ਕੁਰਾਲੀ ਵਿੱਚ ਦਿਨ ਦਿਹਾੜੇ ਸੁੰਨੇ ਘਰ ਵਿੱਚ ਚੋਰੀ

ਕੁਰਾਲੀ ਵਿੱਚ ਦਿਨ ਦਿਹਾੜੇ ਸੁੰਨੇ ਘਰ ਵਿੱਚ ਚੋਰੀ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 16 ਫਰਵਰੀ:
ਸਥਾਨਕ ਸ਼ਹਿਰ ਦੇ ਵਾਰਡ ਨੰਬਰ 12 ਨੇੜੇ ਗੁਰੂ ਫਤਿਹ ਟਿੰਬਰ ਵਿਖੇ ਇੱਕ ਸੁੰਨੇ ਘਰ ਨੂੰ ਦਿਨ ਦਿਹਾੜੇ ਚੋਰਾਂ ਨੇ ਨਿਸ਼ਾਨਾ ਬਣਾਉਂਦੇ ਹੋਏ ਘਰ ਵਿਚ ਪਾਈ ਨਗਦੀ ਚੋਰੀ ਕਰ ਲੈਣ ਦਾ ਸਮਾਚਾਰ ਮਿਲਿਆ ਹੈ। ਪੀੜਤ ਪਰਿਵਾਰ ਵੱਲੋਂ ਪੁਲਿਸ ਨੂੰ ਘਟਨਾ ਬਾਰੇ ਜਾਣਕਾਰੀ ਦੇ ਦਿੱਤੀ ਗਈ। ਇਸ ਘਟਨਾ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਘਰ ਦੇ ਮਾਲਕ ਸ਼ੇਰ ਸਿੰਘ ਨੇ ਦੱਸਿਆ ਕਿ ਉਹ ਰੋਜ਼ਾਨਾਂ ਦੀ ਤਰ੍ਹਾਂ ਡਿਊਟੀ ਤੇ ਚਲਾ ਗਿਆ, ਬੱਚੇ ਸਕੂਲ ਚਲੇ ਗਏ ਤੇ ਉਸਦੀ ਪਤਨੀ ਵੀ ਸਕੂਲ ਵਿਚ ਪੜਾਉਣ ਲਈ ਚਲੀ ਗਈ, ਪਿੱਛੋਂ ਖਾਲੀ ਘਰ ਨੂੰ ਚੋਰਾਂ ਨੇ ਨਿਸ਼ਾਨਾ ਬਣਾਉਂਦੇ ਹੋਏ ਘਰ ਅੰਦਰ ਚੰਗੀ ਤਰ੍ਹਾਂ ਫਰੋਲਾ ਫਰਾਲੀ ਕੀਤੀ ਅਤੇ ਅਲਮਾਰੀ ਵਿਚ ਪਈ ਲਗਭਗ 25 ਹਜ਼ਾਰ ਰੁਪਏ ਦੀ ਨਗਦੀ ਚੋਰਾਂ ਦੇ ਹੱਥ ਲੱਗ ਗਈ। ਸ਼ੇਰ ਸਿੰਘ ਨੇ ਦੱਸਿਆ ਕਿ ਉਸਦੇ ਪਰਿਵਾਰ ਵੱਲੋਂ ਘਰ ਦਾ ਕੀਮਤੀ ਸਮਾਨ ਬੈਂਕ ਦੇ ਲਾਕਰ ਵਿਚ ਰੱਖਿਆ ਹੋਣ ਕਰਕੇ ਜਿਆਦਾ ਨੁਕਸਾਨ ਹੋਣ ਤਾਂ ਬਚਾਅ ਹੋ ਗਿਆ 9 ਇਸ ਦੌਰਾਨ ਚੋਰਾਂ ਨੇ ਘਰ ਦੇ ਹਰੇਕ ਕੋਨੇ ਦੀ ਫਰੋਲਾ ਫਰਾਲੀ ਕੀਤੀ 9 ਉਸ ਨੇ ਦੱਸਿਆ ਕਿ ਇਹ ਘਟਨਾ ਸਵੇਰੇ 9 ਵਜੇ ਤੋਂ 12 ਵਜੇ ਵਿਚਕਾਰ ਦੀ ਹੈ। ਇਸ ਘਟਨਾ ਸਬੰਧੀ ਸੂਚਨਾ ਮਿਲਣ ਉਪਰੰਤ ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਜਾਂਚ ਆਰੰਭ ਕਰ ਦਿੱਤੀ ਹੈ।