ਪੰਜਾਬ ਮੈੜ ਸਵਰਨਕਾਰ ਸਮਾਜ ਦੀ ਮੀਟਿੰਗ ਹੋਈ

ਪੰਜਾਬ ਮੈੜ ਸਵਰਨਕਾਰ ਸਮਾਜ ਦੀ ਮੀਟਿੰਗ ਹੋਈ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 4 ਅਪਰੈਲ:
ਸਥਾਨਕ ਸ਼ਹਿਰ ਵਿਚ ਪੰਜਾਬ ਮੈਂੜ ਸਵਰਨਕਾਰ ਸਮਾਜ ਦੀ ਇੱਕ ਮੀਟਿੰਗ ਕੁਰਾਲੀ ਇਕਾਈ ਦੇ ਪ੍ਰਧਾਨ ਸ਼ਿਵ ਵਰਮਾ ਦੀ ਦੇਖ ਰੇਖ ਤੇ ਸੂਬਾ ਜਨਰਲ ਸਕੱਤਰ ਅੰਮ੍ਰਿਤ ਵਰਮਾ ਦੀ ਅਗਵਾਈ ਵਿਚ ਹੋਈ ਜਿਸ ਵਿਚ ਸਵਰਨਕਾਰਾਂ ਵੱਲੋਂ ਮੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਤੋਂ ਪੱਤਰ ਰਾਂਹੀ ਅੱਤਿਆਚਾਰਾਂ ਤੋਂ ਨਿਜਾਤ ਦਿਵਾਉਣ ਲਈ ਮੰਗ ਪੱਤਰ ਦੇਣ ਦਾ ਫੈਸ਼ਲਾ ਕੀਤਾ ਗਿਆ। ਇਸ ਮੌਕੇ ਸ਼ਿਵ ਵਰਮਾ ਨੇ ਕਿਹਾ ਕਿ ਪਿਛਲੇ ਲੰਮੇ ਸਮੇਂ ਤੋਂ ਪੰਜਾਬ ਵਿਚ ਚੋਰੀ ਆਦਿ ਦੇ ਮਾਮਲਿਆਂ ਵਿਚ ਪੁਲਿਸ ਧਾਰਾ 141 ਅਧੀਨ ਸਵਰਨਕਾਰਾਂ ਨੂੰ ਤੰਗ ਪ੍ਰੇਸ਼ਾਨ ਕਰਦੀ ਆ ਰਹੀ ਹੈ ਤੇ ਸੂਬੇ ਕਈ ਥਾਈਂ ਪੁਲਿਸ ਵੱਲੋਂ ਪੁੱਛਗਿੱਛ ਦੇ ਨਾਮ ਤੇ ਸਵਰਨਕਾਰਾਂ ਤੇ ਬੇਹਤਾਸ਼ਾ ਅੱਤਿਆਚਾਰ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕ ਸੋਨਾ ਵੇਚਣ ਤੇ ਖਰੀਦਣ ਆਉਂਦੇ ਹਨ ਉਨ੍ਹਾਂ ਬਾਰੇ ਕਈ ਵਾਰ ਸਵਰਨਕਾਰਾਂ ਨੂੰ ਜਾਣਕਾਰੀ ਨਹੀਂ ਹੁੰਦੀ ਜਦਕਿ ਪੁਲਿਸ ਚੋਰੀ ਦਾ ਸੋਨਾ ਖਰੀਦਣ ਵਾਲੇ ਸਵਰਨਕਾਰਾਂ ਨੂੰ ਬਰਾਬਰ ਦਾ ਦੋਸ਼ੀ ਮੰਨਦੀ ਹੈ ਜੋ ਕਿ ਸਰਾਸਰ ਗਲਤ ਹੈ। ਉਨ੍ਹਾਂ ਕਿਹਾ ਕਿ ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰ ਸੂਬੇ ਵਿਚ ਪੁਲਸੀ ਨੂੰ ਸਵਰਨਕਾਰਾਂ ਨਾਲ ਵਧੀਆ ਵਤੀਰਾ ਕਰਨ ਦੇ ਨਿਰਦੇਸ਼ ਜਾਰੀ ਕਰੇ ਜਿਸ ਤਹਿਤ ਹਰੇਕ ਸਵਰਨਕਾਰ ਤੋਂ ਪੁੱਛਗਿੱਛ ਕਰਨ ਤੋਂ ਪਹਿਲਾਂ ਸਵਰਨਕਾਰ ਇਕਾਈ ਦੇ ਪ੍ਰਧਾਨ ਨੂੰ ਭਰੋਸੇ ਵਿਚ ਲਿਆ ਜਾਵੇ ਤੇ ਵੱਖ ਵੱਖ ਸੂਬਿਆਂ ਵਿਚੋਂ ਸੋਨੇ ਦੇ ਖਰੀਦੋ ਫਰੋਖਤ ਕਰਨ ਵਾਲੇ ਸਵਰਨਕਾਰਾਂ ਦੀ ਬੇਰੀਅਰਾਂ ਤੇ ਹੁੰਦੀ ਖੱਜਲ ਖੁਆਰੀ ਨੂੰ ਘੱਟ ਕੀਤਾ ਜਾਵੇ। ਸ਼ਿਵ ਵਰਮਾ ਨੇ ਕਿਹਾ ਕਿ ਸਵਰਨਕਾਰ ਬਿਰਾਦਰੀ ਅਤੇ ਸਵਰਨਕਾਰੀ ਦਾ ਕੰਮ ਕਰਨ ਵਾਲੇ ਲੋਕਾਂ ਨੂੰ ਕੈਪਟਨ ਸਰਕਾਰ ਇੱਕ ਭਲਾਈ ਬੋਰਡ ਦਾ ਗਠਨ ਕਰੇ ਜਿਸ ਵਿਚ ਸਵਰਨਕਾਰ ਬਿਰਾਦਰੀ ਦੇ ਲੋੜਵੰਦ ਲੋਕਾਂ ਦੇ ਬੀਮੇ ਕਰਵਾਉਣ ਅਤੇ ਵਿਆਜ ਰਹਿਤ ਕਰਜ਼ਾ ਲੈਣ ਦੀ ਸਕੀਮ ਸਮੇਤ ਤਹਿਸੀਲ ਤੇ ਜਿਲ੍ਹਾ ਪੱਧਰ ਤੇ ਭਵਨ ਬਣਾਉਣ ਅਤੇ ਲੋੜਵੰਦਾਂ ਨੂੰ ਪਲਾਟ ਦਿੱਤੇ ਜਾਣ। ਇਸ ਮੌਕੇ ਸਤਿਧ ਕੁਮਾਰ, ਨੀਤੀਸ਼ ਕੁਮਾਰ, ਦੀਪਕ ਵਰਮਾ, ਰਜੀਵ ਵਰਮਾ, ਰਮੇਸ੍ਰਵਰ ਦਾਸ, ਸਤਪਾਲ, ਕੁਲਦੀਪ ਤੁੰਨਾ, ਰਾਜਨ ਵਰਮਾ ਆਦਿ ਹਾਜ਼ਰ ਸਨ।