ਸਰਕਾਰੀ ਸਕੂਲ ਨਿਆਂ ਸ਼ਹਿਰ ਬਡਾਲਾ ਵਿੱਚ ਕੌਂਸਲਰ ਕਰਨੈਲ ਕੈਲੀ ਵੱਲੋਂ ਗਣਿਤ ਮੇਲੇ ਦਾ ਉਦਘਾਟਨ

ਸਰਕਾਰੀ ਸਕੂਲ ਨਿਆਂ ਸ਼ਹਿਰ ਬਡਾਲਾ ਵਿੱਚ ਕੌਂਸਲਰ ਕਰਨੈਲ ਕੈਲੀ ਵੱਲੋਂ ਗਣਿਤ ਮੇਲੇ ਦਾ ਉਦਘਾਟਨ

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 24 ਨਵੰਬਰ:
ਇੱਥੋਂ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਨਿਆਂ ਸ਼ਹਿਰ ਬਡਾਲਾ ਵਿਖੇ ਸਿੱਖਿਆ ਵਿਭਾਗ ਵੱਲੋਂ ‘ਪੜੋ ਪੰਜਾਬ ਪੜਾਓ ਪੰਜਾਬ’ ਮੁਹਿੰਮ ਤਹਿਤ ਵਿਦਿਆਰਥੀਆਂ ਦੀ ਹਿਸਾਬ ਵਿਸ਼ੇ ’ਤੇ ਹੋਰ ਵਧੇਰੇ ਰੂਚੀ ਪੈਦਾ ਕਰਨ ਲਈ ਮੈਥ ਮੇਲਾ/ਪ੍ਰਦਰਸ਼ਨੀ ਲਗਾਈ ਗਈ। ਇਸ ਪ੍ਰਦਰਸ਼ਨੀ ਤੇ ਮੇਲੇ ਦਾ ਉਦਘਾਟਨ ਮਿਉਂਸਪਲ ਕੌਸਲਰ ਕਰਨੈਲ ਸਿੰਘ ਕੈਲੀ ਨੇ ਕੀਤਾ। ਸਕੂਲ ਦੇ ਪਿੰ੍ਰਸੀਪਲ ਮਲਕੀਤ ਸਿੰਘ ਨੇ ਦੱਸਿਆ ਕਿ ਇਸ ਮੈਥ ਮੇਲੇ ਵਿੱਚ ਵਿਦਿਆਰਥੀਆਂ ਨੂੰ ਹਿਸਾਬ ਦੀਆਂ ਕੋਣਾਂ,ਗਤੀਆਂ ਵਿਧੀਆਂ ਤਹਿਤ ਮੈਥ ਬਾਰੇ ਅਧਿਆਪਕਾਂ ਵਲੋਂ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ ਗਈ। ਇਸ ਮੌਕੇ ਸਕੂਲ ਮੈਨੇਜਮੈਟ ਕਮੇਟੀ ਦੇ ਚੇਅਰਮੈਨ ਗੁਰਸ਼ਰਨ ਸਿੰਘ, ਮੈਂਬਰ ਜਤਿੰਦਰ ਕੌਰ ਹਿਸਾਬ ਅਧਿਆਪਕ, ਸ੍ਰੀਮਤੀ ਸਮਰਿਤੀ, ਜਸਵੀਰ ਕੌਰ, ਲੈਕਚਰਾਰ ਕੁਲਵਿੰਦਰ ਕੌਰ, ਹਰਵਿੰਦਰ ਕੌਰ, ਅਮਰਜੀਤ ਕੌਰ, ਤੇਜਿੰਦਰ ਕੌਰ ਹਾਜ਼ਰ ਸਨ।