ਪਿੰਡਾਂ ਵਿੱਚ ਇੱਕ ਟਿਕਾਊ ਸਮਾਜ ਲਈ ਸੂਖਮ-ਉਦਯੋਗ ਹੋਣ: ਜਗਦੀਪ ਧਨਖੜ

ਪਿੰਡਾਂ ਵਿੱਚ ਇੱਕ ਟਿਕਾਊ ਸਮਾਜ ਲਈ ਸੂਖਮ-ਉਦਯੋਗ ਹੋਣ: ਜਗਦੀਪ ਧਨਖੜ

ਨਬਜ਼-ਏ-ਪੰਜਾਬ, ਮੁਹਾਲੀ, 17 ਫਰਵਰੀ:
ਦੇਸ਼ ਦੇ ਉਪ-ਰਾਸ਼ਟਰਪਤੀ ਜਗਦੀਪ ਧਨਖੜ ਨੇ ਅੱਜ ਖੇਤੀਬਾੜੀ-ਉਤਪਾਦਨ ਵਿੱਚ ਮੁੱਲ ਜੋੜਨ ਅਤੇ ਇੱਕ ਟਿਕਾਊ ਸਮਾਜ ਵਿੱਚ ਵਿਕਸਤ ਹੋਣ ਲਈ ਪਿੰਡ ਦੇ ਸਮੂਹ ਪੱਧਰ ’ਤੇ ਸੂਖਮ-ਉਦਯੋਗ ਹੋਣ ਦੀ ਲੋੜ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਖੇਤੀਬਾੜੀ ਅਤੇ ਡੇਅਰੀ ਉਤਪਾਦਾਂ ਵਿੱਚ ਮੁੱਲ ਜੋੜਨ ਵਾਲੇ ਸੂਖਮ-ਉਦਯੋਗਾਂ ਰਾਹੀਂ ਪੇਂਡੂ ਅਰਥ-ਵਿਵਸਥਾ ਨੂੰ ਮੁੜ ਸੁਰਜੀਤ ਕਰਨ ਦਾ ਸੱਦਾ ਦਿੱਤਾ। ਅੱਜ ਮੁਹਾਲੀ ਦੇ ਸੈਕਟਰ-81 ਸਥਿਤ ਨੈਸ਼ਨਲ ਐਗਰੀ-ਫੂਡ ਐਂਡ ਬਾਇਓ ਮੈਨੂਫੈਕਚਰਿੰਗ ਇੰਸਟੀਚਿਊਟ ਵਿਖੇ ’’ਫੰਕਸ਼ਨਲ ਫੂਡਜ਼, ਨਿਊਟਰਾਸਿਊਟੀਕਲਜ਼ ਅਤੇ ਉਨ੍ਹਾਂ ਦੀ ਸੁਰੱਖਿਆ’’ ਵਿਸ਼ੇ ’ਤੇ ਐਡਵਾਂਸਡ ਐਂਟਰਪ੍ਰੀਨਿਓਰਸ਼ਿਪ ਸਕਿੱਲ ਡਿਵੈਲਪਮੈਂਟ ਪ੍ਰੋਗਰਾਮ (ਏ-ਈਡੀਐਸਪੀ) ਦੇ ਉਦਘਾਟਨ ਮੌਕੇ ਮੁੱਖ ਮਹਿਮਾਨ ਪਹੁੰਚੇ ਜਗਦੀਪ ਧਨਖੜ ਨੇ ਕਿਹਾ, ’’ਪ੍ਰਾਚੀਨ ਭਾਰਤ ਵਿੱਚ ਇੱਕ ਸਮਾਂ ਸੀ ਜਦੋਂ ਇੱਕ ਪਿੰਡ ਸਵੈ-ਨਿਰਭਰ ਸੀ। ਹੁਣ, ਸਹਿਕਾਰੀ ਸੰਸਥਾਵਾਂ ਨੂੰ ਇੱਕ ਸੰਸਥਾ ਦੇ ਰੂਪ ਵਿੱਚ ਸੰਵਿਧਾਨ ਵਿੱਚ ਸ਼ਾਮਲ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਘੱਟੋ-ਘੱਟ ਇੱਕ ਪਿੰਡ ਜਾਂ ਪਿੰਡਾਂ ਦੇ ਸਮੂਹ ਵਿੱਚ ਇੱਕ ਵਿਧੀ ਦਾ ਵਿਕਾਸ ਹੋਣਾ ਚਾਹੀਦਾ ਹੈ, ਜਿੱਥੇ ਸਾਡੇ ਫਾਰਮ ਵਿੱਚ ਸੂਖਮ ਉਦਯੋਗ ਹਨ, ਜੋ ਖੇਤੀਬਾੜੀ ਉਪਜ, ਪਸ਼ੂ-ਧਨ ਅਤੇ ਦੁੱਧ ਵਿੱਚ ਮੁੱਲ ਜੋੜਦੇ ਹਨ। ਇਹ ਇੱਕ ਟਿਕਾਊ ਸਮਾਜ ਨੂੰ ਵਿਕਸਤ ਕਰਨ ਵਿੱਚ ਮਦਦ ਕਰੇਗਾ ਅਤੇ ਭੋਜਨ ਦਾ ਪੌਸ਼ਟਿਕ ਮੁੱਲ ਵਧੇਗਾ। ਉਨ੍ਹਾਂ ਕਿਹਾ ਕਿ ਅਜੋਕੇ ਸਮੇਂ ਵਿੱਚ ਸਾਡੇ ਕੋਲ ਪਿੰਡਾਂ ਵਿੱਚ ਦੁੱਧ ਹੈ ਪਰ ਮੁੱਲ ਜੋੜਨ ਦੀ ਸਮਰੱਥਾ ਬਹੁਤ ਘੱਟ ਹੈ। ਸਾਨੂੰ ਆਈਸ ਕਰੀਮ, ਪਨੀਰ, ਮਠਿਆਈਆਂ ਅਤੇ ਇਸ ਤਰ੍ਹਾਂ ਦੇ ਉਤਪਾਦਾਂ ਵਿੱਚ ਕਲੱਸਟਰ ਪਹੁੰਚ ਵਿੱਚ ਆਉਣ ਲਈ ਉੱਦਮੀ ਹੁਨਰ ਰੱਖਣ ਤੋਂ ਕੌਣ ਰੋਕਦਾ ਹੈ? ਇਹ ਬਹੁਤ ਮਹੱਤਵਪੂਰਨ ਹੈ ਕਿਉਂਕਿ ਇਹ ਰੁਜ਼ਗਾਰ ਪੈਦਾ ਕਰੇਗਾ। ਇਹ ਪੇਂਡੂ ਨੌਜਵਾਨਾਂ ਲਈ ਰਾਹ ਦਸੇਰਾ ਬਣੇਗਾ।’’

ਸ੍ਰੀ ਧਨਖੜ ਨੇ ਕਿਸਾਨਾਂ ਨੂੰ ਟੈਕਨਾਲੋਜੀ ਵਿੱਚ ਤਰੱਕੀ ਅਤੇ ਇਸ ਦੇ ਸੰਭਾਵੀ ਲਾਭਾਂ ਬਾਰੇ ਜਾਣੂ ਹੋਣ ਦੀ ਅਪੀਲ ਕੀਤੀ। ‘‘ਇੱਕ ਕਿਸਾਨ ਆਮ ਤੌਰ ’ਤੇ ਆਪਣੇ ਟਰੈਕਟਰ ਨਾਲ ਜੁੜਿਆ ਰਹਿੰਦਾ ਹੈ। ਉਹ ਟਰੈਕਟਰ ਨੂੰ ਜਿੰਨਾ ਚਿਰ ਇਹ ਚੱਲ ਸਕਦਾ ਹੈ, ਵਰਤਣਾ ਚਾਹੁੰਦਾ ਹੈ, ਇਸ ਤੱਥ ਤੋਂ ਅਣਜਾਣ ਕਿ ਨਵੀਂ ਟੈਕਨਾਲੋਜੀ ਵਾਤਾਵਰਣ-ਅਨੁਕੂਲ, ਬਾਲਣ-ਕੁਸ਼ਲ, ਬਹੁ-ਕਾਰਜਸ਼ੀਲ ਅਤੇ ਬਹੁਤ ਜ਼ਿਆਦਾ ਸਬਸਿਡੀ ਵਾਲੀ ਬਣ ਰਹੀ ਹੈ। ਇਸ ਸਬੰਧੀ ਜਾਗਰੂਕਤਾ ਮੁਹਿੰਮ ਚਲਾਈ ਜਾਣੀ ਚਾਹੀਦੀ ਹੈ। ਧਨਖੜ ਨੇ ਆਪਣੀ ਸਵਰਗੀ ਮਾਂ ਕੇਸਰੀ ਦੇਵੀ ਦੀ ਯਾਦ ਵਿੱਚ ਇਮਾਰਤ ਵਿੱਚ ਇੱਕ ਪੌਦਾ ਵੀ ਲਗਾਇਆ।
ਇਸ ਉਪਰੰਤ ਉਪ ਰਾਸ਼ਟਰਪਤੀ ਨੇ ਆਈਸ਼ਰ ਮੁਹਾਲੀ ਦਾ ਦੌਰਾ ਕੀਤਾ ਅਤੇ ਉੱਥੇ ਵਿਦਿਆਰਥੀਆਂ ਅਤੇ ਫੈਕਲਟੀ ਨਾਲ ਸਿੱਧੀ ਗੱਲ ਕੀਤੀ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਖੋਜ ਆਰਥਿਕ ਸਰਵਉੱਚਤਾ ਅਤੇ ਵਿਸ਼ਵ-ਵਿਆਪੀ ਵਖਰੇਵੇਂ ਦਾ ਆਧਾਰ ਹੈ, ਉਨ੍ਹਾਂ ਕਿਹਾ ਕਿ ਖੋਜ ਵਿੱਚ ਅਗਵਾਈ ਕਰਨ ਵਾਲੇ ਰਾਸ਼ਟਰ ਅਰਥਵਿਵਸਥਾ, ਰਣਨੀਤੀ ਅਤੇ ਅੰਤਰਰਾਸ਼ਟਰੀ ਪ੍ਰਭਾਵ ਵਿੱਚ ਵਿਸ਼ਵ-ਵਿਆਪੀ ਸਤਿਕਾਰ ਪ੍ਰਾਪਤ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਅਤਿ-ਆਧੁਨਿਕ ਖੋਜ ਜੋ ਅਕਸਰ ਸਮੇਂ ਦੀ ਮੰਗ ਹੁੰਦੀ ਹੈ, ਨੂੰ ਸਮਾਜ ਦੀਆਂ ਲੋੜਾਂ ਨਾਲ ਸਬੰਧਤ ਹੋਣਾ ਚਾਹੀਦਾ ਹੈ। ‘‘ਇੱਕ ਦੇਸ਼ ਦੀ ਸਾਖ, ਚਿੱਤਰ ਅਤੇ ਸ਼ਕਤੀ ਖੋਜ ਰਾਹੀਂ ਪਰਿਭਾਸ਼ਿਤ ਕੀਤੀ ਜਾਂਦੀ ਹੈ। ਉਨ੍ਹਾਂ ਨੇ ਵਿਸ਼ਵ-ਵਿਆਪੀ ਲੀਡਰਸ਼ਿਪ ਦੀ ਨੀਂਹ ਵਜੋਂ ਵਿਗਿਆਨਕ ਤਰੱਕੀ ਦੀ ਮਹੱਤਤਾ ’ਤੇ ਜ਼ੋਰ ਦਿੱਤਾ।

ਉਪ-ਰਾਸ਼ਟਰਪਤੀ ਜਗਦੀਪ ਧਨਖੜ ਨੇ ਕਿਹਾ ‘‘ਮੈਂ ਇੱਕ ਕਿਸਾਨ ਦਾ ਪੁੱਤ ਹਾਂ ਅਤੇ ਕਿਸਾਨ ਦਾ ਪੁੱਤ ਹਮੇਸ਼ਾ ਸੱਚ ਦੇ ਪ੍ਰਤੀ ਸਮਰਪਿਤ ਰਹੇਗਾ’’। ਉਨ੍ਹਾਂ ਕਿਹਾ ਕਿ ਭਾਰਤ ਦੀ ਆਤਮਾ ਉਸ ਦੇ ਪਿੰਡਾਂ ਵਿੱਚ ਵਸਦੀ ਹੈ। ਜਿੱਥੇ ਗ੍ਰਾਮੀਣ ਵਿਵਸਥਾ ਰਾਸ਼ਟਰ ਦੀ ਰੀੜ੍ਹ ਦੀ ਹੱਡੀ ਦੇ ਰੂਪ ਵਿੱਚ ਕੰਮ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਵਿਕਸਤ ਭਾਰਤ ਦਾ ਰਾਹ ਪਿੰਡਾਂ ’ਚੋਂ ਹੋ ਕੇ ਲੰਘਦਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਅਸੀਂ ਆਪਣੇ ਇਤਿਹਾਸਕ ਅਤੀਤ ਨੂੰ ਦੇਖੀਏ ਤਾਂ ਭਾਰਤ ਗਿਆਨ, ਬੁੱਧੀਮਾਨ ਦੀ ਭੂਮੀ ਦੇ ਰੂਪ ਵਿੱਚ ਜਾਣਿਆ ਜਾਂਦਾ ਸੀ। ਮਨੁੱਖੀ ਜੀਵਨ ਦਾ ਹਰ ਪਹਿਲੂ ਵੇਦਾਂ ਅਤੇ ਪੁਰਾਣਾਂ ਵਿੱਚ ਪ੍ਰਤੀਬੰਧ ਹੁੰਦਾ ਹੈ। ਧਨਖੜ ਨੇ ਕਿਹਾ ਕਿ ਕਿਸਾਨ ਅਤੇ ਖੇਤੀ ਸੈਕਟਰ ਲਈ ਕੋਈ ਕਮੀ ਨਹੀਂ। ਇਹੀ ਸਾਡਾ ਮੰਤਰ ਹੋਣਾ ਚਾਹੀਦਾ ਹੈ। ਕਾਨੂੰਨ ਵਿਵਸਥਾ ਦੀ ਗੱਲ ਕਰਦਿਆਂ ਉਪ-ਰਾਸ਼ਟਰਪਤੀ ਨੇ ਕਿਹਾ ਕਿ ਲੁਟੇਰਿਆਂ ਅਤੇ ਅੱਤਵਾਦੀਆਂ ਨੇ ਦੇਸ਼ ਦੀਆਂ ਇਤਿਹਾਸਕ ਸੰਸਥਾਵਾਂ ਨੂੰ ਤਹਿਸ-ਨਹਿਸ ਕਰਕੇ ਰੱਖ ਦਿੱਤਾ ਹੈ ਪ੍ਰੰਤੂ ਹੁਣ ਦੇਸ਼ ਬੜੀ ਤੇਜ਼ੀ ਅਤੇ ਵਾਪਸੀ ਨਾਲ ਉੱਭਰ ਰਿਹਾ ਹੈ। ਜਿਸ ਦੇ ਆਉਣ ਵਾਲੇ ਸਮੇਂ ਵਿੱਚ ਚੰਗੇ ਨਤੀਜੇ ਸਾਹਮਣੇ ਆਉਣਗੇ।