ਮੁਹਾਲੀ ਪੁਲੀਸ ਵੱਲੋਂ ਕੀਨੀਆ ਦਾ ਨਾਗਰਿਕ ਇੱਕ ਕਿੱਲੋਂ ਹੈਰੋਇਨ ਸਮੇਤ ਗ੍ਰਿਫ਼ਤਾਰ

ਮੁਹਾਲੀ ਪੁਲੀਸ ਵੱਲੋਂ ਕੀਨੀਆ ਦਾ ਨਾਗਰਿਕ ਇੱਕ ਕਿੱਲੋਂ ਹੈਰੋਇਨ ਸਮੇਤ ਗ੍ਰਿਫ਼ਤਾਰ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 5 ਅਪਰੈਲ:
ਜ਼ਿਲ੍ਹਾ ਪੁਲੀਸ ਵੱਲੋਂ ਪਿਛਲੇ ਦਿਨੀਂ ਕਾਬੂ ਕੀਤੇ ਗਏ ਵਿਦੇਸ਼ੀ ਨਾਗਰਿਕਾਂ ਤੋਂ ਹੈਰੋਈਨ ਅਤੇ ਹੋਰ ਨਸ਼ੀਲਾ ਸਾਮਾਨ ਕਾਬੂ ਕਰਨ ਦੀ ਲੜੀ ਹੇਠ ਜ਼ਿਲ੍ਹਾ ਸੀਆਈਏ ਸਟਾਫ਼ ਮੁਹਾਲੀ ਅਦੇ ਮਟੌਰ ਪੁਲੀਸ ਨੇ ਇੱਕ ਸਾਂਝੇ ਅਪਰੇਸ਼ਨ ਦੌਰਾਨ ਦਿੱਲੀ ਵਿੱਚ ਛਾਪੇਮਾਰੀ ਕਰਕੇ ਕੀਨੀਆ ਦੇ ਨਾਗਰਿਕ ਨੂੰ ਗ੍ਰਿਫ਼ਤਾਰ ਕਰਕੇ ਉਸ ਕੋਲੋਂ 5 ਕਰੋੜ ਰੁਪਏ ਕੀਮਤ ਦੀ ਇੱਕ ਕਿੱਲੋ ਹੈਰੋਈਨ ਬਰਾਮਦ ਕੀਤੀ ਹੈ।
ਐਸਐਸਪੀ ਕੁਲਦੀਪ ਸਿੰਘ ਚਾਹਲ ਨੇ ਦੱਸਿਆ ਕਿ ਪੁਲੀਸ ਨੇ ਕੁਝ ਦਿਨ ਪਹਿਲਾਂ ਰਾਜਵੰਤ ਕੌਰ ਨੂੰ 250 ਗ੍ਰਾਮ ਹੈਰੋਈਨ, ਸਿਮਰਨਜੀਤ ਕੌਰ ਨੂੰ 250 ਗ੍ਰਾਮ ਹੈਰੋਈਨ, ਅਮਰਿੰਦਰ ਸਿੰਘ ਡਰਾਇਵਰ, ਨਾਈਜੀਰੀਆ ਦੇ ਨਾਗਰਿਕ ਨਿਊਬੂਜ ਨਾਈਗੋਰ ਨੂੰ 750 ਗ੍ਰਾਮ ਹੈਰੋਈਨ, ਯੁੰਗਾਂਡਾ ਦੀ ਨਾਗਰਿਕ ਹੈਲਨ ਨੂੰ 250 ਗਾ੍ਰਮ ਹੈਰੋਈਨ ਸਮੇਤ ਗ੍ਰਿਫ਼ਤਾਰ ਕੀਤਾ ਸੀ। ਇਸ ਦੌਰਾਨ ਪੁਲੀਸ ਨੇ ਨਿਊਬੂਜ ਦੀ ਨਿਸ਼ਾਨਦੇਹੀ ਉਪਰ ਦਿੱਲੀ ਵਿੱਚ ਛਾਪੇ ਮਾਰੀ ਕਰਕੇ ਕੀਨੀਆ ਦੇ ਨਾਗਰਿਕ ਅੋਸਿਟਾ ਉਰਫ ਅੋਸੀ ਨੂੰ 1 ਕਿੱਲੋ ਹੈਰੋਈਨ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਪੁਲੀਸ ਅਨੁਸਾਰ ਇਹ ਵਿਅਕਤੀ ਟੁਰਿਸਟ ਵੀਜੇ ਉੱਤੇ ਭਾਰਤ ਆਇਆ ਹੋਇਆ ਹੈ ਅਤੇ ਵੱਧ ਪੈਸੇ ਕਮਾਉਣ ਦੇ ਲਾਲਚ ਵਿੱਚ ਆ ਕੇ ਉਸ ਨੇ ਆਪਣੇ ਸਾਥੀਆਂ ਨਾਲ ਮਿਲ ਕੇ ਨਸ਼ੇ ਵੇਚਣ ਦਾ ਗੋਰਖਧੰਦਾ ਸ਼ੁਰੂ ਕਰ ਲਿਆ। ਪੁਲੀਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।