ਸੋਹਾਣਾ ਕਬੱਡੀ ਕੱਪ: ਕਬੱਡੀ ਇੱਕ ਓਪਨ ਵਿੱਚ ਮਨਾਣੇ ਦੇ ਗੱਭਰੂਆਂ ਨੇ ਦਿੜਬਾ ਟੀਮ ਦੀਆਂ ਗੋਡਣੀਆਂ ਲਵਾਈਆਂ

ਸੋਹਾਣਾ ਕਬੱਡੀ ਕੱਪ: ਕਬੱਡੀ ਇੱਕ ਓਪਨ ਵਿੱਚ ਮਨਾਣੇ ਦੇ ਗੱਭਰੂਆਂ ਨੇ ਦਿੜਬਾ ਟੀਮ ਦੀਆਂ ਗੋਡਣੀਆਂ ਲਵਾਈਆਂ

ਬੈੱਸਟ ਰੇਡਰ ਦਲਵੀਰ ਮਨਾਣਾ ਅਤੇ ਬੈੱਸਟ ਜਾਫੀ ਸਪਿੰਦਰ ਮਨਾਣਾ ਬੁਲਟ ਮੋਟਰ ਸਾਈਕਲਾਂ ਨਾਲ ਕੀਤਾ ਸਨਮਾਨਿਤ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 10 ਦਸੰਬਰ:
ਇੱਥੋਂ ਦੇ ਨਜ਼ਦੀਕੀ ਪਿੰਡ ਸੋਹਤਣਾ ਦੇ ਬੈਦਵਾਣ ਸਪੋਰਟਸ ਕਲੱਬ (ਰਜਿ:) ਵੱਲੋਂ ਸਮੂਹ ਨਗਰ ਨਿਵਾਸੀਆਂ, ਪ੍ਰਵਾਸੀ ਭਾਰਤੀਆਂ, ਗੁਰਦੁਆਰਾ ਸਿੰਘ ਸ਼ਹੀਦਾਂ ਸੋਹਾਣਾ ਦੇ ਸਹਿਯੋਗ ਨਾਲ ਅਮਰ ਸ਼ਹੀਦ ਬਾਬਾ ਹਨੂੰਮਾਨ ਸਿੰਘ ਜੀ ਦੇ ਜਨਮ ਦਿਨ ਦੇ ਦਿਹਾੜੇ ਨੂੰ ਸਮਰਪਿਤ 23ਵਾਂ ਵਿਸ਼ਾਲ ਕਬੱਡੀ ਕੱਪ ਕਰਵਾਇਆ ਗਿਆ। ਇਸ ਖੇਡ ਮੇਲੇ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਲੇਬਰਫੈੱਡ ਪੰਜਤਬ ਦੇ ਐਮਡੀ ਤੇ ਮੁੱਖ ਪ੍ਰਬੰਧਕ ਪਰਵਿੰਦਰ ਸਿੰਘ ਸੋਹਾਣਾ ਅਤੇ ਕਲੱਬ ਦੇ ਪ੍ਰਧਾਨ ਦਿਨੇਸ਼ ਚੌਧਰੀ ਨੇ ਦੱਸਿਆ ਕਿ ਇਸ ਖੇਡ ਮੇਲੇ ਵਿੱਚ ਸਾਰੇ ਮੁਕਾਬਲੇ ਬਹੁਤ ਹੀ ਦਿਲਚਸਪ ਅਤੇ ਰੌਚਕਤਾ ਨਾਲ ਭਰਪੂਰ ਰਹੇ, ਜਿਨ੍ਹਾਂ ਦਾ ਦਰਸ਼ਕਾਂ ਨੇ ਖੂਬ ਅਨੰਦ ਮਾਣਿਆ। ਕਬੱਡੀ ਇੱਕ ਪਿੰਡ ਓਪਨ ਵਿੱਚ ਪਿੰਡ ਮਨਾਣਾ ਦੇ ਗੱਭਰੂਆਂ ਨੇ ਫਸਵੇਂ ਮੁਕਾਬਲੇ ਦੌਰਾਨ ਪਿੰਡ ਦਿੜ੍ਹਬਾ ਦੇ ਗੱਭਰੂਆਂ ਦੀਆਂ ਗੋਡਣੀਆਂ ਲਵਾ ਕੇ ਇਸ ਕਬੱਡੀ ਕੱਪ ਤੇ ਕਬਜਾ ਕੀਤਾ। ਜਿਸ ਦਾ ਦਰਸ਼ਕਾਂ ਨੇ ਖੂਬ ਅਨੰਦ ਮਾਣਿਆ। ਬੈੱਸਟ ਰੇਡਰ ਦਲਵੀਰ ਮਨਾਣਾ ਅਤੇ ਬੈੱਸਟ ਜਾਫੀ ਸਪਿੰਦਰ ਮਨਾਣਾ ਨੂੰ ਬੁਲਟ ਮੋਟਰ ਸਾਈਕਲਾਂ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਤੋਂ ਇਲਾਵਾ ਕਬੱਡੀ ਕੋਚ ਜੱਗੀ ਮਨਾਣਾ ਨੂੰ ਜਸਪਾਲ ਮੱਟਰਾਂ ਅਤੇ ਗੁਰੀ ਜਗਤਪੁਰਾ ਵੱਲੋਂ ਮੋਟਰ ਸਾਈਕਲ ਨਾਲ ਸਨਮਾਨਿਤ ਕੀਤਾ ਗਿਆ।
ਇਸ ਖੇਡ ਮੇਲੇ ਵਿੱਚ ਮੁੱਖ ਮਹਿਮਾਨ ਵਜੋਂ ਮੁਹਾਲੀ ਦੇ ਮੇਅਰ ਕੁਲਵੰਤ ਸਿੰਘ, ਪ੍ਰੇਮ ਸਿੰਘ ਚੰਦੂਮਾਜਰਾ ਮੈਂਬਰ ਪਾਰਲੀਮੈਂਟ, ਪਰਵਿੰਦਰ ਸਿੰਘ ਐਮ. ਡੀ. ਲੇਬਰਫੈੱਡ ਪੰਜਤਬ, ਅਕਾਲੀ ਦਲ ਜ਼ਿਲ੍ਹਾ ਮੁਹਤਲੀ ਸ਼ਹਿਰੀ ਦੇ ਪ੍ਰਧਾਨ ਜਥੇਦਾਰ ਬਲਜੀਤ ਸਿੰਘ ਕੁੰਭੜਾ, ਸਿਮਰਨਜੀਤ ਸਿੰਘ ਚੰਦੂਮਾਜਰਾ, ਓਐਸਡੀ ਹਰਦੇਵ ਸਿੰਘ ਹਰਪਾਲਪੁਰ, ਜਥੇਦਾਰ ਮਾਨ ਸਿੰਘ ਸੋਹਾਣਾ, ਨਰਿੰਦਰ ਸਿੰਘ ਕੰਗ, ਦਵਿੰਦਰ ਸਿੰਘ ਬਾਜਵਾ, ਬਿੰਦਾ ਧਨਾਸ, ਸੁਭਾਸ਼ ਬੱਬਰ ਅਕਾਲੀ ਆਗੂ, ਤੇਜਿੰਦਰ ਸਿੰਘ ਮਿੱਠੂ ਖੇੜਾ ਮੀਤ ਪ੍ਰਧਾਨ ਪੰਜਾਬ ਕਬੱਡੀ ਫੈਡਰੇਸ਼ਨ, ਗੁਰਮੀਤ ਸਿੰਘ ਬਾਕਰਪੁਰ ਸੀਨੀ: ਅਕਾਲੀ ਆਗੂ, ਤੇਜਿੰਦਰ ਸਿੰਘ ਪੂਨੀਆਂ, ਸੁਰਿੰਦਰ ਸਿੰਘ ਰੋਡਾ ਕੌਂਸਲਰ, ਆਰਤੀ ਸ਼ਰਮਾ ਕੌਂਸਲਰ, ਅਵਤਾਰ ਸਿੰਘ ਸੰਮਤੀ ਮੈਂਬਰ, ਬਲਵਿੰਦਰ ਸਿੰਘ ਬਿੰਦਾ ਲਖਨੌਰ, ਅੱਛਰਾ ਸਿੰਘ ਮੌਲੀ ਵੈਦਵਾਨ, ਸੁਭਾਸ਼ ਸ਼ਰਮਾ ਸਬ ਇੰਸਪੈਕਟਰ ਹਰਿਆਣਾ ਪੁਲਿਸ, ਹੈਪੀ ਸੋਹਾਣਾ, ਹਰਿੰਦਰ ਸਿੰਘ ਛਿੰਦਾ ਸੋਹਾਣਾ, ਹਰਜੋਤ ਸਿੰਘ ਗੱਬਰ, ਬਹਾਲ ਸਿੰਘ ਗਿੱਲ, ਪ੍ਰੇਮ ਸਿੰਘ ਨੰਬਰਦਾਰ, ਕਰਮਜੀਤ ਸਿੰਘ ਢੇਰ, ਪਰਮਜੀਤ ਸਿੰਘ ਕਾਹਲੋਂ ਕੌਂਸਲਰ, ਅਜੈ ਪਾਠਕ, ਸੁਰਜੀਤ ਸਿੰਘ ਸਰਪੰਚ ਮੁਹਾਲੀ, ਬਲਜਿੰਦਰ ਸਿੰਘ ਮਾਨ, ਜਸਵੀਰ ਸਿੰਘ ਸੰਮਤੀ ਮੈਂਬਰ, ਕੇਵਲ ਸਿੰਘ ਘੱਲੂ ਮਾਜਰਾ, ਬੀ. ਕੇ. ਗੋਇਲ, ਸੁੱਚਾ ਸਿੰਘ ਲਖਨੌਰ, ਸੋਹਣ ਸਿੰਘ ਚੱਪੜਚਿੜੀ, ਨਰੇਸ਼ ਕੁੰਡੂ ਕੋਚ, ਗੁਰਮੀਤ ਸਿੰਘ ਸਰੰਪਚ ਆਦਿ ਨੇ ਸ਼ਿਰਕਤ ਕੀਤੀ ਅਤੇ ਖਿਡਾਰੀਆਂ ਨੂੰ ਇਨਾਮ ਤਕਸੀਮ ਕੀਤੇ। ਇਸ ਖੇਡ ਮੇਲੇ ਦੀ ਕੁਮੈਂਟਰੀ ਗੁਰਮੁੱਖ ਢੋਡੇਮਾਜਰਾ, ਸਤਨਾਮ ਸਿੰਘ ਜੈਂਗੋ, ਜਿੰਦਰ ਘਨੌਰ, ਸੰਧੂ ਬ੍ਰਦਰਜ਼, ਜੱਸਾ ਘਰਖਣਾ, ਬਿੱਲਾ ਲਲਤੋਂ ਨੇ ਅਤੇ ਮੰਚ ਤੋਂ ਜੀਤਾ ਕਕਰਾਲੀ ਨੇ ਆਪਣੇ ਲੱਛੇਦਾਰ ਬੋਲਾਂ ਨਾਲ ਕੀਤੀ ਅਤੇ ਦਰਸ਼ਕਾਂ ਦੇ ਮਨ ਮੋਹ ਲਏ। ਇਸ ਖੇਡ ਮੇਲੇ ਨੂੰ ਸਫਲਤਾ ਪੂਰਵਕ ਨੇਪਰੇ ਚਾੜਨ ਵਿੱਚ ਪਰਵਿੰੰਦਰ ਸਿੰਘ ਐਮ. ਡੀ, ਦਿਨੇਸ਼ ਚੌਧਰੀ ਪ੍ਰਧਾਨ, ਮਹਿੰਦਰ ਸਿੰਘ ਕੈਸ਼ੀਅਰ, ਦਵਿੰਦਰ ਸਿੰਘ ਬੌਬੀ ਚੇਅਰਮੈਨ, ਹਰਿੰਦਰ ਸਿੰਘ ਛਿੰਦਾ, ਸੁਰਿੰਦਰ ਸਿੰਘ ਰੋਡਾ ਕੌਂਸਲਰ, ਅਮਨ ਪੂੰਨੀਆਂ, ਜਗਜੀਤ ਸਿੰਘ, ਮਾਨ ਸਿੰਘ ਸੋਹਾਣਾ, ਪ੍ਰੇਮ ਸਿੰਘ ਨੰਬਰਦਾਰ, ਅਵਤਾਰ ਸਿੰਘ ਮੌਲੀ, ਹਰਸੰਗਤ ਸਿੰਘ ਨੰਬਰਦਾਰ ਆਦਿ ਤੋਂ ਇਲਾਵਾ ਕਲੱਬ ਦੇ ਹੋਰ ਸਰਗਰਮ ਮੈਂਬਰਾਂ ਤੋਂ ਇਲਾਵਾ ਪਿੰਡ ਵਾਸੀਆਂ ਨੇ ਦਿਨ ਰਾਤ ਇੱਕ ਕਰ ਦਿੱਤੀ।