ਪੈਰਾਗਾਨ ਸਕੂਲ ਦੇ ਵਿਦਿਆਰਥੀਆਂ ਨੇ ਝੰਡਾ ਦਿਵਸ ਵਿੱਚ ਹਿੱਸਾ ਲਿਆ

ਪੈਰਾਗਾਨ ਸਕੂਲ ਦੇ ਵਿਦਿਆਰਥੀਆਂ ਨੇ ਝੰਡਾ ਦਿਵਸ ਵਿੱਚ ਹਿੱਸਾ ਲਿਆ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 8 ਦਸੰਬਰ:
ਇੱਥੋਂ ਦੇ ਨੰਨ੍ਹੇ ਮਣਕੇ ਪਲੇ ਵੇਅ ਅਤੇ ਪੈਰਾਗਾਨ ਸੀਨੀਅਰ ਸੈਕੰਡਰੀ ਸਕੂਲ ਸੈਕਟਰ-69 ਦੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੇ ਜ਼ਿਲ੍ਹਾ ਸੈਨਿਕ ਸਦਨ ਫੇਜ਼-10 ਵਿਖੇ ਆਰਮਡ ਫੋਰਸਿਜ ਫਲੈਗ ਦਿਵਸ ਸਮਾਗਮ ਵਿੱਚ ਹਿੱਸਾ ਲਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਕੂਲ ਦੀ ਪ੍ਰਿੰਸੀਪਲ ਅਮਰਜੀਤ ਕੌਰ ਨੇ ਦੱਸਿਆ ਕਿ ਇਸ ਸਮਾਗਮ ਵਿਚ ਮੇਜਰ ਜਨਰਲ ਰਾਜ ਮਹਿਤਾ (ਰਿਟਾ) ਅਤੇ ਲੈਫਟੀਨੈਂਟ ਕਰਨਲ ਪੀ ਐਸ ਬਾਜਵਾ ਨੇ ਬੱਚਿਆਂ ਨੂੰ ਸੈਨਿਕਾਂ ਵਲੋੱ ਦਿਤੇ ਬਲਿਦਾਨ ਅਤੇ ਬਹਾਦਰੀ ਬਾਰੇ ਜਾਣਕਾਰੀ ਦਿਤੀ। ਇਸ ਮੌਕੇ ਬੱਚਿਆਂ ਨੇ ਵੀ ਸਹੁੰ ਚੁੱਕੀ ਕਿ ਉਹ ਕਿਸੇ ਵੀ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਦ੍ਰਿੜ ਰਹਿਣਗੇ। ਇਸ ਮੌਕੇ ਸਕੂਲ ਦੇ ਪ੍ਰਬੰਧਕ ਅਤੇ ਸਾਬਕਾ ਕੌਂਸਲਰ ਮੋਹਨਬੀਰ ਸਿੰਘ ਸ਼ੇਰਗਿਲ, ਜ਼ਿਲ੍ਹਾ ਸੈਨਿਕ ਸਦਨ ਦੇ ਅਧਿਕਾਰੀ ਲੈਫਟੀਨੈਂਟ ਕਰਨਲ ਬੋਪਾਰਾਏ ਵੀ ਮੌਜੂਦ ਸਨ।