ਸਕੂਲੀ ਬੱਚਿਆਂ ਨੂੰ ਦਿਵਿਆ ਜੋਤੀ ਜਾਗਰਣ ਕੈਂਪ ਵਿੱਚ ਬਿਠਾਉਣਾ ਗਲਤ ਕਾਰਵਾਈ: ਪੀਰ ਮੁਹੰਮਦ

ਸਕੂਲੀ ਬੱਚਿਆਂ ਨੂੰ ਦਿਵਿਆ ਜੋਤੀ ਜਾਗਰਣ ਕੈਂਪ ਵਿੱਚ ਬਿਠਾਉਣਾ ਗਲਤ ਕਾਰਵਾਈ: ਪੀਰ ਮੁਹੰਮਦ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 23 ਦਸੰਬਰ:
ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਦੇ ਪ੍ਰਧਾਨ ਕਰਨੈਲ ਸਿੰਘ ਪੀਰ ਮੁਹੰਮਦ ਨੇ ਸਰਕਾਰੀ ਸਕੂਲ ਦੇ ਬੱਚਿਆਂ ਨੂੰ ਦਿਵਿਆ ਜੋਤੀ ਜਾਗਰਣ ਕੈਂਪ ਵਿੱਚ ਬਿਠਾਉਣ ਦੀ ਸਖ਼ਤ ਨਿਖੇਧੀ ਕੀਤੀ ਹੈ। ਅੱਜ ਇੱਕ ਬਿਆਨ ਵਿੱਚ ਉਹਨਾਂ ਕਿਹਾ ਕਿ ਪਟਿਆਲਾ ਜਿਲ੍ਹੇ ਦੇ ਪਿੰਡ ਭੁਨਰਹੇੜੀ ਦੇ ਸਰਕਾਰੀ ਸਕੂਲ ਵਿੱਚ ਦਿਵਿਆ ਜੋਤੀ ਸੰਸਥਾ ਨੂਰਮਹਿਲ ਵੱਲੋਂ ਖੁਲੇ ਗਰਾਉੱਡ ਵਿੱਚ ਆਪਣੇ ਪ੍ਰਵਚਨ ਸੁਣਾਉਣ ਲਈ ਸਰਦੀ ਵਿੱਚ ਬੱਚਿਆਂ ਨੂੰ ਜਮੀਨ ਉਪਰ ਬਿਠਾਇਆ ਜਾ ਰਿਹਾ ਹੈ। ਉਹਨਾਂ ਕਿਹਾ ਇਸ ਗੱਲ ਦੀ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ ਕਿ ਅਜਿਹੇ ਕੈਂਪ ਲਗਾਉਣ ਦੀ ਆਗਿਆ ਕਿਸ ਅਧਿਕਾਰੀ ਨੇ ਦਿੱਤੀ। ਉਹਨਾਂ ਕਿਹਾ ਕਿ ਲੋਕ ਆਪਣੇ ਬੱਚਿਆਂ ਨੂੰ ਸਕੂਲਾਂ ਵਿੱਚ ਪੜਨ ਲਈ ਭੇਜਦੇ ਹਨ ਕਿਸੇ ਡੇਰੇ ਦੇ ਚੇਲੇ ਬਣਨ ਨਹੀਂ। ਉਹਨਾਂ ਮੰਗ ਕੀਤੀ ਕਿ ਸਕੂਲ ਵਿੱਚ ਅਜਿਹੇ ਕੈਂਪ ਲਗਾਉਣ ਵਾਲੇ ਅਧਿਆਪਕਾਂ ਵਿਰੁੱਧ ਕਾਰਵਾਈ ਕੀਤੀ ਜਾਵੇ।