ਸਿਧਾਰਥ ਸਿੱਧ ਪਹਿਲੀ ਪੰਜਾਬੀ ਐਲਬਮ ਲੈ ਕੇ ਸਰੋਤਿਆਂ ਦੀ ਕਚਹਿਰੀ ਵਿੱਚ ਹਾਜ਼ਰ

ਸਿਧਾਰਥ ਸਿੱਧ ਪਹਿਲੀ ਪੰਜਾਬੀ ਐਲਬਮ ਲੈ ਕੇ ਸਰੋਤਿਆਂ ਦੀ ਕਚਹਿਰੀ ਵਿੱਚ ਹਾਜ਼ਰ

ਰਜਨੀਕਾਂਤ ਗਰੋਵਰ
ਨਬਜ਼-ਏ-ਪੰਜਾਬ ਬਿਊਰੋ, ਕੁਰਾਲੀ, 9 ਦਸੰਬਰ:
ਸਥਾਨਿਕ ਸ਼ਹਿਰ ਦੇ ਲੋਕ ਗਾਇਕ ਸਿਧਾਰਥ ਸਿੱਧ ਆਪਣੇ ਪਹਿਲੀ ਪੰਜਾਬੀ ਐਲਬਮ ਨਾਲ ਸਰੋਤਿਆਂ ਦੀ ਕਚਹਿਰੀ ਵਿੱਚ ਹਾਜ਼ਿਰ ਹੋ ਰਹੇ ਹਨ । ਇਸ ਬਾਰੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਗਾਇਕ ਸਿਧਾਰਥ ਸਿੱਧ ਨੇ ਦੱਸਿਆ ਕਿ ਉਹ ਪੰਜਾਬੀ ਮਾਂ ਬੋੱਲੀ ਦੀ ਸੇਵਾ ਲਈ ਹੀ ਗਾਇਕੀ ਦੇ ਖੇੱਤਰ ਵਿੱਚ ਆਏ ਹਨ ਤੇ ਉਹ ਹਮੇਸ਼ਾ ਲੱਚਰ ਗਾਇਕੀ ਤੋਂ ਦੂਰ ਰਹਿੰਦੇ ਹੋਏ ਸਾਫ ਸੁਥਰੀ ਤੇ ਪਰਿਵਾਰ ਵਿੱਚ ਸੁਣਨ ਵਾਲੀ ਗਾਇਕੀ ਨੂੰ ਹੀ ਤਰਜੀਹ ਦੇਣਗੇ ਤੇ ਇਸੇ ਲੜੀ ਵਿੱਚ ਉਨਾਂ ਦਾ ਪਲੇਠੀ ਪੰਜਾਬੀ ਐਲਬਮ “ਵਜਾਹ” ਵ੍ਹਾਇਟ ਹਿੱਲ ਕੰਪਨੀ ਵੱਲੋਂ ਰਲੀਜ਼ ਕੀਤੀ ਜਾ ਰਹੀ ਹੈ, ਜਿਸਦੇ ਡਰੈਕਟਰ ਸਨੇਹਸ਼ੁ ਹਨ । ਇਸ ਐਲਬਮ ਵਿੱਚ ਮੇਰੇ ਵੱਲੋਂ ਗਾਏ ਗਏ ਗੀਤਾ ਵਿਚੋਂ “ ਦਿਲ ਦੇ ਵਿੱਚ ਰਹਿੰਦਾ ਇਕੋ ਖਿਆਲ, ਚਾਹਤਾਂ ਮਿੱਟ ਨਾ ਜਾਵਣ ਯਾਰ” ਅਤੇ “ਮੇਰੇ ਰਹਿ ਗਏ ਅਧੂਰੇ ਕਈ ਖ਼ੁਆਬ ਜਿਹਨਾਂ ਦੀ ਤੂੰ ਵਜਾਹ ਸੋਹਣੀਏ” ਹਨ । ਉਨਾਂ ਉਮੀਦ ਜਾਹਿਰ ਕੀਤੀ ਕਿ ਉਹ ਸਰੋਤਿਆਂ ਦੀਆਂ ਉਮੀਦਾਂ ਤੇ ਖਰੇ ਉਤਰਦੇ ਹੋਏ ਉਨਾਂ ਦੇ ਦਿਲਾਂ ਵਿੱਚ ਆਪਣੇ ਲਈ ਥਾਂ ਬਣਾਉਣ ਵਿੱਚ ਕਾਮਯਾਬ ਹੋਣਗੇ ।