ਸ਼ੈਮਰਾਕ ਸਕੂਲ ਵਿੱਚ ਬੱਚਿਆਂ ਦਾ ਡਾਂਸ ਅਤੇ ਮਿਸ ਤੇ ਸ੍ਰੀਮਤੀ ਫੈਸ਼ਨ ਸ਼ੋਅ

ਸ਼ੈਮਰਾਕ ਸਕੂਲ ਵਿੱਚ ਬੱਚਿਆਂ ਦਾ ਡਾਂਸ ਅਤੇ ਮਿਸ ਤੇ ਸ੍ਰੀਮਤੀ ਫੈਸ਼ਨ ਸ਼ੋਅ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 1 ਸਤੰਬਰ:
ਇੱਥੋਂ ਦੇ ਸੈਕਟਰ-69 ਸਥਿਤ ਸ਼ੈਮਰਾਕ ਸਕੂਲ ਵਿੱਚ ਸਟੈੱਪ ਟੂ ਸਟੈੱਪ ਵੱਲੋਂ ਬੱਚਿਆਂ ਦਾ ਡਾਂਸ ਅਤੇ ਮਿਸ ਅਤੇ ਸ੍ਰੀਮਤੀ ਫੈਸ਼ਨ ਸ਼ੋਅ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ ਵਿੱਚ 3 ਸਾਲ ਦੇ ਸਕੂਲੀ ਬੱਚਿਆਂ ਤੋਂ ਲੈ ਕੇ 50 ਸਾਲ ਤੱਕ ਦੀਆਂ ਅੌਰਤਾਂ ਨੇ ਭਾਗ ਲਿਆ। ਸਕੂਲੀ ਬੱਚਿਆਂ ਨੇ ਇਸ ਪ੍ਰੋਗਰਾਮ ਦੌਰਾਨ ਮੰਚ ’ਤੇ ਹੈਪੀ ਸਾਂਗ, ਸਮਾਲ ਕਿਡਸ ਡਾਂਸ, ਕਲਾਸੀਕਲ ਡਾਂਸ, ਵੈਸਟਨ ਡਾਂਸ, ਬਾਲੀਵੁੱਡ ਡਾਂਸ ਪੇਸ਼ਕਾਰੀ ਨਾਲ ਸਰੋਤਿਆਂ ਦਾ ਮਨ ਮੋਹ ਲਿਆ ਜਦੋਂਕਿ ਪੰਜਾਬੀ ਭੰਗੜਾ ਦੀ ਪੇਸ਼ਕਾਰੀ ਆਕਰਸ਼ਨ ਦਾ ਕੇਂਦਰ ਰਹੀ।
ਇਸ ਮੌਕੇ ਮਿਸ ਅਤੇ ਸ੍ਰੀਮਤੀ ਦਾ ਫੈਸ਼ਨ ਸ਼ੋਅ ਕਰਵਾਇਆ ਗਿਆ। ਜਿਸ ਵਿੱਚ ਮੁਹਾਲੀ, ਚੰਡੀਗੜ੍ਹ ਅਤੇ ਪੰਚਕੂਲਾ ਦੀਆਂ ਮੁਟਿਆਰਾਂ ਅਤੇ ਅੌਰਤਾਂ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਪ੍ਰਬੰਧਕ ਵਰੁਣ ਕੁਮਾਰ ਅਤੇ ਜਤਿਨ ਕੁਮਾਰ ਨੇ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਵਾਲੇ ਬੱਚਿਆਂ ਨੂੰ ਮੈਡਲ ਅਤੇ ਪ੍ਰਸੰਸਾ ਪੱਤਰ ਦੇ ਕੇ ਸਨਮਾਨਿਤ ਕੀਤਾ। ਜਦੋਂਕਿ ਫੈਸ਼ਨ ਸ਼ੋਅ ਦੇਰ ਸ਼ਾਮ ਤੱਕ ਜਾਰੀ ਰਿਹਾ। ਪ੍ਰਬੰਧਕਾਂ ਨੇ ਆਪਣੇ ਸੰਬੋਧਨ ਵਿੱਚ ਵਿਦਿਆਰਥੀਆਂ ਨੂੰ ਨਸ਼ਿਆਂ ਅਤੇ ਹੋਰ ਸਮਾਜਿਕ ਬੁਰਾਈਆਂ ਤੋਂ ਦੂਰ ਰਹਿਣ ਲਈ ਪ੍ਰੇਰਦਿਆਂ ਪੰਜਾਬੀ ਸੱਭਿਆਚਾਰ ਅਤੇ ਵਿਰਸੇ ਨਾਲ ਜੁੜਨ ਦੀ ਅਪੀਲ ਕੀਤੀ।