ਮੁਹਾਲੀ ਨਗਰ ਨਿਗਮ ਦੀ ਟੀਮ ਵੱਲੋਂ ਦੋ ਸ਼ੋਅਰੂਮ ਅਤੇ ਦੋ ਬੂਥਾਂ ਨੂੰ ਜੜ੍ਹਿਆ ਤਾਲਾ

ਮੁਹਾਲੀ ਨਗਰ ਨਿਗਮ ਦੀ ਟੀਮ ਵੱਲੋਂ ਦੋ ਸ਼ੋਅਰੂਮ ਅਤੇ ਦੋ ਬੂਥਾਂ ਨੂੰ ਜੜ੍ਹਿਆ ਤਾਲਾ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 18 ਦਸੰਬਰ:
ਨਗਰ ਨਿਗਮ ਦੀ ਟੀਮ ਵੱਲੋਂ ਅੱਜ ਸ਼ਹਿਰ ਵਿੱਚ ਵੱਖ ਵੱਖ ਮਾਰਕੀਟਾਂ ਵਿੱਚ ਦੋ ਸ਼ੋਅਰੂਮ ਅਤੇ ਦੋ ਬੂਥਾਂ ਨੂੰ ਤਾਲਾ ਜੜ੍ਹ ਕੇ ਸੀਲਾਂ ਲਗਾਈਆਂ ਗਈਆਂ। ਨਗਰ ਨਿਗਮ ਦੀ ਟੀਮ ਵੱਲੋਂ ਅਧਿਕਾਰੀ ਅਵਤਾਰ ਸਿੰਘ ਕਲਸੀਆਂ ਦੀ ਅਗਵਾਈ ਵਿੱਚ ਕਾਰਵਾਈ ਕਰਦਿਆਂ ਫੇਜ਼ 2 ਦਾ ਸ਼ੋਅਰੂਮ ਨੂੰ ਸੀਲ ਕਰ ਦਿੱਤਾ। ਇਸ ਮੌਕੇ ਨਿਗਮ ਅਧਿਕਾਰੀ ਸ੍ਰੀ ਕਲਸੀਆਂ ਨੇ ਦੱਸਿਆ ਕਿ ਇਸ ਦੁਕਾਨ ਮਾਲਕ ਵੱਲ 76 ਹਜ਼ਾਰ ਰੁਪਏ ਨਿਗਮ ਦਾ ਬਕਾਇਆ ਸੀ, ਇਸਦੇ ਮਾਲਕ ਨੂੰ ਵਾਰ ਵਾਰ ਨੋਟਿਸ ਦੇਣ ਦੇ ਬਾਵਜੂਦ ਬਕਾਇਆ ਨਹੀਂ ਭਰਿਆ ਗਿਆ, ਜਿਸ ਕਰਕੇ ਨਿਗਮ ਦੀ ਟੀਮ ਵੱਲੋਂ ਅੱਜ ਇਸ ਸ਼ੋਅਰੂਮ ਨੂੰ ਸੀਲ ਕਰ ਦਿੱਤਾ ਗਿਆ। ਇਸ ਦੌਰਾਨ ਟੈਕਸ ਨਾ ਭਰਨ ਕਰਕੇ ਨਿਗਮ ਟੀਮ ਵੱਲੋਂ ਫੇਜ 2 ਵਿੱਚ ਦੋ ਬੂਥਾਂ ਨੂੰ ਸੀਲ ਕੀਤਾ ਗਿਆ ਹੈ, ਇਹ ਦੋਵੇਂ ਬੂਥ ਬੰਦ ਪਏ ਸਨ। ਬੂਥ ਬੰਦ ਹੋਣ ਕਰਕੇ ਇਹਨਾਂ ਦਾ ਟੈਕਸ ਵੀ ਬਹੁਤ ਹੀ ਘੱਟ ਸੀ ਪਰ ਮਾਲਕਾਂ ਵਲੋੱ ਇਹ ਵੀ ਨਹੀਂ ਭਰਿਆ ਗਿਆ। ਜਿਸ ਕਰਕੇ ਇਹ ਬੂਥ ਵੀ ਸੀਲ ਕਰ ਦਿੱਤੇ ਗਏ।
ਇਸੇ ਤਰ੍ਹਾਂ ਨਗਰ ਨਿਗਮ ਟੀਮ ਵੱਲੋਂ ਫੇਜ਼ 3ਬੀ1 ਵਿਖੇ ਸ਼ੋਅਰੂਮ ਨੂੰ ਸੀਲ ਕਰ ਦਿਤਾ ਗਿਆ। ਸ੍ਰੀ ਕਲਸੀਆਂ ਨੇ ਦਸਿਆ ਕਿ ਇਸ ਸ਼ੋਅਰੂਮ ਮਾਲਕ ਵੱਲ ਕਰੀਬ 2 ਲੱਖ ਦਾ ਨਿਗਮ ਦਾ ਬਕਾਇਆ ਸੀ, ਜੋ ਕਿ ਚਾਰ ਸਾਲਾਂ ਦਾ ਬਣਦਾ ਸੀ ਪਰ ਇਸ ਸ਼ੋਅਰੂਮ ਮਾਲਕ ਵੱਲੋਂ ਇਹ ਬਕਾਇਆ ਨਾ ਦਿੱਤੇ ਜਾਣ ਕਾਰਨ ਇਸ ਸ਼ੋਅਰੂਮ ਨੂੰ ਸੀਲ ਕਰ ਦਿੱਤਾ ਗਿਆ।