‘Mehfal A Qawali’ program took place at Lala Peer’s Dargah

ਲਾਲਾ ਵਾਲਾ ਪੀਰ ਦੀ ਦਰਗਾਹ ’ਤੇ ਹੋਇਆ ‘ਮਹਿਫ਼ਲ ਏ ਕਵਾਲੀ’ ਪ੍ਰੋਗਰਾਮ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 27 ਮਈ:
ਸਥਾਨਕ ਸ਼ਹਿਰ ਦੇ ਰੋਪੜ ਰੋਡ ਤੇ ਵਾਰਡ ਨੰਬਰ 1 ਵਿਖੇ ਸਥਿਤ ਲੱਖ ਦਾਤਾ ਲਾਲਾਂ ਵਾਲਾ ਪੀਰ ਦੇ ਸਥਾਨ ਤੇ ਲੱਖ ਦਾਤਾ ਲਾਲਾ ਵਾਲਾ ਪੀਰ ਵੈਲਫੇਅਰ ਸੋਸਾਇਟੀ ਕੁਰਾਲੀ ਵੱਲੋਂ ‘ਮਹਿਫ਼ਲ ਏ ਕੱਵਾਲੀ’ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਮੌਕੇ ਲੱਖ ਦਾਤਾ ਲਾਲਾ ਵਾਲਾ ਪੀਰ ਵੈਲਫੇਅਰ ਸੋਸਾਇਟੀ ਕੁਰਾਲੀ ਦੇ ਪ੍ਰਧਾਨ ਹੈਪੀ ਧੀਮਾਨ ਨੇ ਦੱਸਿਆ ਕਿ ਇਸ ਪ੍ਰੋਗਰਾਮ ਦੌਰਾਨ ਗਾਇਕ ਗੁਲਜਾਰ ਅਲੀ ਮੁਤਈ ਨੇ ਪੀਰ ਦਾ ਗੁਣਗਾਣ ਕਰਦਿਆਂ ਦੇਰ ਰਾਤ ਤੱਕ ਆਪਣੀਆਂ ਕੱਵਾਲੀਆਂ ਨਾਲ ਸਰੋਤਿਆਂ ਨੂੰ ਮੰਤਰ ਮੁਗਧ ਕੀਤਾ। ਇਸ ਦੌਰਾਨ ਹੈਪੀ ਧੀਮਾਨ ਅਤੇ ਜਸਵੀਰ ਸਿੰਘ ਬਿੱਲਾ ਨੇ ਆਏ ਪਤਵੰਤਿਆਂ ਦਾ ਸਨਮਾਨ ਕੀਤਾ। ਇਸ ਮੌਕੇ ਹਰਜਿੰਦਰਪਾਲ ਸਿੰਘ ਚੇਅਰਮੈਨ, ਜਸਵੀਰ ਸਿੰਘ ਖਜਾਨਚੀ, ਅਸ਼ੋਕ ਕੁਮਾਰ ਸੈਕਟਰੀ, ਕਮਲਜੀਤ ਸਿੰਘ, ਬਿੰਦਰ ਸੰਜੀਵ ਆਦਿ ਹਾਜ਼ਰ ਸਨ।