੱਤਾ ਕਿ ਅਜਿਹੇ ਭਾਸ਼ਣ ਸਵੈ-ਨਿਰਭਰ ਅਤੇ ਕੁਸ਼ਲ ਭਾਰਤ ਦੇ ਸੁਪਨੇ ਨੂੰ ਪ੍ਰਾਪਤ ਕਰਨ ਵੱਲ ਇਕ ਕਦਮ ਹਨ। ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ, ਡਾ. ਰਾਜ ਸਿੰਘ, ਅਤੇ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਵੀ ਇਸ ਲੈਕਚਰ ਵਿੱਚ ਹਾਜ਼ਰ ਹੋਏ।ਡਾ. ਹਿਸਰਿਚ ਸਹਿ ਲੇਖਕ ਹਨ ਅਤੇ ਉਨ੍ਹਾਂ 36 ਕਿਤਾਬਾਂ ਲਿਖੀਆਂ ਹਨ। ਉਨ੍ਹਾਂ ਦੀ ਮੁਹਾਰਤ ਵਿੱਚ ਘਰੇਲੂ ਉੱਦਮੀ, ਅੰਤਰਰਾਸ਼ਟਰੀ ਕਾਰੋਬਾਰ, ਅੰਤਰਰਾਸ਼ਟਰੀ ਵਪਾਰ, ਨਵੀਂ ਵੈਂਚਰ ਰਚਨਾ, ਉਦਯੋਗਿਕ ਵਿੱਤ, ਵੈਨਚਰ ਕੈਪੀਟਲ ਅਤੇ ਫਰਮ ਕਿਵੇਂ ਵਧਾਈ ਜਾਵੇ ਆਦਿ ਸ਼ਾਮਲ ਹਨ।