ਨਵ-ਨਿਯੁਕਤ ਡਾਇਰੈਕਟਰ ਉਦੇਵੀਰ ਢਿੱਲੋਂ ਦਾ ਡੇਰਾਬੱਸੀ ਪੁੱਜਣ ਤੇ ਕੀਤਾ ਸਵਾਗਤ

ਨਵ-ਨਿਯੁਕਤ ਡਾਇਰੈਕਟਰ ਉਦੇਵੀਰ ਢਿੱਲੋਂ ਦਾ ਡੇਰਾਬੱਸੀ ਪੁੱਜਣ ਤੇ ਕੀਤਾ ਸਵਾਗਤ

ਢਿੱਲੋਂ ਪਰਿਵਾਰ ਡੇਰਾਬੱਸੀ ਦੇ ਵਿਕਾਸ ਲਈ ਲਗਾਤਾਰ ਯਤਨਸ਼ੀਲ: ਰਣਜੀਤ ਰੈਡੀ

ਵਿਕਰਮ ਜੀਤ
ਨਬਜ਼-ਏ-ਪੰਜਾਬ ਬਿਊਰੋ, ਡੇਰਾਬੱਸੀ, 29 ਜੁਲਾਈ:
ਪੰਜਾਬ ਯੂਥ ਕਾਂਗਰਸ ਦੇ ਜਰਨਲ ਸਕੱਤਰ ਉਦੇਵੀਰ ਢਿੱਲੋਂ ਨੂੰ ਪੰਜਾਬ ਕੋਆਪ੍ਰੇਟਿਵ ਬੈਂਕ ਦਾ ਡਾਇਰੈਕਟਰ ਨਿਯੁਕਤ ਕੀਤਾ ਗਿਆ ਹੈ । ਕਾਂਗਰਸ ਪਾਰਟੀ ਡੇਰਾਬੱਸੀ ਵੱਲੋਂ ਰਣਜੀਤ ਸਿੰਘ ਰੈਡੀ ਦੀ ਅਗਵਾਈ ਵਿੱਚ ਨਵ-ਨਿਯੁਕਤ ਡਾਇਰੈਕਟਰ ਉਦੇਵੀਰ ਢਿੱਲੋ ਦਾ ਡੇਰਾਬੱਸੀ ਪੁੱਜਣ ਤੇ ਭਰਵਾਂ ਸਵਾਗਤ ਕੀਤਾ ਗਿਆ । ਇਸ ਮੌਕੇ ਉਦੇਵੀਰ ਢਿੱਲੋ ਨੇ ਕਿਹਾ ਕਿ ਮੈਂਬਰ ਪਾਰਲੀਮੈਂਟ ਮਹਾਰਾਣੀ ਪ੍ਰਨੀਤ ਕੋਰ ਦੁਆਰਾ ਦਿੱਤੀ ਇਸ ਜਿੰਮੇਵਾਰੀ ਨੂੰ ਉਹ ਪੂਰੀ ਇਮਾਨਦਾਰੀ ਨਾਲ ਨਿਭਾਉਣਗੇ । ਉਨਾਂ ਕਿਹਾ ਕਿ ਉਹ ਹਲਕਾ ਡੇਰਾਬੱਸੀ ਉਨਾਂ ਦਾ ਪਰਿਵਾਰ ਹੈ ਅਤੇ ਆਪਣੇ ਪਰਿਵਾਰ ਦੀ ਸੇਵਾ ਲਈ ਹਮੇਸ਼ਾ ਹਾਜ਼ਰ ਹਨ । ਇਸ ਮੌਕੇ ਸਵਾਗਤ ਕਰਦਿਆਂ ਕਾਂਗਰਸੀ ਆਗੂ ਰਣਜੀਤ ਸਿੰਘ ਰੈਡੀ ਨੇ ਕਿਹਾ ਕਿ ਦੀਪਇੰਦਰ ਸਿੰਘ ਢਿੱਲੋਂ ਅਤੇ ਉਦੇਵੀਰ ਢਿੱਲੋਂ ਦੁਆਰਾ ਹਲਕੇ ਦੇ ਵਿਕਾਸ ਲਈ ਲਗਾਤਾਰ ਯਤਨ ਕੀਤੇ ਜਾ ਰਹੇ ਹਨ ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਕਾਰਜ ਸਾਧਕ ਅਫ਼ਸਰ ਡੇਰਾਬੱਸੀ ਜਗਜੀਤ ਸਿੰਘ , ਐਡਵੋਕੇਟ ਵਿਕਰਾਂਤ ,ਟਰੱਕ ਯੂਨੀਅਨ ਪ੍ਰਧਾਨ ਚਮਨ ਸੈਣੀ, ਪ੍ਰੇਮ ਸਿੰਘ , ਭੁਪਿੰਦਰ ਸ਼ਰਮਾ , ਕ੍ਰਿਸਨ ਬੱਲਾ, ਪਾਲੀ ਈਸਾਪੁਰ , ਬਿਟੂ ਮਹਿੰਦਰੂ , ਬੰਟੀ ਰਾਣਾ , ਜਸਪ੍ਰੀਤ ਲੱਕੀ , ਰਾਮਦੇਵ ਸ਼ਰਮ , ਬਲਜਿੰਦਰ ਲੰਬੜਦਾਰ, ਦਵਿੰਦਰ ਸੈਦਪੁਰਾ ਤੋ ਇਲਾਵਾ ਕਾਂਗਰਸੀ ਵਰਕਰ ਹਾਜ਼ਰ ਸਨ ।