ਮੁਹਾਲੀ ਮੀਡੀਆ ਅਤੇ ਸ਼ਹਿਰ ਵਾਸੀਆਂ ਨੇ ਲਗਾਇਆ ਕੜੀ ਚਾਵਲ ਦਾ ਲੰਗਰ

ਮੁਹਾਲੀ ਮੀਡੀਆ ਅਤੇ ਸ਼ਹਿਰ ਵਾਸੀਆਂ ਨੇ ਲਗਾਇਆ ਕੜੀ ਚਾਵਲ ਦਾ ਲੰਗਰ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 9 ਅਗਸਤ:
ਮੁਹਾਲੀ ਦੇ ਵੱਡੀ ਗਿਣਤੀ ਵਿੱਚ ਪੱਤਰਕਾਰ ਭਾਈਚਾਰੇ ਅਤੇ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਫੇਜ਼-2 ਵਿੱਚ ਅੱਜ 5ਵਾਂ ਕੜੀ ਚਾਵਲ ’ਤੇ ਖੀਰ ਪੂਰੀ ਦਾ ਲੰਗਰ ਲਗਾਇਆ ਗਿਆ। ਪੱਤਰਕਾਰ ਭਾਈਚਾਰੇ ਵੱਲੋਂ ਇਹ ਲੰਗਰ ਹਰ ਸਾਲ ਲਗਾਇਆ ਜਾਂਦਾ ਹੈ ਅਤੇ ਇਸ ਵਾਰ ਲਗਾਏ ਲੰਗਰ ਦੌਰਾਨ ਮਾਤਾ ਰਾਣੀ ਦੇ ਭਜਨਾਂ ਰਾਹੀਂ ਖ਼ੁਸ਼ੀ ਦਾ ਮਾਹੌਲ ਬਣਾਇਆ ਗਿਆ। ਲੰਗਰ ਦੀ ਸ਼ੁਰੂਆਤ ਕਰਨ ਤੋਂ ਪਹਿਲਾਂ ਬਾਬਾ ਜੀ ਰਜਿੰਦਰ ਸਿੰਘ ਛੱਤਵਾਲ ਵੱਲੋਂ ਅਰਦਾਸ ’ਤੇ ਗੁਰੂ ਵੰਦਨਾ ਕੀਤੀ ਗਈ ਅਤੇ ਅਰਦਾਸ ਤੋਂ ਬਾਅਦ ਪੱਤਰਕਾਰਾਂ ’ਤੇ ਇਲਾਕਾ ਵਾਸੀਆਂ ਵੱਲੋਂ ਸੰਗਤਾਂ ਲਈ ਵੱਖ-ਵੱਖ ਤਰ੍ਹਾਂ ਦੇ ਲੰਗਰਾਂ ਰਾਹੀਂ ਸੰਗਤਾਂ ਦੀ ਸੇਵਾ ਕੀਤੀ ਗਈ। ਇਸ ਲੰਗਰ ਵਿੱਚ ਫੇਜ਼-2 ਟੈਕਸੀ ਸਟੈਂਡ ਵਾਲਿਆਂ ਦਾ ਵੀ ਅਹਿਮ ਸਹਿਯੋਗ ਰਿਹਾ।
ਇਸ ਮੌਕੇ ਮੋਹਾਲੀ ਪ੍ਰੈਸ ਕਲੱਬ ਦੇ ਪ੍ਰਧਾਨ ਗੁਰਦੀਪ ਬੈਨੀਪਾਲ, ਸਾਬਕਾ ਪ੍ਰਧਾਨ ਸੁਖਦੇਵ ਪਟਵਾਰੀ, ਪ੍ਰੈਸ ਕਲੱਬ ਐਸਏਐਸ ਨਗਰ ਦੇ ਪ੍ਰਧਾਨ ਹਿਲੇਰੀ ਵਿਕਟਰ, ਜਨਰਲ ਸਕੱਤਰ ਪ੍ਰਦੀਪ ਸਿੰਘ ਹੈਪੀ, ਕੈਸ਼ੀਅਰ ਮਨੋਜ ਜੋਸ਼ੀ, ਭੁਪਿੰਦਰ ਬੱਬਰ, ਰਾਜੀਵ ਤਨੇਜਾ, ਸੰਦੀਪ ਸੰਨੀ, ਮੋਹਿਤ ਅਹੁਜਾ, ਜਸਵਿੰਦਰ ਸਿੰਘ, ਪਵਨ ਤਨੇਜਾ, ਜੀ.ਐਸ. ਸੰਧੂ, ਚੰਦਰ ਮੋਹਨ ਗੋਇਲ, ਜਸਬੀਰ ਸਿੰਘ ਜੱਸੀ, ਅਮਰਜੀਤ ਸਿੰਘ, ਗੁਰਦੁਆਰਾ ਤਾਲਮੇਲ ਕਮੇਟੀ ਮੁਹਾਲੀ ਦੇ ਪ੍ਰਧਾਨ ਜੋਗਿੰਦਰ ਸਿੰਘ ਸੌਂਧੀ ਤੋਂ ਇਲਾਵਾ ਸਮਾਜ ਸੇਵੀ ਅਨੀਤਾ ਰਾਣੀ, ਪਾਰਵਤੀ, ਦਵਿੰਦਰ ਕੌਰ, ਡਾ. ਜੱਸੀ, ਰੁਪਿੰਦਰ ਸਿੰਘ, ਵਿਕਾਸ ਮਲਹੋਤਰਾ ਸਮੇਤ ਕਈ ਲੋਕਾਂ ਨੇ ਆਪਣੀ ਹਾਜ਼ਰੀ ਭਰੀ।