ਡੋਜ਼ਬਾਲ ਸਕੂਲੀ ਪੱਧਰੀ ਖੇਡਾਂ: ਸਰਕਾਰੀ ਮਾਡਲ ਸਕੂਲ ਖਰੜ ਦੇ 7 ਖਿਡਾਰੀਆਂ ਦੀ ਚੋਣ

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 16 ਨਵੰਬਰ:
ਨੈਸ਼ਨਲ ਸਕੂਲ ਪੱਧਰੀ ਖੇਡਾਂ ਜੋ ਕਿ ਛੱਤੀਸਗੜ੍ਹ ਵਿੱਚ ਹੋ ਰਹੀਆਂ ਹਨ। ਉਸ ਵਿੱਚ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਖਰੜ ਦੇ ਸੱਤ ਖਿਡਾਰੀ ਡੋਜ਼ਬਾਲ ਦੀ ਟੀਮ ਲਈ ਚੁਣੇ ਗਏ ਹਨ। ਸਕੂਲ ਦੇ ਪਿੰ੍ਰਸੀਪਲ ਭੁਪਿੰਦਰ ਸਿੰਘ ਨੇ ਦੱਸਿਆ ਕਿ ਨੈਸ਼ਨਲ ਸਕੂਲ ਖੇਡਾਂ ਸਾਲ 2017-18 ਲਈ ਅੰਡਰ-19 ਲੜਕੀਆਂ ’ਚੋਂ ਮਾਡਲ ਸਕੂਲ ਖਰੜ ਦੀ ਮੁਸਕਾਨ ਸ਼ਰਮਾ, ਗਗਨਦੀਪ ਕੌਰ, ਰੀਆ ਚੌਧਰੀ ਤੇ ਅੰਡਰ-19 ਸਾਲ ਲੜਕਿਆਂ ਵਿਚੋ ਅਕਾਸ਼ਦੀਪ ਸਿੰਘ, ਅੰਡਰ-17 ਸਾਲ ਲੜਕਿਆਂ ਲਈ ਸੁਮਿੱਤ ਕੁਮਾਰ, ਮੁਹੰਮਦ ਜਾਹਿਦ ਅਹਿਮਦ, ਦੇਵਿੰਦਰ ਸਿੰਘ ਸ਼ਾਮਲ ਹਨ।
ਇਸ ਤੋਂ ਪਹਿਲਾਂ ਸਕੂਲ ਦੇ ਇਹ ਖਿਡਾਰੀ ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਕਰਵਾਈਆਂ ਗਈਆਂ ਸਟੇਟ ਪੱਧਰੀ ਖੇਡਾਂ ਵਿੱਚ ਸਕੂਲ ਦੀ ਡੋਜ਼ਬਾਲ ਅੰਡਰ-19 ਸਾਲ ਲੜਕੀਆਂ ਦੀ ਟੀਮ ਨੇ ਦੂਸਰਾ ਅਤੇ ਅੰਡਰ-17 ਸਾਲ ਲੜਕਿਆਂ ਦੀ ਟੀਮ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ। ਇਨ੍ਹਾਂ ਦੇ ਖਿਡਾਰੀਆਂ ਦਾ ਵਿਸੇਸ ਤੌਰ ਤੇ ਸਨਮਾਨ ਕਰਦੇ ਹੋਏ ਵਧਾਈ ਦਿੱਤੀ। ਇਸ ਮੌਕੇ ਪ੍ਰਦੀਪ ਕੁਮਾਰ, ਨਵਦੀਪ ਚੌਧਰੀ, ਸੁਖਪਾਲ ਕੌਰ, ਸ੍ਰੀਮਤੀ ਸਰੀਨ ਸਮੇਤ ਹੋਰ ਅਧਿਆਪਕ ਹਾਜ਼ਰ ਸਨ।