ਰਮਾਕਾਂਤ ਕਾਲੀਆ ਯੂਥ ਕਾਂਗਰਸ ਸ਼ਹਿਰੀ ਦੇ ਪ੍ਰਧਾਨ ਨਿਯੁਕਤ

ਰਮਾਕਾਂਤ ਕਾਲੀਆ ਯੂਥ ਕਾਂਗਰਸ ਸ਼ਹਿਰੀ ਦੇ ਪ੍ਰਧਾਨ ਨਿਯੁਕਤ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 25 ਨਵੰਬਰ:
ਪਾਰਟੀ ਪ੍ਰਤੀ ਸਰਗਰਮ ਸੇਵਾਵਾਂ ਨੂੰ ਦੇਖਦੇ ਹੋਏ ਸਾਬਕਾ ਕੈਬਨਿਟ ਮੰਤਰੀ ਜਗਮੋਹਨ ਸਿੰਘ ਕੰਗ ਨੇ ਯੂਥ ਆਗੂ ਰਮਾਕਾਂਤ ਕਾਲੀਆ ਨੂੰ ਕਾਂਗਰਸ ਪਾਰਟੀ ਦੇ ਸ਼ਹਿਰੀ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ। ਇਸ ਮੌਕੇ ਨੌਜਵਾਨ ਆਗੂ ਰਮਾਕਾਂਤ ਕਾਲੀਆ ਨੂੰ ਨਿਯੁਕਤੀ ਪੱਤਰ ਦਿੰਦੇ ਹੋਏ ਸਾਬਕਾ ਕੈਬਨਿਟ ਮੰਤਰੀ ਜਗਮੋਹਨ ਸਿੰਘ ਕੰਗ ਨੇ ਕਿਹਾ ਨੌਜਵਾਨ ਪਾਰਟੀ ਦੀ ਰੀੜ ਦੀ ਹੱਡੀ ਹਨ। ਨੌਜਵਾਨਾਂ ਦੇ ਪਾਰਟੀ ਪ੍ਰਤੀ ਕੰਮਾ ਕਾਰਨ ਹੀ ਪਾਰਟੀ ਅੱਗੇ ਵੱਧਦੀ ਹੈ ਨੌਜਵਾਨਾਂ ਵੱਲੋਂ ਪਾਰਟੀ ਨੂੰ ਦਿੱਤਾ ਹੋਇਆ ਯੋਗਦਾਨ ਕਦੇ ਵੀ ਅਣਦੇਖਿਆ ਨਹੀ ਕੀਤਾ ਜਾ ਸਕਦਾ। ਉਨ੍ਹਾਂ ਕਿਹਾ ਕਿ ਮਹਿਨਤੀ ਨੌਜਵਾਨ ਰਮਾਕਾਂਤ ਕਾਲੀਆ ਨੂੰ ਪਾਰਟੀ ਵੱਲੋਂ ਉਨ੍ਹਾਂ ਦੀਆਂ ਪਾਰਟੀ ਪ੍ਰਤੀ ਵਫ਼ਾਦਾਰੀ ਅਤੇ ਸੇਵਾਵਾਂ ਨੂੰ ਦੇਖਦੇ ਹੋਏ ਸ਼ਹਿਰੀ ਪ੍ਰਧਾਨ ਦੀ ਜਿੰਮੇਵਾਰੀ ਦਾ ਭਾਰ ਉਨ੍ਹਾਂ ਨੂੰ ਸੌਂਪਿਆ ਗਿਆ ਹੈ ਅਜਿਹੀਆਂ ਨਿਯੁਕਤੀਆਂ ਨੌਜਵਾਨਾ ਲਈ ਇਕ ਇਨਾਮ ਹੁੰਦੀਆਂ ਹਨ।
ਇਸ ਮੌਕੇ ਹਾਜ਼ਰ ਕੁਸ਼ਲਪਾਲ ਰਾਣਾ ਪ੍ਰਧਾਨ ਯੂਥ ਕਾਂਗਰਸ ਹਲਕਾ ਖਰੜ ਨੇ ਕਿਹਾ ਕਿ ਉਤਸ਼ਾਹੀ ਅਤੇ ਪਾਰਟੀ ਦੇ ਲਈ ਦਿਨ ਰਾਤ ਮਹਿਨਤ ਕਰਨ ਵਾਲੇ ਵਰਕਰਾਂ, ਅਹੁਦੇਦਾਰਾਂ ਨੂੰ ਕਾਂਗਰਸ ਹਾਈ ਕਮਾਂਡ ਵੱਲੋਂ ਵਿਧਾਨ ਸਭਾ ਦੀਆਂ ਚੋਣਾ ਵਿੱਚ ਟਿਕਟਾਂ ਦੇ ਕੇ ਚੋਣਾਂ ਵੀ ਲੜਾਈਆਂ ਜਾਂਦੀਆਂ ਹਨ। ਇਸ ਮੌਕੇ ਰਮਾਕਾਂਤ ਕਾਲੀਆ ਨੇ ਕਿਹਾ ਕਿ ਉਹ ਹਾਈ ਕਮਾਂਡ ਵੱਲੋਂ ਦਿੱਤੀ ਜ਼ਿੰਮੇਵਾਰੀ ਨੂੰ ਤਨਦੇਹੀ ਨਾਲ ਨਿਭਾਂਉਣਗੇ ਅਤੇ ਹੋਰ ਮਹਿਨਤੀ ਨੌਜਵਾਨਾ ਦਾ ਵੱਡਾ ਕਾਫਲਾ ਪਾਰਟੀ ਨਾਲ ਜੋੜਨਗੇ। ਇਸ ਮੌਕੇੇ ਕੌਮੀ ਯੂਥ ਕਾਂਗਰਸ ਆਗੂ ਯਾਦਵਿੰਦਰ ਸਿੰਘ ਬੰਨੀ ਕੰਗ, ਰੋਮੀ ਕੰਗ, ਦਿਨੇਸ਼ ਗੌਤਮ, ਵਿਕਾਸ਼ ਕੌਸ਼ਲ, ਅਸ਼ੀਸ ਸ਼ਰਮਾ, ਮੁਨੀਸ਼ ਮੱਕੜ, ਕੁਲਦੀਪ ਬਾਵਾ, ਅਤੇ ਰਣਧੀਰ ਸਿੰਘ ਚਿੰਟੂ ਹਾਜ਼ਰ ਸਨ।