ਬਾਕਰਪੁਰ ਪੀਰ ਦਾ ਸਾਲਾਨਾ ਉਰਸ ਮੇਲਾ ਸਮਾਪਤ, ਕੈਂਪ ਵਿੱਚ 125 ਵਿਅਕਤੀਆਂ ਵੱਲੋਂ ਖੂਨਦਾਨ

ਬਾਕਰਪੁਰ ਪੀਰ ਦਾ ਸਾਲਾਨਾ ਉਰਸ ਮੇਲਾ ਸਮਾਪਤ, ਕੈਂਪ ਵਿੱਚ 125 ਵਿਅਕਤੀਆਂ ਵੱਲੋਂ ਖੂਨਦਾਨ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 31 ਮਈ:
ਇੱਥੋਂ ਦੇ ਨਜ਼ਦੀਕੀ ਪਿੰਡ ਬਾਕਰਪੁਰ ਵਿੱਚ ਗੁੱਗਾ ਮਾੜੀ ਵੈਲਫੇਅਰ ਸਭਾ ਵੱਲੋਂ ਹਜਰਤ ਗੌਂਸਪਾਕ ਗਿਆਰ੍ਹਵੀਂ ਵਾਲੇ ਪੀਰ ਜੀ ਦੇ ਯਾਦਗਾਰੀ ਸਾਲਾਨਾ 10ਵੇਂ ਉਰਸ/ਮੇਲੇ ਦੌਰਾਨ ਮਾਨਵਤਾ ਦੀ ਭਲਾਈ ਲਈ ਵਿਸ਼ਾਲ ਖੂਨਦਾਨ ਕੈਂਪ ਲਗਾਇਆ ਗਿਆ। ਜਿਸ ਦਾ ਉਦਘਾਟਨ ਦਰਬਾਰ ਦੇ ਗੱਦੀ ਨਸ਼ੀਨ ਬਾਬਾ ਸੁਰਿੰਦਰ ਸਾਂਈ, ਪ੍ਰਧਾਨ ਅਵਤਾਰ ਸਿੰਘ ਬਿੱਟੂ ਅਤੇ ਬਜ਼ੁਰਗ ਤਰਲੋਚਨ ਸਿੰਘ ਸਮੇਤ ਬਲਦੇਵ ਸਿੰਘ, ਮਨਪ੍ਰੀਤ ਸਿੰਘ ਅਤੇ ਅੇਸਐਚਓ ਖ਼ੁਸ਼ਪ੍ਰੀਤ ਕੌਰ ਅਤੇ ਪੁਲੀਸ ਮੁਲਾਜ਼ਮ ਸੰਜੀਵ ਕੁਮਾਰ ਨੇ ਸਾਂਝੇ ਤੌਰ ’ਤੇ ਕੀਤਾ। ਬਾਬਾ ਸੁਰਿੰਦਰ ਸਾਈਂ ਨੇ ਦੱਸਿਆ ਕਿ ਕੈਂਪ ਵਿੱਚ ਸਵੈ ਇੱਛਾ ਮੁਤਾਬਕ 125 ਵਿਅਕਤੀਆਂ ਨੇ ਖੂਨ ਕੀਤਾ ਅਤੇ ਪੀਜੀਆਈ ਬਲੱਡ ਬੈਂਕ ਦੇ ਡਾਕਟਰਾਂ ਦੀ ਟੀਮ ਨੇ ਖੂਨ ਦੇ ਯੂਨਿਟ ਇਕੱਠੇ ਕੀਤੇ। ਮੇਲਾ ਪ੍ਰਬੰਧਕਾਂ ਵੱਲੋਂ ਸਾਰੇ ਖੂਨਦਾਨੀਆਂ ਨੂੰ ਵਿਸ਼ੇਸ਼ ਸਰਟੀਫਿਕੇਟ ਅਤੇ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਤੋਂ ਇਲਾਵਾ ਉਰਸ/ਮੇਲੇ ਦੌਰਾਨ ਪੰਜ ਗਰੀਬ ਲੜਕੀਆਂ ਦੇ ਵਿਆਹਾਂ ਲਈ ਲੜਕੀਆਂ ਦੇ ਮਾਪਿਆਂ ਨੂੰ ਨਿੱਤ ਵਰਤੋਂ ਦਾ ਘਰੇਲੂ ਸਾਮਾਨ ਦਿੱਤਾ ਗਿਆ ਅਤੇ ਦੇਰ ਸ਼ਾਮ ਵੱਖ ਵੱਖ ਗਾਇਕਾਂ ਅਤੇ ਕੱਵਾਲਾਂ ਨੇ ਰੰਗਾਰੰਗ ਸੰਗੀਤਕ ਪ੍ਰੋਗਰਾਮ ਪੇਸ਼ ਕੀਤਾ।