ਲਾਭ ਚਤਾਮਲੀ ਵੱਲੋਂ ‘ਕਾਹਨੂੰ ਚੱਕਣੀ ਦੁਨਾਲੀ’ ਗਾਣਾ ਰਿਲੀਜ਼

ਲਾਭ ਚਤਾਮਲੀ ਵੱਲੋਂ ‘ਕਾਹਨੂੰ ਚੱਕਣੀ ਦੁਨਾਲੀ’ ਗਾਣਾ ਰਿਲੀਜ਼

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 3 ਮਾਰਚ:
ਸਥਾਨਕ ਸ਼ਹਿਰ ਦੇ ਨਿਹੋਲਕਾ ਰੋਡ ਉੱਤੇ ‘ਹੋਲੀ ਕਿਡਜ਼’ ਸਕੂਲ ਵਿਖੇ ਕਰਵਾਏ ਇੱਕ ਸਮਾਰੋਹ ਦੌਰਾਨ ਉਘੇ ਗੀਤਕਾਰ, ਅਦਾਕਾਰ ਅਤੇ ਲੇਖਕ ਲਾਭ ਸਿੰਘ ਚਤਾਮਲੀ ਵੱਲੋਂ ਗਾਇਕ ਸਿੱਧੂਪੁਰੀਆ ਦਾ ਗਾਣਾ ‘ਕਾਹਨੂੰ ਚੱਕਣੀ ਦੁਨਾਲੀ ਕਾਹਨੂੰ ਠੋਕਣੇ ਨੇ ਬੰਦੇ’ ਰਿਲੀਜ਼ ਕੀਤਾ। ਇਸ ਮੌਕੇ ਗਲਬਾਤ ਕਰਦਿਆਂ ਡਾਇਰੈਕਟਰ ਰਾਜੇਸ਼ ਚੋਪੜਾ ਨੇ ਦੱਸਿਆ ਕਿ ਇਸ ਗੀਤ ਨੂੰ ਆਵਾਜ਼ ਗਾਇਕ ਜੀਤ ਸਿੱਧੂਪੁਰੀਆ, ਸੰਗੀਤ ਮਿਊਜ਼ਿਕ ਮਾਈਨ, ਵੀਡੀਓ ਡਾਇਰੈਕਟਰ ਰਾਜੇਸ਼ ਚੋਪੜਾ, ਐਡੀਟਰ ਸੰਦੀਪ ਚੋਪੜਾ, ਅਸਿਸਟੈਂਟ ਵੀਡੀਓ ਡਾਇਰੈਕਟਰ ਨਵੀਨ ਕੁਮਾਰ ਵੱਲੋਂ ਤਿਆਰ ਕਰਕੇ ‘ਬੱਲੇ ਬੱਲੇ ਫਿਲਮ ਐਂਡ ਰਿਕਾਰਡਸ’ ਵੱਲੋਂ ਲੋਕ ਕਚਿਹਿਰੀ ਵਿਚ ਭੇਜਿਆ ਗਿਆ ਹੈ।
ਰਾਜੇਸ਼ ਚੋਪੜਾ ਅਨੁਸਾਰ ਉਕਤ ਗਾਣੇ ਦੀ ਵੀਡੀਓ ਪਿੰਡ ਮੁੰਧੋ ਸੰਗਤੀਆਂ ਵਿਖੇ ਵੱਖ ਵੱਖ ਲੋਕੇਸ਼ਨਾਂ ਤੇ ਕੈਮਰਾਮੈਨ ਮੋਨੂੰ ਮੇਹਰਾ ਅਤੇ ਮਾਡਲ ਲਾਡੀ ਧੀਮਾਨ, ਮਨਜੀਤ ਸਿੰਘ ਦੇ ਸਹਿਯੋਗ ਨਾਲ ਤਿਆਰ ਕੀਤਾ ਗਿਆ। ਉਨ੍ਹਾਂ ਦੱਸਿਆ ਕਿ ਇਹ ਗੀਤ ਪੰਜਾਬੀ ਸੱਭਿਆਚਾਰ ਦੀ ਝਲਕ ਪੇਸ਼ ਕਰਦਾ ਹੈ ਜਿਸ ਰਾਹੀਂ ਅਜੋਕੇ ਸਮੇਂ ਵਿੱਚ ਕੁਰਾਹੇ ਜਾ ਰਹੀ ਗਾਇਕੀ ਨੂੰ ਰਾਹੇ ਪਾਉਣ ਦੀ ਕੋਸ਼ਿਸ ਹੈ ਤਾਂ ਜੋ ਆਉਣ ਵਾਲੀਆਂ ਪੀੜੀਆਂ ਆਪਣੇ ਸੱਭਿਆਚਾਰ ਨਾਲ ਜੁੜੀਆਂ ਰਹਿਣ। ਇਸ ਦੌਰਾਨ ਲਾਭ ਸਿੰਘ ਚਤਾਮਲੀ ਤੇ ਉਨ੍ਹਾਂ ਦੀ ਪਤਨੀ ਹਰਪਾਲ ਕੌਰ ਨੇ ਗੀਤ ਦੀ ਘੁੰਡ ਚੁਕਾਈ ਦੀ ਰਸਮ ਅਦਾ ਕੀਤੀ। ਇਸ ਮੌਕੇ ਰਾਕੇਸ਼ ਕਾਲੀਆ, ਰਾਕੇਸ਼ ਚੋਪੜਾ, ਹੈਪੀ ਧੀਮਾਨ, ਵਰਿੰਦਰ ਵਿੱਕੀ, ਰਵਿੰਦਰ ਬਿੱਲਾ, ਰਜਿੰਦਰ ਸਿੰਘ ਪ੍ਰਧਾਨ ਇਨਸਾਨੀਅਤ, ਸੁਰਮੁਖ ਸਿੰਘ, ਅਮਰਜੀਤ ਧੀਮਾਨ, ਤਰਸੇਮ ਵਾਲੀਆ, ਕਰਮਜੀਤ ਬੱਗਾ, ਕਰਨੈਲ ਸਿਵੀਆ, ਮਾਣਕ ਰਾਣਾ, ਸਾਗਰ ਸੋਹਣ, ਨਰਿੰਦਰ, ਮੀਤੁ, ਹਰਮਿੰਦਰ ਸੁਮੀ, ਸ਼ੇਖਰ ਕੁਰਾਲੀ, ਜੀਤ ਹਰਜੀਤ, ਰਿੰਕੂ, ਨਰਿੰਦਰ ਆਦਿ ਹਾਜ਼ਰ ਸਨ।