ਜ਼ਿਲ੍ਹਾ ਵਾਲੀਬਾਲ ਚੈਪੀਅਨਸ਼ਿਪ ਲੜਕਿਆਂ ਵਿੱਚ ਮੁਹਾਲੀ ਦੀ ਟੀਮ ਨੇ ਜਿੱਤੀ ਟਰਾਫ਼ੀ

ਜ਼ਿਲ੍ਹਾ ਵਾਲੀਬਾਲ ਚੈਪੀਅਨਸ਼ਿਪ ਲੜਕਿਆਂ ਵਿੱਚ ਮੁਹਾਲੀ ਦੀ ਟੀਮ ਨੇ ਜਿੱਤੀ ਟਰਾਫ਼ੀ

ਸ਼ਹੀਦ ਕਾਂਸੀ ਰਾਮ ਫਿਜ਼ੀਕਲ ਕਾਲਜ਼ ਭਾਗੋਮਾਜਰਾ ਨੇ ਹਾਸਲ ਕੀਤਾ ਦੂਜਾ ਸਥਾਨ

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 11 ਦਸੰਬਰ:
ਜ਼ਿਲ੍ਹਾ ਵਾਲੀਬਾਲ ਐਸੋਸੀਏਸ਼ਨ ਐਸ.ਏ.ਐਸ.ਨਗਰ ਵੱਲੋਂ ਲਾਇਨਜ਼ ਕਲੱਬ ਖਰੜ ਸਿਟੀ ਦੇ ਸਹਿਯੋਗ ਨਾਲ 12ਵੀਂ ਜੂਨੀਅਰ ਤੇ ਸੀਨੀਅਰ ਲੜਕੇ/ਲੜਕੀਆਂ ਦੀ ਸਮੈਸ਼ਿਗ ਵਾਲੀਬਾਲ ਚੈਪੀਅਨਸ਼ਿਪ ਸ਼ਹੀਦ ਕਾਂਸ਼ੀ ਰਾਮ ਫਿਜ਼ੀਕਲ ਕਾਲਜ਼ ਭਾਗੂਮਾਜਰਾ ਦੇ ਖੇਡ ਮੈਦਾਨ ਵਿਚ ਕਰਵਾਈ ਗਈ। ਇਸ ਚੈਪੀਅਨਸ਼ਿਪ ਵਿਚ ਪਿੰਡਾਂ, ਕਲੱਬਾਂ, ਸਕੂਲਾਂ, ਕਾਲਜਾਂ ਦੀਆਂ ਟੀਮਾਂ ਨੇ ਭਾਗ ਲਿਆ। ਦੂਸਰੇ ਲੜਕਿਆਂ ਦੀਆਂ ਟੀਮਾਂ ਦੇ ਮੁਕਾਬਲੇ ਕਰਵਾਏ ਗਏ। ਵਾਲੀਬਾਲ ਮੋਹਾਲੀ ਦੀ ਟੀਮ ਨੇ ਸ਼ਹੀਦ ਕਾਂਸ਼ੀ ਰਾਮ ਫਿਜ਼ੀਕਲ ਭਾਗੂਮਾਜਰਾ ਦੀ ਟੀਮ ਨੂੰ ਹਰਾ ਕੇ ਚੈਪੀਅਨਸ਼ਿਪ ਜਿੱਤੀ। ਇਸ ਚੈਪੀਅਨਸ਼ਿਪ ਵਿਚ ਭਾਗ ਲੈਣ ਵਾਲੀਆਂ ਟੀਮਾਂ ਵਿਚੋ ਲੜਕੀਆਂ ਤੇ ਲੜਕਿਆਂ ਦੀ ਸਬ ਜੂਨੀਅਰ, ਜੂਨੀਅਰ, ਸੀਨੀਅਰ ਲੜਕਿਆਂ, ਲੜਕੀਆਂ ਦੀ ਚੋਣ ਕਰਕੇ ਸਟੇਟ ਚੈਪੀਅਨਸ਼ਿਪ ਵਿਚ ਜਿਲਾ ਐਸ.ਏ.ਐਸ.ਨਗਰ ਵਲੋਂ ਭੇਜਿਆ ਜਾਵੇਗਾ। ਜੇਤੂ ਟੀਮਾਂ ਨੂੰ ਇਨਾਮਾਂ ਦੀ ਵੰਡ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਮੈਂਬਰ ਚਰਨਜੀਤ ਸਿੰਘ ਕਾਲੇਵਾਲ, ਰਣਜੀਤ ਸਿੰਘ ਗਿੱਲ ਵਲੋਂ ਜਗਜੀਤ ਸਿੰਘ ਗਿੱਲ ਅਤੇ ਹੋਰਨਾਂ ਵਲੋਂ ਸਾਂਝੇ ਤੌਰ ਤੇ ਕੀਤੀ ਗਈ। ਇਸ ਮੌਕੇ ਐਸੋਸੀਏਸ਼ਨ ਜਨਰਲ ਸਕੱਤਰ ਭੁਪਿੰਦਰ ਸੈਣੀ, ਵਾਲੀਬਾਲ ਕੋਚ ਕੇਵਲ ਕ੍ਰਿਸ਼ਨ,ਕੋਚ ਸੁਖਰਾਜ ਸਿੰਘ, ਕੋਚ ਅਮ੍ਰਿੰਤਪਾਲ ਸਿੰਘ ਟਿਵਾਣਾ, ਕੋਚ ਨਿਧੀਕਾ, ਰਾਜਵਿੰਦਰ ਕੌਰ, ਰਾਜੀਵ ਗਾਂਧੀ, ਇੰਸਪੈਕਟਰ ਸਵਰਨਜੀਤ ਸਿੰਘ, ਨਗਰ ਕੌਸਲ ਖਰੜ ਦੇ ਜੂਨੀਅਰ ਮੀਤ ਪ੍ਰਧਾਨ ਕਮਲ ਕਿਸੋਰ ਸ਼ਰਮਾ, ਸਰਬਜੀਤ ਸਿੰਘ ਕਾਦੀਮਾਜਰਾ, ਮਨਜੀਤ ਸਿੰਘ ਮੁੂੰਧੋ ਡਾਇਰੈਕਟਰ ਕੋਆਰਪੇਟਿਵ ਬੈਂਕ, ਮਲਕੀਤ ਸਿੰਘ ਢਕੋਰਾਂ, ਹਰਦੀਪ ਸਿੰਘ, ਸਤਵੀਰ ਸਿੰਘ, ਬਲਵਿੰਦਰ ਸਿੰਘ ਬੱਲੀ, ਗੁਰਮੁੱਖ ਸਿੰਘ ਮਾਨ, ਹਰਜਿੰਦਰ ਸਿੰਘ ਸਮੇਤ ਖਿਡਾਰੀ ਅਤੇ ਦਰਸ਼ਕ ਹਾਜ਼ਰ ਸਨ।