ਸੋਹਾਣਾ ਹਸਪਤਾਲ ਨੇ ਰੈਪਿਡ ਤੇ ਆਰਟੀ-ਪੀਸੀਆਰ ਵਿਧੀਆਂ ਰਾਹੀਂ ਕਰੋਨਾ ਟੈੱਸਟ ਸ਼ੁਰੂ
ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 29 ਅਗਸਤ:
ਇੱਥੋਂ ਦੇ ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸਾਹਿਬ ਚੈਰੀਟੇਬਲ ਆਈ ਤੇ ਜਨਰਲ ਹਸਪਤਾਲ ਸੋਹਾਣਾ ਪਹਿਲਾਂ ਨਾਲੋਂ ਵੀ ਵਧੇਰੇ ਆਧੁਨਿਕ ਸਹੂਲਤਾਂ ਦੇ ਨਾਲ ਲੈਸ ਹੋ ਗਿਆ ਹੈ। ਇੱਥੇ ਹੁਣ ਕਰੋਨਾ ਮਹਾਮਾਰੀ ਦਾ ਮੁਕਾਬਲਾ ਕਰਨ ਲਈ 1500 ਵਰਗ ਫੁੱਟ ਵਿੱਚ ਵਿਸ਼ੇਸ਼ ਕਰੋਨਾ ਲੈਬ ਸਥਾਪਿਤ ਕੀਤੀ ਗਈ ਹੈ। ਹੁਣ ਹਸਪਤਾਲ ਵਿੱਚ ਰੈਪਿਡ ਅਤੇ ਆਰਟੀ-ਪੀਸੀਆਰ ਵਿਧੀਆਂ ਰਾਹੀਂ ਕਰੋਨਾ ਟੈਸਟ ਵੀ ਕੀਤੇ ਜਾਣਗੇ। ਸ਼ੱਕੀ ਵਿਅਕਤੀ ਵੀ ਸੋਹਾਣਾ ਹਸਪਤਾਲ ਵਿਖੇ ਆਪਣਾ ਟੈਸਟ ਕਰਵਾ ਸਕਦੇ ਹਨ।
ਦੱਸਿਆ ਗਿਆ ਹੈ ਕਿ ਹਸਪਤਾਲ ਵਿੱਚ ਸਥਾਪਿਤ ਨਵੀਂ ਅਣੂ ਲੈਬ ਨੂੰ ਆਈਸੀਐਮਆਰ ਵੱਲੋਂ ਮਨਜ਼ੂਰੀ ਤੋਂ ਬਾਅਦ ਐੱਨਏਬੀ ਐੱਲ ਨੇ ਵੀ ਮਾਨਤਾ ਦੇ ਦਿੱਤੀ ਹੈ। ਇਸ ਨਾਲ ਹਸਪਤਾਲ ਨੇ ਵੱਡੇ ਪੱਧਰ ’ਤੇ ਲੋਕਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਬਾਇਓ ਮੈਡੀਕਲ ਵੇਸਟ ਨੂੰ ਸਹੀ ਤਰੀਕੇ ਦੇ ਨਾਲ ਖ਼ਤਮ ਕਰਨ ਅਤੇ ਸੁਰੱਖਿਅਤ ਰੱਖਣ ਲਈ ਪੰਜਾਬ ਸਰਕਾਰ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਬਾਇਓ ਮੈਡੀਕਲ ਵੇਸਟ ਮੈਨੇਜਮੈਂਟ ਪ੍ਰੋਗਰਾਮ ਨੂੰ ਤੇਜ਼ ਕਰ ਦਿੱਤਾ ਹੈ।
ਕਰੋਨਾ ਦੇ ਮੱਦੇਨਜ਼ਰ ਹਸਪਤਾਲ ਵਿੱਚ ਕੀਤੀਆਂ ਗਈਆਂ ਨਵੀਆਂ ਤਬਦੀਲੀਆਂ ਸਬੰਧੀ ਜਾਣਕਾਰੀ ਦਿੰਦਿਆਂ ਹਸਪਤਾਲ ਦੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਹਸਪਤਾਲ ਵਿੱਚ ਕਰੋਨਾ ਐਂਟੀਜੇਨ ਟੈਸਟਿੰਗ ਲਈ ਗਲੇ ਅਤੇ ਨਾਸਿਕ ਝਾੜੀਆਂ ਨੂੰ ਇਕੱਠਾ ਕਰਨ ਲਈ ਇਕ ਵੱਖਰਾ ਨਮੂਨਾ ਭੰਡਾਰਨ ਹੈ। ਜਿਸ ਨੂੰ ਪੀਜੀਆਈ ਦੇ ਐਮਡੀ ਮਾਈਕਰੋ ਬਾਇਓਲੋਜਿਸਟ ਡਾ. ਨੀਰਜਾ ਗੁਪਤਾ ਦੀ ਅਗਵਾਈ ਹੇਠ ਉੱਚ ਕੁਸ਼ਲ ਤਕਨੀਕੀ ਸਟਾਫ਼ ਰਾਹੀਂ ਸੇਵਾਵਾਂ ਦਿੱਤੀਆਂ ਜਾ ਰਹੀਆਂ ਹਨ।
