ਟੀਡੀਆਈ ਸੈਕਟਰਾਂ ਦੇ ਵਸਨੀਕ ਬੁਨਿਆਦੀ ਸਹੂਲਤਾਂ ਨੂੰ ਤਰਸੇ, ਬਿਜਲੀੋ-ਪਾਣੀ ਤੋਂ ਡਾਢੇ ਪ੍ਰੇਸ਼ਾਨ

ਟੀਡੀਆਈ ਸੈਕਟਰਾਂ ਦੇ ਵਸਨੀਕ ਬੁਨਿਆਦੀ ਸਹੂਲਤਾਂ ਨੂੰ ਤਰਸੇ, ਬਿਜਲੀੋ-ਪਾਣੀ ਤੋਂ ਡਾਢੇ ਪ੍ਰੇਸ਼ਾਨ

ਨਬਜ਼-ਏ-ਪੰਜਾਬ, ਮੁਹਾਲੀ, 22 ਜੁਲਾਈ:
ਮੁਹਾਲੀ ਦੇ ਟੀਡੀਆਈ ਸੈਕਟਰ-116,117,118,74,119, ਕਨਾਟ ਰੈਜ਼ੀਡੈਂਸੀ ਅਤੇ ਵੈਲਿੰਗਟਨ ਹਾਈਟਸ-1 ਅਤੇ 2 ਵਿੱਚ ਬਰਸਾਤੀ ਪਾਣੀ ਦੀ ਨਿਕਾਸੀ ਦਾ ਉਚਿੱਤ ਪ੍ਰਬੰਧ ਨਾ ਹੋਣ ਕਾਰਨ ਅਤੇ ਅਕਸਰ ਬੱਤੀ ਗੁੱਲ ਰਹਿਣ ਕਾਰਨ ਲੋਕਾਂ ਨੂੰ ਕਾਫ਼ੀ ਮੁਸ਼ਕਲਾਂ ਦਾ ਜੂਝਣਾ ਪੈ ਰਿਹਾ ਹੈ। ਸਥਾਨਕ ਵਸਨੀਕਾਂ ਨੂੰ ਪਿਛਲੇ ਤਿੰਨ ਮਹੀਨਿਆਂ ਦੌਰਾਨ 30 ਮਿੰਟਾਂ ਤੋਂ ਲੈ ਕੇ ਲਗਾਤਾਰ ਕਈ ਕਈ ਘੰਟਿਆਂ ਤੱਕ 8-10 ਘੰਟੇ ਬਿਜਲੀ ਗੁੱਲ ਹੋਣ ਕਾਰਨ ਕਾਫ਼ੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਬਿਜਲੀ ਸਪਲਾਈ ਦੀ ਤਰਸਯੋਗ ਹਾਲਤ ਨੂੰ ਦੇਖਦਿਆਂ ਸਥਾਨਕ ਵਸਨੀਕਾਂ ਨੇ ਇੱਕ ਅਨੋਖਾ ਅਹਿੰਸਕ ਵਿਰੋਧ ਸ਼ੁਰੂ ਕੀਤਾ ਹੈ। ਜਿਸ ਰਾਹੀਂ ਸਾਰੇ ਵਸਨੀਕਾਂ ਨੇ ਪਾਵਰਕੌਮ ਸ਼ਿਕਾਇਤ ਸਾਈਟ ’ਤੇ ਨਿੱਜੀ ਤੌਰ ’ਤੇ ਬਿਜਲੀ ਦੀ ਸਪਲਾਈ ਦੀ ਸਪਲਾਈ ਕਰਨ ਵਾਲੇ ਜਗਾਉਣ ਲਈ ਅਤੇ ਇਨ੍ਹਾਂ ਸੈਕਟਰਾਂ ਦੇ ਵਸਨੀਕਾਂ ਤੋਂ ਭੁਗਤਾਨ ਲੈਣ ਲਈ ਬਿਜਲੀ ਅਸਫਲਤਾ ਦੀਆਂ ਸ਼ਿਕਾਇਤਾਂ ਦਰਜ ਕਰਵਾਈਆਂ ਹਨ।
ਪਾਵਰਕੌਮ ਲਗਾਤਾਰ ਬਿਜਲੀ ਸਪਲਾਈ ਦੇ ਅਸਫਲ ਹੋਣ ਲਈ ਬਰਾਬਰ ਜ਼ਿੰਮੇਵਾਰ ਹੈ। ਬੀਤੇ ਕੱਲ੍ਹ 21 ਜੁਲਾਈ ਨੂੰ ਪਾਵਰਬਕੌਮ ਐਪ ’ਤੇ ਸ਼ਿਕਾਇਤਾਂ ਸੈਂਕੜੇ ਤੋਂ ਪਾਰ ਹੋ ਗਈਆਂ ਹਨ ਅਤੇ ਵਸਨੀਕਾਂ ਨੇ ਬਿਜਲੀ ਸਪਲਾਈ ਦੀ ਸਮੱਸਿਆ ਦੇ ਪੱਕੇ ਹੱਲ ਹੋਣ ਤੱਕ ਵਿਰੋਧ ਕਰਨ ਦਾ ਸਿਲਸਿਲਾ ਜਾਰੀ ਰੱਖਣ ਦਾ ਐਲਾਨ ਕੀਤਾ। ਬੀਤੀ 12 ਜੁਲਾਈ ਨੂੰ ਵੀ ਮੁਹਾਲੀ ਏਅਰਪੋਰਟ ਸੜਕ ’ਤੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ ਸੀ। ਉਦੋਂ ਮੁਹਾਲੀ ਹਲਕੇ ਦੇ ਵਿਧਾਇਕ ਕੁਲਵੰਤ ਸਿੰਘ ਦੀ ਮੌਜੂਦਗੀ ਵਿੱਚ ਪਾਵਰਕੌਮ, ਟੀਡੀਆਈ ਅਤੇ ਮੈਂਟੀਨੈਂਸ ਏਜੰਸੀ ਮੈਗਨਸ ਵੱਲੋਂ ਮੁੱਖ ਪ੍ਰਸ਼ਾਸਕ ਗਮਾਡਾ ਦੀ ਪ੍ਰਧਾਨਗੀ ਹੇਠ ਹੋਈ ਮੀਟਿੰਗ ਦੌਰਾਨ ਸੈਕਟਰ ਵਾਸੀਆਂ ਨੂੰ ਭਰੋਸਾ ਦਿੱਤਾ ਗਿਆ ਕਿ ਨਿਰਵਿਘਨ ਬਿਜਲੀ ਸਪਲਾਈ ਦਿੱਤੀ ਜਾਵੇਗੀ।
ਵਿਧਾਇਕ ਕੁਲਵੰਤ ਸਿੰਘ ਦਾ ਕਹਿਣਾ ਸੀ ਕਿ ਟੀਡੀਆਈ ਦੇ ਉਪਰੋਕਤ ਸਾਰੇ ਸੈਕਟਰਾਂ ਦਾ ਇੱਕ ਤਕਨੀਕੀ ਆਡਿਟ ਗਮਾਡਾ ਤੋਂ ਕਰਵਾਇਆ ਜਾਵੇਗਾ। ਜਿਸ ਵਿੱਚ ਇਲੈਕਟ੍ਰੀਕਲ ਬੁਨਿਆਦੀ ਢਾਂਚਾ, ਸੀਵਰੇਜ ਬੁਨਿਆਦੀ ਢਾਂਚਾ, ਬਰਸਾਤ ਦੇ ਪਾਣੀ ਦੇ ਨਿਪਟਾਰੇ ਦਾ ਬੁਨਿਆਦੀ ਢਾਂਚਾ, ਪੀਣ ਵਾਲੇ ਪਾਣੀ ਦਾ ਬੁਨਿਆਦੀ ਢਾਂਚਾ, ਸੜਕਾਂ ਦਾ ਬੁਨਿਆਦੀ ਢਾਂਚਾ ਆਦਿ ਸ਼ਾਮਲ ਹੋਣਗੇ ਅਤੇ ਗਮਾਡਾ ਅਫ਼ਸਰਾਂ ਦੇ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ। ਬੁਨਿਆਦੀ ਢਾਂਚੇ ਵਿੱਚ ਕਮੀਆਂ ਅਤੇ ਇਸ ਦੇ ਰੱਖ-ਰਖਾਓ ਲਈ ਕਿਉਂਕਿ ਟਾਊਨਸ਼ਿਪ ਵਿੱਚ ਮਾੜਾ ਬੁਨਿਆਦੀ ਢਾਂਚਾ ਹੋਣ ਦੇ ਬਾਵਜੂਦ ਗਮਾਡਾ ਵੱਲੋਂ ਬਿਲਡਰ ਨੂੰ ਅੰਸ਼ਕ ਮੁਕੰਮਲਤਾ ਸਰਟੀਫਿਕੇਟ ਜਾਰੀ ਕੀਤਾ ਗਿਆ ਸੀ। ਹਾਲਾਂਕਿ ਤਕਨੀਕੀ ਆਡਿਟ ਦੀ ਪ੍ਰਕਿਰਿਆ ਅਜੇ ਸ਼ੁਰੂ ਨਹੀਂ ਕੀਤੀ ਗਈ ਹੈ।