ਅਕਾਲੀ ਆਗੂ ਤੇ ਕਲੋਨਾਈਜਰ ਰਣਜੀਤ ਗਿੱਲ ਵੱਲੋਂ ਧਾਰਮਿਕ ਐਲਬਮ ਰਿਲੀਜ

ਅਕਾਲੀ ਆਗੂ ਤੇ ਕਲੋਨਾਈਜਰ ਰਣਜੀਤ ਗਿੱਲ ਵੱਲੋਂ ਧਾਰਮਿਕ ਐਲਬਮ ਰਿਲੀਜ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 14 ਅਪਰੈਲ:
ਸਥਾਨਕ ਸ਼ਹਿਰ ਦੇ ਨਿਹੋਲਕਾ ਰੋਡ ‘ਤੇ ਸਥਿਤ ਕੈਲਾਸ਼ ਧਾਮ ਕੁਟੀਆ ਨਦੀ ਪਾਰ ਸੁਆਮੀ ਜੀ ਵਿਖੇ ਕਰਵਾਏ ਇੱਕ ਸਮਾਰੋਹ ਦੌਰਾਨ ਰਣਜੀਤ ਸਿੰਘ ਗਿੱਲ ਹਲਕਾ ਇੰਚਾਰਜ ਸ਼੍ਰੋਮਣੀ ਅਕਾਲੀ ਦਲ ਖਰੜ ਨੇ ਗਾਇਕ ਮਾਸਟਰ ਰਣਬੀਰ ਜੀ ਕੁਰਾਲੀ ਵਾਲਿਆਂ ਦੀ ਧਾਰਮਿਕ ਭਜਨਾਂ ਕੈਸਟ ‘ਦਯਾ ਦੇ ਸਾਗਰ’ ਰਿਲੀਜ਼ ਕੀਤੀ। ਇਸ ਮੌਕੇ ਰਣਜੀਤ ਸਿੰਘ ਗਿੱਲ ਨੇ ਕਿਹਾ ਕਿ ਗਾਇਕ ਮਾਸਟਰ ਰਣਬੀਰ ਜੀ ਕੁਰਾਲੀ ਵਾਲਿਆਂ ਵੱਲੋਂ ਨਦੀ ਪਾਰ ਵਾਲੇ ਸੁਆਮੀ ਜੀ ਦੀ ਮਹਿਮਾ ਦੀ ਗੁਣਗਾਣ ਵਾਲੀ ਕੈਸਟ ‘ਦਯਾ ਦੇ ਸਾਗਰ’ ਜਾਰੀ ਕਰਕੇ ਉਨ੍ਹਾਂ ਦੇ ਮਨ ਨੂੰ ਬੜਾ ਸਕੂਨ ਮਿਲਿਆ ਹੈ ਕਿਉਂਕਿ ਨਦੀ ਪਾਰ ਵਾਲੇ ਸੁਆਮੀ ਜੀ ਦੀ ਇਲਾਕੇ ਵਿਚ ਬਹੁਤ ਮਾਨਤਾ ਹੈ। ਉਨ੍ਹਾਂ ਪ੍ਰਬੰਧਕਾਂ ਦੇ ਉਪਰਾਲੇ ਦੀ ਸਲਾਘਾ ਕੀਤੀ।
ਇਸ ਮੌਕੇ ਗਾਇਕ ਮਾਸਟਰ ਰਣਬੀਰ ਜੀ ਕੁਰਾਲੀ ਵਾਲਿਆਂ ਨੇ ਦੱਸਿਆ ਕਿ ਕੈਸਟ ਵਿਚ ਭਜਨਾਂ ਨੂੰ ਸੰਗੀਤ ਹਰਜੀਸ਼ ਬਿੱਟੂ ਅਤੇ ਲੇਖਕ ਸਵ. ਗਿਆਨ ਚੰਦ, ਸਵਰਗੀ ਸ੍ਰੀ ਰਘੂ, ਬ੍ਰਿਜ ਭਾਰਤੀ ਤੇ ਬੀਰ ਸਿੰਘ ਵੱਲੋਂ ਕਲਮਬੰਦ ਕੀਤਾ ਗਿਆ ਜਦੋਂ ਕਿ ਟੀ.ਪੀ.ਐਮ ਕੰਪਨੀ ਵੱਲੋਂ ਸਰੋਤਿਆਂ ਦੀ ਕਚਹਿਰੀ ਵਿੱਚ ਪੇਸ਼ ਕੀਤਾ ਗਿਆ। ਇਸ ਮੌਕੇ ਐਡਵੋਕੇਟ ਗੁਰਜਸਪਾਲ ਸਿੰਘ, ਰਣਧੀਰ ਸਿੰਘ ਧੀਰਾ, ਮਨਜੀਤ ਸਿੰਘ ਮਹਿਤੋਂ ਦਫਤਰ ਸਕੱਤਰ ਸ਼੍ਰੋਮਣੀ ਅਕਾਲੀ ਦਲ ਸਮੇਤ ਵੱਡੀ ਗਿਣਤੀ ਵਿੱਚ ਸ਼ਹਿਰ ਵਾਸੀ ਹਾਜ਼ਰ ਸਨ।