ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਲੰਮੀ ਉਮਰ ਲਈ ਹਵਨ ਯੱਗ ਕਰਵਾਇਆ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 9 ਜਨਵਰੀ:
ਭਾਜਪਾ ਉਦਯੋਗ ਸੈੱਲ ਜ਼ਿਲ੍ਹਾ ਮੁਹਾਲੀ ਵੱਲੋਂ ਜ਼ਿਲ੍ਹਾ ਪ੍ਰਧਾਨ ਰੋਹਿਤ ਮਿਸ਼ਰਾ ਦੀ ਅਗਵਾਈ ਹੇਠ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਲੰਮੀ ਉਮਰ ਅਤੇ ਦੇਸ਼ ਦੀ ਤਰੱਕੀ ਲਈ ਸ੍ਰੀ ਰਾਮ ਭਵਨ ਖਰੜ ਵਿਖੇ ਹਵਨ ਯੱਗ ਕਰਵਾਇਆ ਗਿਆ। ਇਸ ਮੌਕੇ ਸੁਖਵਿੰਦਰ ਸਿੰਘ ਗੋਲਡੀ ਭਾਜਪਾ ਪ੍ਰਦੇਸ਼ ਕਾਰਜਕਰਨੀ ਮੈਂਬਰ ਮੁੱਖ ਮਹਿਮਾਨ ਵਜੋਂ ਹਾਜ਼ਰ ਹੋਏ ਜਦੋਂਕਿ ਸੀਨੀਅਰ ਭਾਜਪਾ ਆਗੂ ਵਿਨੀਤ ਜੋਸ਼ੀ ਅਤੇ ਖੁਸ਼ਵੰਤ ਰਾਏ ਗੀਗਾ ਵਿਸ਼ੇਸ਼ ਮਹਿਮਾਨ ਸਨ।
ਸ੍ਰੀ ਰੋਹਿਤ ਮਿਸ਼ਰਾ ਨੇ ਦੱਸਿਆ ਕਿ ਦੇਸ਼ ਵਾਸੀਆਂ ਦੇ ਹਰਮਨ ਪਿਆਰੇ ਨੇਤਾ ਅਤੇ ਪ੍ਰਧਾਨ ਮੰਤਰੀ ਦੀ ਜਾਨ ਨੂੰ ਖ਼ਤਰਾ ਬਣ ਆਇਆ ਹੈ ਅਤੇ ਪਿੱਛਲੇ ਦਿਨੀਂ ਪੰਜਾਬ ਸਰਕਾਰ ਵੱਲੋਂ ਉਨ੍ਹਾਂ ਦੀ ਸੁਰੱਖਿਆ ਵਿੱਚ ਵਰਤੀ ਗਈ ਕਥਿਤ ਕੋਤਾਹੀ ਇਕ ਵੱਡੀ ਸਾਜ਼ਿਸ਼ ਵੱਲ ਇਸ਼ਾਰਾ ਕਰਦੀ ਹੈ ਅਤੇ ਇਸ ਨਾਲ ਦੇਸ਼ ਭਰ ਵਿੱਚ ਭਾਰੀ ਰੋਸ ਦੀ ਲਹਿਰ ਹੈ। ਜਿਸ ਲਈ ਅੱਜ ਮੋਦੀ ਸਾਹਿਬ ਦੀ ਸਿਹਤਯਾਬੀ ਅਤੇ ਲੰਮੀ ਉਮਰ ਲਈ ਹਵਨ ਯੱਗ ਕਰਵਾਇਆ ਗਿਆ। ਜਿਸ ਵਿੱਚ ਵੱਡੀ ਗਿਣਤੀ ਵਿੱਚ ਇਲਾਕੇ ਦੇ ਲੋਕਾਂ ਅਤੇ ਭਾਜਪਾ ਆਗੂਆਂ ਅਤੇ ਵਰਕਰਾਂ ਨੇ ਹਿੱਸਾ ਲਿਆ ਅਤੇ ਪ੍ਰਧਾਨ ਮੰਤਰੀ ਦੀ ਲੰਮੀ ਉਮਰ ਲਈ ਪ੍ਰਾਥਨਾ ਕੀਤੀ।
ਇਸ ਮੌਕੇ ਭਾਜਪਾ ਦੇ ਸੀਨੀਅਰ ਆਗੂ ਨਰਿੰਦਰ ਰਾਣਾ, ਵਿਸ਼ਵ ਬੰਦੂ ਆਰੀਆ, ਵਿਜੈ ਧਵਨ, ਪਵਨ ਮਨੋਚਾ, ਸ਼ਰਮੀਲਾ ਠਾਕੁਰ, ਪ੍ਰਵੇਸ਼ ਭਾਰਤੀ, ਨਿਕੁੰਜ ਧਵਨ, ਰਾਜਿੰਦਰ ਸ਼ਰਮਾ, ਸਰਜੀਵਨ ਸ਼ਰਮਾ, ਉਪਦੇਸ਼ ਗਰਗ, ਰਣਜੀਤ ਝਾਅ, ਰਾਮ ਗੋਪਾਲ ਵਰਮਾ, ਦਵਿੰਦਰ ਗੁਪਤਾ, ਦਵਿੰਦਰ ਸਿੰਘ, ਸੀਮਾ ਸ਼ਰਮਾ, ਅਲਕਾ ਭਾਟੀਆ, ਅਨੀਤਾ ਸ਼ਰਮਾ, ਰਾਜਿੰਦਰ ਅਰੋੜਾ, ਪਵਨ ਗਰਗ, ਰਮੇਸ਼, ਪੰਡਿਤ ਰਾਕੇਸ਼ ਸ਼ਾਸਤਰੀ, ਨਰੇਸ਼ ਸਿੰਗਲਾ, ਪੀਐੱਸ ਪਾਂਡੇ, ਮਨੀਸ਼ ਭਾਰਦਵਾਜ, ਪ੍ਰੇਮ ਚੰਦ ਗੋਇਲ ਅਤੇ ਹੋਰ ਭਾਜਪਾ ਦੇ ਮੈਂਬਰ ਹਾਜ਼ਰ ਹਨ।
