ਐਸਡੀਐਮ ਸ੍ਰੀਮਤੀ ਬਰਾੜ ਨੇ ਖਰੜ ਦੇ ਆਂਗਨਵਾੜੀ ਵਰਕਰਾਂ ਨੂੰ ਪੱਖਾ, ਕੂਲਰ ਤੇ ਹੋਰ ਸਮਾਨ ਵੰਡਿਆ

ਐਸਡੀਐਮ ਸ੍ਰੀਮਤੀ ਬਰਾੜ ਨੇ ਖਰੜ ਦੇ ਆਂਗਨਵਾੜੀ ਵਰਕਰਾਂ ਨੂੰ ਪੱਖਾ, ਕੂਲਰ ਤੇ ਹੋਰ ਸਮਾਨ ਵੰਡਿਆ

ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 28 ਜੁਲਾਈ:
ਖਰੜ ਦੇ ਉਪ ਮੰਡਲ ਮੈਜਿਸਟੇ੍ਰਟ (ਐਸਡੀਐਮ) ਸ੍ਰੀਮਤੀ ਅਮਨਿੰਦਰ ਕੌਰ ਬਰਾੜ ਨੇ ਕਿਹਾ ਕਿ ਉਪ ਮੰਡਲ ਖਰੜ ਤਹਿਤ ਪਿੰਡਾਂ, ਸ਼ਹਿਰਾਂ ਵਿੱਚ ਪੈਂਦੇ ਆਂਗਨਵਾੜੀ ਕੇਂਦਰਾਂ ਨੂੰ ਤਹਿਸੀਲ ਦਫ਼ਤਰ ਖਰੜ ਵੱਲੋਂ ਸਮਾਨ ਦਿੱਤਾ ਜਾਵੇਗਾ। ਉਨ੍ਹਾਂ ਅੱਜ ਤਹਿਸੀਲ ਦਫ਼ਤਰ ਖਰੜ ਵਿੱਚ ਆਂਗਨਵਾੜੀ ਕੇਂਦਰ ਕੁਰਾਲੀ ਦੇ ਵਾਰਡ ਨੰਬਰ: 6 ਏ.ਬੀ, ਵਾਰਡ ਨੰਬਰ: 2,4,11 ਦੀਆਂ ਆਂਗਨਵਾੜੀ ਵਰਕਰਾਂ ਨੂੰ 1 ਪੱਖਾ, 1 ਵਾਟਰ ਕੂਲਰ, ਇੱਕ ਦਰੀ ਸਮੇਤ ਹੋਰ ਸਮਾਨ ਆਂਗਨਵਾੜੀ ਵਰਕਰਾਂ ਨੂੰ ਸੌਂਪਿਆ ਗਿਆ। ਉਨ੍ਹਾਂ ਦੱਸਿਆ ਕਿ ਤਹਿਸੀਲ ਦਫ਼ਤਰ ਵੱਲੋਂ ਜਲਦੀ ਹੀ ਬਾਕੀ ਆਂਗਨਵਾੜੀ ਕੇਂਦਰਾਂ ਨੂੰ ਇਹ ਸਮਾਨ ਦੇ ਦਿੱਤਾ ਜਾਵੇਗਾ।
ਇਸ ਮੌਕੇ ਤਹਿਸੀਲਦਾਰ ਖਰੜ ਤਰਸੇਮ ਸਿੰਘ ਮਿੱਤਲ, ਨਾਇਬ ਤਹਿਸੀਲਦਾਰ ਖਰੜ ਹਰਿੰਦਰਜੀਤ ਸਿੰਘ, ਨਾਇਬ ਤਹਿਸੀਲਦਾਰ ਮਾਜਰੀ ਵਰਿੰਦਰਪਾਲ ਧੂਤ, ਸੀ.ਡੀ.ਪੀ.ਓ.ਮਾਜਰੀ ਹਰਮੀਤ ਕੌਰ, ਕਮਲਾ ਕਪਿਲ, ਸੁਪਿੰਦਰ ਕੌਰ, ਦੋਵੇ ਸੁਪਰਵਾਈਜ਼ਰ, ਰੀਡਰ ਰਣਵਿੰਦਰ ਸਿੰਘ, ਸੀਮਾ, ਰਜਨੀ, ਹੀਨਾ, ਰੀਨਾ, ਜਸਵਿੰਦਰ ਕੌਰ ਸਾਰੀਆਂ ਆਂਗਨਵਾੜੀ ਵਰਕਰ ਹਾਜ਼ਰ ਸਨ।