ਸਰਕਾਰੀ ਕਾਲਜ: ਵਿਦਿਆਰਥੀ ਜਥੇਬੰਦੀ ਦਾ ਗਠਨ, ਗਿੱਲ ਕੰਧੋਲਾ ਪ੍ਰਧਾਨ ਤੇ ਜੀਤ ਮਾਨਸਾ ਨੂੰ ਚੇਅਰਮੈਨ ਥਾਪਿਆ

ਸਰਕਾਰੀ ਕਾਲਜ: ਵਿਦਿਆਰਥੀ ਜਥੇਬੰਦੀ ਦਾ ਗਠਨ, ਗਿੱਲ ਕੰਧੋਲਾ ਪ੍ਰਧਾਨ ਤੇ ਜੀਤ ਮਾਨਸਾ ਨੂੰ ਚੇਅਰਮੈਨ ਥਾਪਿਆ

ਨਬਜ਼-ਏ-ਪੰਜਾਬ, ਮੁਹਾਲੀ, 25 ਸਤੰਬਰ:
ਇੱਥੋਂ ਦੇ ਸ਼ਹੀਦ ਮੇਜਰ ਹਰਮਿੰਦਰਪਾਲ ਸਿੰਘ ਸਰਕਾਰੀ ਕਾਲਜ ਫੇਜ਼-6 ਵਿੱਚ ਵਿਦਿਆਰਥੀ ਜਥੇਬੰਦੀ ਦਾ ਗਠਨ ਕੀਤਾ ਗਿਆ ਹੈ। ਇਸ ਮੌਕੇ ਕਾਲਜ ਦੇ ਵਿਦਿਆਰਥੀਆਂ ਵੱਲੋਂ ਨੌਜਵਾਨ ਆਗੂ ਗਿੱਲ ਕੰਧੋਲਾ ਨੂੰ ਜਥੇਬੰਦੀ ਦਾ ਪ੍ਰਧਾਨ ਅਤੇ ਜੀਤ ਮਾਨਸਾ ਨੂੰ ਚੇਅਰਮੈਨ ਚੁਣਿਆ ਹੈ। ਇਹ ਚੋਣ ਪ੍ਰਕਿਰਿਆ ਮੁਹਾਲੀ ਤੋਂ ਆਪ ਵਿਧਾਇਕ ਕੁਲਵੰਤ ਸਿੰਘ ਦੇ ਅਧਿਕਾਰਤ ਨੁਮਾਇੰਦੇ ਸਾਬਕਾ ਕੌਂਸਲਰ ਆਰਪੀ ਸ਼ਰਮਾ ਅਤੇ ਅਕਬਿੰਦਰ ਸਿੰਘ ਗੋਸਲ ਦੀ ਦੇਖਰੇਖ ਵਿੱਚ ਨੇਪਰੇ ਚੜੀ।
ਇਸ ਮੌਕੇ ਆਪ ਆਗੂ ਆਰਪੀ ਸ਼ਰਮਾ ਨੇ ਕਿਹਾ ਕਿ ਸਰਕਾਰੀ ਕਾਲਜ ਦੇ ਵਿਦਿਆਰਥੀਆਂ ਨੂੰ ਦਰਪੇਸ਼ ਸਮੱਸਿਆਵਾਂ ਨੂੰ ਵਿਧਾਇਕ ਕੁਲਵੰਤ ਸਿੰਘ ਦੇ ਸਹਿਯੋਗ ਨਾਲ ਜਲਦੀ ਹੱਲ ਕਰਵਾਇਆ ਜਾਵੇਗਾ। ਨਵ-ਨਿਯੁਕਤ ਪ੍ਰਧਾਨ ਗਿੱਲ ਕੰਧੋਲਾ ਨੇ ਕਿਹਾ ਕਿ ਵਿਦਿਆਰਥੀਆਂ ਦੇ ਪਿਛਲੇ ਕਾਫ਼ੀ ਸਮੇਂ ਤੋਂ ਲਮਕਦੇ ਆ ਰਹੇ ਮਸਲਿਆਂ ਦੇ ਸਥਾਈ ਹੱਲ ਲਈ ਯੋਗ ਪੈਰਵੀ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਉਹ ਅਗਲੇ ਹਫ਼ਤੇ ਵਿਧਾਇਕ ਕੁਲਵੰਤ ਸਿੰਘ ਨਾਲ ਮੁਲਾਕਾਤ ਕਰਕੇ ਵਿਦਿਆਰਥੀ ਵਰਗ ਨੂੰ ਦਰਪੇਸ਼ ਸਮੱਸਿਆਵਾਂ ਦਾ ਨਿਪਟਾਰਾ ਕਰਨ ਦੀ ਗੁਹਾਰ ਲਗਾਉਣਗੇ ਅਤੇ ਲਿਖਤੀ ਮੰਗ ਪੱਤਰ ਦਿੱਤਾ ਜਾਵੇਗਾ। ਇਸ ਮੌਕੇ ਆਪ ਆਗੂ ਅਕਬਿੰਦਰ ਸਿੰਘ ਗੋਸਲ, ਰਾਜੇਸ਼ ਕੁਮਾਰ, ਵਾਈਸ ਚੇਅਰਮੈਨ ਜੱਸ ਭਜੋਲੀ, ਮੀਤ ਪ੍ਰਧਾਨ ਕਰਨ ਅਰਗੜੀਆ, ਪਰਵਿੰਦਰ ਪਲਹੇੜੀ, ਰੋਹਿਤ ਕੁਮਾਰ, ਗੁਰੀ ਵੰਸਮਪੁਰ ਅਤੇ ਜਸ਼ਨ ਹਾਜ਼ਰ ਸਨ।