Share on Facebook Share on Twitter Share on Google+ Share on Pinterest Share on Linkedin ਖਾਲਸਾ ਸਕੂਲ ਕੁਰਾਲੀ ਵਿੱਚ ਹੋਈ ਪੰਜਾਬੀ ਸਾਹਿਤ ਸਭਾ ਦੀ ਮਾਸਿਕ ਮੀਟਿੰਗ ਰਜਨੀਕਾਂਤ ਗਰੋਵਰ ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 25 ਜੂਨ: ਸਥਾਨਕ ਸ਼ਹਿਰ ਦੇ ਚੰਡੀਗੜ੍ਹ ਰੋਡ ਤੇ ਸਥਿਤ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਵਿਖੇ ਲਿਖਾਰੀ ਸਭਾ ਦੀ ਮਾਸਿਕ ਇਕੱਤਰਤਾ ਪ੍ਰਧਾਨ ਕੁਲਵੰਤ ਸਿੰਘ ਮਾਵੀ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿਚ ਨਾਮਵਰ ਸਾਹਿਤਕਾਰਾਂ ਨੇ ਭਾਗ ਲਿਆ। ਇਸ ਦੌਰਾਨ ਚੰਚਲ ਸਿੰਘ ਤਰੰਗ ਨੇ ਵਾਰਤਕ ‘ਸੁੱਕੇ ਤਿਲ’, ਸੋਹਣ ਸਿੰਘ ਪਪ੍ਰਲਾ ਨੇ ਕਵਿਤਾ ‘ਨਾ ਕਰ ਛੇਤੀ ਛੇਤੀ’, ਚਰਨ ਸਿੰਘ ਕਤਰਾ ਨੇ ਕਵਿਤਾ ‘ਗੁਜਰ ਰਹੀ ਜਿੰਦਗੀ’, ਡਾ ਰਜਿੰਦਰ ਸਿੰਘ ਨੇ ‘ਬਣੋ ਸਮੇਂ ਦੇ ਹਾਣਦੇ’ ਸਤਵਿੰਦਰ ਸਿੰਘ ਮੜੌਲੀ ਨੇ ‘ ਯੋਧਿਆਂ ਦੀ ਕੁਰਬਾਨੀ’, ਕਾਮਰੇਡ ਗੁਰਨਾਮ ਸਿੰਘ ਨੇ ਕਵਿਤਾ ‘ਰੋਸ਼ ਕਦੇ ਨਾ ਕਰਿਓ ਆਪਣੀਆਂ ਮਾਵਾਂ ਨਾਲ’, ਸੁਰਿੰਦਰ ਸੌਂਕੀ ਸਹੇੜੀ ਨੇ ‘ਹੱਟ ਪਿੱਛੇ ਫਿਰ ਮਿਲਣਗੇ’, ਦਰਸ਼ਨ ਪਾਠਕ ਨੇ ‘ ਹਉਮੈ ਦੇ ਪਹਾੜ’, ਭਿੰਦਰ ਭਾਗੋਮਾਜਰਾ ਨੇ ‘ਧਰਤੀ ਨੂੰ ਸੁਥਰੀ ਬਣਾਈ ਹਾਣੀਆਂ’ , ਕੁਲਵੰਤ ਮਾਵੀ ਨੇ ‘ਮੇਲਾ ਭਰਿਆ ਰਹਿੰਦਾ ਏ’ ਆਦਿ ਰਚਨਾਵਾਂ ਨਾਲ ਰੰਗ ਬੰਨ੍ਹਿਆ। ਇਸ ਦੌਰਾਨ ਸਤਵਿੰਦਰ ਸਿੰਘ ਮੜੌਲੀ ਨੇ ਆਪਣੀ ਪੁਸ਼ਤਕ ‘ਸੋਹਣਾ ਮੇਰਾ ਪੰਜਾਬ ਬੇਲੀਓ ਦੀਆਂ ਕਾਪੀਆਂ ਸਾਥੀ ਮੈਂਬਰਾਂ ਨੂੰ ਭੇਂਟ ਕੀਤੀਆਂ । ਇਸ ਦੌਰਾਨ ਸਭਾ ਦੇ ਜਨਰਲ ਸਕੱਤਰ ਭਿੰਦਰ ਭਾਗੋਮਾਜਰਾ ਨੇ ਆਏ ਸਾਹਿਤਕਾਰਾਂ ਦਾ ਧੰਨਵਾਦ ਕੀਤਾ ਅਤੇ ਪ੍ਰਧਾਨ ਕੁਲਵੰਤ ਮਾਵੀ ਨੇ ਸਾਹਿਤਕਾਰਾਂ ਨੂੰ ਵਧੀਆ ਤੇ ਉਸਾਰੂ ਸੋਚ ਵਾਲੇ ਸਾਹਿਤ ਰਚਣ ਦੀ ਅਪੀਲ ਕੀਤੀ।
ਮੰਤਰੀ ਮੰਡਲ ਨੇ ਲਖੀਮਪੁਰ ਖੀਰੀ ਘਟਨਾ ਵਿਚ ਜਾਨਾਂ ਗੁਆ ਚੁੱਕੇ ਕਿਸਾਨਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਲਈ ਦੋ ਮਿੰਟ ਦਾ ਮੌਨ ਰੱਖਿਆ
ਬੀਤੇ ਪੰਜ ਮਹੀਨਿਆਂ ਵਿਚ ਵਾਪਰੀਆਂ ਸਿਆਸੀ ਘਟਨਾਵਾਂ ਨਾਲ ਦੁੱਖ ਪਹੁੰਚਿਆ-ਕੈਪਟਨ ਅਮਰਿੰਦਰ ਸਿੰਘ ਨੇ ਅਸਤੀਫਾ ਦੇਣ ਤੋਂ ਪਹਿਲਾਂ ਸੋਨੀਆ ਗਾਂਧੀ ਨੂੰ ਲਿਖਿਆ ਪੱਤਰ
