ਸਰਕਾਰੀ ਹਾਈ ਸਕੂਲ ਚੋਲਟਾ ਖ਼ੁਰਦ ਸਕੂਲ ਵਿੱਚ ਲੱਗਿਆ ‘ਗਣਿਤ ਮੇਲਾ’

ਸਰਕਾਰੀ ਹਾਈ ਸਕੂਲ ਚੋਲਟਾ ਖ਼ੁਰਦ ਸਕੂਲ ਵਿੱਚ ਲੱਗਿਆ ‘ਗਣਿਤ ਮੇਲਾ’

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 28 ਨਵੰਬਰ:
ਸਰਕਾਰੀ ਹਾਈ ਸਕੂਲ ਚੋਲਟਾ ਖੁਰਦ ਵਿਖੇ ਪੜੋ ਪੰਜਾਬ ਪੜਾਓ ਪੰਜਾਬ ਦੇ ਕਿਰਿਆਤਮਕ ਅਭਿਆਨ ਤਹਿਤ ਗਣਿਤ ਮੇਲਾ ਲਗਾਇਆ ਗਿਆ। ਜਿਸ ਵਿਚ ਸਕੂਲ ਦੇ ਵਿਦਿਆਰਥੀਆਂ ਨੇ ਵੱਧ ਚੜ੍ਹ ਕੇ ਭਾਗ ਲਿਆ। ਸਕੂਲ ਦੇ ਮੁੱਖ ਅਧਿਆਪਕ ਦਵਿੰਦਰ ਸਿੰਘ ਤੇ ਅਮਨਦੀਪ ਸਾਹਨੀ ਬੀ.ਐਮ.ਐਸ. ਨੇ ਹਿਸਾਬ ਅਧਿਆਪਕਾਂ ਅਤੇ ਬੱਚਿਆਂ ਦੀ ਕਾਰਜਕਾਰੀ ਨੂੰ ਸਲਾਹਿਆ। ਉਨ੍ਹਾਂ ਦੱਸਿਆ ਕਿ ਇਸ ਮੇਲੇ ਨਾਲ ਬੱਚਿਆਂ ਵਿਚ ਹਿਸਾਬ ਪ੍ਰਤੀ ਹੋਰ ਵੀ ਦਿਲਚਸਪੀ ਵਧੇਗੀ। ਮੈਥ ਅਧਿਆਪਕਾ ਜਗਪਾਲ ਕੌਰ ਤੇ ਅਰਚਨਾ ਨੇ ਸਕੂਲ ਦੇ ਬੱਚਿਆਂ ਨੂੰ ਮੈਥ ਵਿਸ਼ੇ ਬਾਰੇ ਹੋਰ ਵੀ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ। ਇਸ ਮੌਕੇ ਰੁਪਿੰਦਰ ਕੌਰ, ਬੇਅੰਤ ਕੌਰ, ਲੱਛਮੀ ਦੇਵੀ, ਪਰਿਵੰਦਰ ਕੌਰ, ਰਜਨੀ ਜੋਸੀ, ਜਤਿੰਦਰ ਸਿੰਘ, ਰਜਨੀ ਬਾਲਾ, ਗੁਰਪ੍ਰੀਤ ਕੌਰ ਸਮੇਤ ਹੋਰ ਅਧਿਆਪਕ ਹਾਜ਼ਰ ਸਨ।