ਪੰਜਾਬੀ ਗਾਇਕ ਵਿਜੈ ਦਾ ਸਿੰਗਲ ਟਰੈਕ ‘ਸ਼ਹੀਦ ਭਗਤ ਸਿੰਘ ਰਿ-ਕਾਲ’ ਰਿਲੀਜ਼

ਪੰਜਾਬੀ ਗਾਇਕ ਵਿਜੈ ਦਾ ਸਿੰਗਲ ਟਰੈਕ ‘ਸ਼ਹੀਦ ਭਗਤ ਸਿੰਘ ਰਿ-ਕਾਲ’ ਰਿਲੀਜ਼

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 19 ਅਗਸਤ:
ਗੀਤਕਾਰ ਤੇ ਪੰਜਾਬੀ ਦੇ ਉਭਰ ਰਹੇ ਨੌਜਵਾਨ ਗਾਇਕ ਅਤੇ ਵਿਜੈ ਦਾ ਸਿੰਗਲ ਟਰੈਕ ‘ਸ਼ਹੀਦ ਭਗਤ ਸਿੰਘ ਰਿ-ਕਾਲ’ ਉਸਤਾਦ ਸ੍ਰੀ ਸੁਦਾਮਾ ਰਾਮ ਜੀ ਤੇ ਉਸਤਾਦ ਜਨਾਬ ਸਾਬਰਕੋਟੀ ਦੇ ਆਸ਼ੀਰਵਾਦ ਨਾਲ ਪ੍ਰਸਿੱਧ ਪੰਜਾਬੀ ਫਿਲਮ ਕਲਾਕਾਰ ਸਤਵੰਤ ਕੌਰ ਸਮੇਤ ਹੋਰ ਆਗੂਆਂ ਵੱਲੋਂ ਸਾਂਝੇ ਤੌਰ ’ਤੇ ਰਿਲੀਜ਼ ਕੀਤਾ ਗਿਆ। ਇਹ ਗੀਤ ਯੂ-ਟਿਊਬ ਅਤੇ ਆਫੀਸ਼ਲ ਵੈਬਸਾਈਟਾਂ ’ਤੇ ਸੁਣਿਆ ਜਾ ਸਕਦਾ ਹੈ। ਉਨ੍ਹਾਂ ਇਸ ਨੌਜਵਾਨ ਨੂੰ ਇਹ ਗੀਤ ਰਿਲੀਜ਼ ਕਰਵਾਉਣ ਲਈ ਵਿਸੇਸ਼ ਤੌਰ ’ਤੇ ਵਧਾਈ ਦਿੰਦਿਆਂ ਕਿਹਾ ਕਿ ਸਾਨੂੰ ਵੱਧ ਤੋਂ ਵੱਧ ਸਾਫ਼ ਸੁਥਰੀ ਗਾਇਕੀ ਨਾਲ ਪੰਜਾਬੀ ਸਰੋਤਿਆ ਦੀ ਸੇਵਾ ਕਰਨੀ ਚਾਹੀਦੀ ਹੈ। ਇਸ ਮੌਕੇ ਸੁਨੀਤਾ, ਗੋਵਿਦਾ, ਜਸਪਾਲ, ਸੈਂਟਰਲ ਬੈਕ ਆਫ਼ ਇੰਡੀਆ ਦੇ ਮੈਨੇਜ਼ਰ ਰਾਜ ਕੁਮਾਰ ਮਲਹੋਤਰਾ, ਹਰਪਾਲ ਸਿੰਘ ਵਾਈਸ ਮੈਨੇਜ਼ਰ, ਰਣਬੀਰ ਸਿੰਘ, ਸ਼ਾਹਦੀਪ ਪ੍ਰਿੰਸ ਖਾਨ, ਧਰਮਜੀਤ ਕੌਰ, ਕਮਲਜੀਤ ਕੌਰ, ਧਰਮਿੰਦਰ ਸਿੰਘ, ਜਗਜੀਤ ਸਿੰਘ, ਕਲਮਜੀਤ ਸਿੰਘ, ਸੁਖਪਾਲ ਸਿੰਘ ਆਦਿ ਵੀ ਮੌਜੂਦ ਸਨ।