ਹਾਪਰ ਇੰਟਰ ਨੈਸ਼ਨਲ ਸਮਾਰਟ ਸਕੂਲ ਦੇ ਸਮਾਗਮ ਵਿੱਚ ਹੋਣਹਾਰ ਵਿਦਿਆਰਥੀਆਂ ਦਾ ਸਨਮਾਨ

ਹਾਪਰ ਇੰਟਰ ਨੈਸ਼ਨਲ ਸਮਾਰਟ ਸਕੂਲ ਦੇ ਸਮਾਗਮ ਵਿੱਚ ਹੋਣਹਾਰ ਵਿਦਿਆਰਥੀਆਂ ਦਾ ਸਨਮਾਨ

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 14 ਦਸੰਬਰ:
ਹਾਪਰ ਇੰਟਰਨੈਸ਼ਨਲ ਸਮਾਰਟ ਸਕੂਲ ਚੋਲਟਾ ਕਲਾਂ ਵਲੋਂ ਆਪਣੇ ਕੈਂਪਸ ਵਿਚ ਦੂਸਰਾ ਸਲਾਨਾ ਦਿਵਸ ਮਨਾਇਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਪੰਜਾਬ ਦੇ ਤਕਨੀਕੀ ਸਿੱਖਿਆ ਮੰਤਰੀ ਚਰਨਜੀਤ ਸਿੰਘ ਚੰਨੀ ਵੱਲੋਂ ਸਮਾਂ ਰੋਸ਼ਨ ਕਰਨ ਉਪਰੰਤ ਹੋਈ। ਉਨ੍ਹਾਂ ਆਪਣੀ ਸੰਬੋਧਨ ਭਾਸ਼ਨ ਵਿੱਚ ਆਖਿਆ ਕਿ ਸਿੱਖਿਆ ਤੋਂ ਬਿਨਾਂ ਕੋਈ ਵੀ ਸੂਬਾ/ਦੇਸ਼ ਤਰੱਕੀ ਨਹੀਂ ਕਰ ਸਕਦਾ ਅਤੇ ਮਾਪਿਆਂ ਨੂੰ ਆਪਣੇ ਬੱਚਿਆਂ ਨੂੰ ਸਿੱਖਿਆ ਦਿਵਾਉਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਨਾਲੋ ਹੁਣ ਬੱਚਿਆਂ ਨੂੰ ਵਧੀਆ ਸਿੱਖਿਆ ਮਿਲਣ ਲੱਗੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਹਾਪਰ ਇੰਟਰਨੈਸ਼ਨਲ ਸਮਾਰਟ ਸਕੂਲ ਇਲਾਕੇ ਵਿਚ ਬੱਚਿਆਂ ਲਈ ਵਧੀਆਂ ਸਿੱਖਿਆ ਪ੍ਰਦਾਨ ਕਰ ਰਿਹਾ ਹੈ।
ਸਕੂਲ ਦੀ ਪਿੰ੍ਰਸੀਪਲ ਰੀਤਿਕਾ ਸਿੰਘ ਨੇ ਸਕੂਲ ਦੀ ਸਲਾਨਾ ਰਿਪੋਰਟ ਪੜ੍ਹੀ। ਸਕੂਲ ਦੇ ਬੱਚਿਆਂ ਦਾ ਵਿਸੇਸ ਤੌਰ ’ਤੇ ਸਨਮਾਨ ਕੀਤਾ ਗਿਆ। ਸਕੂਲ ਮੈਨੇਜਿੰਗ ਡਾਇਰੈਕਟਰ ਰਾਜੀਵ ਮਲਹੋਤਰਾ, ਡਾਇਰੈਕਟਰ ਸੋਨਲ ਮਲਹੋਤਰਾ, ਡੀ.ਐਸ.ਪੀ. ਦੀਪ ਕਮਲ, ਨਾਇਬ ਤਹਿਸੀਲਦਾਰ ਖਰੜ ਹਰਿੰਦਰਜੀਤ ਸਿੰਘ, ਸਾਬਕਾ ਸਰਪੰਚ ਸੰਜੀਵ ਕੁਮਾਰ ਰੂਬੀ, ਮਾਸਟਰ ਪ੍ਰੇਮ ਸਿੰਘ, ਅਵਤਾਰ ਸਿੰਘ ਨਿਆਮੀਆਂ, ਹਰੀਬਚਨ ਲਾਲ, ਰਾਏ ਸਿੰਘ, ਜਤਿੰਦਰ ਰਾਣਾ, ਸਕੂਲ ਦੇ ਸਟਾਫ ਮੈਂਬਰ, ਬੱਚੇ, ਬੱਚਿਆਂ ਦੇ ਮਾਤਾ, ਪਿਤਾ ਸਮੇਤ ਇਲਾਕੇ ਦੇ ਪਤਵੱਤੇ ਸੱਜਣ ਸਮੇਤ ਹੋਰ ਸ਼ਖ਼ਸੀਅਤਾਂ ਹਾਜ਼ਰ ਸਨ।