ਪ੍ਰੋਜ਼ਾਈਡਿੰਗ ਅਫ਼ਸਰਾਂ ਤੇ ਚੋਣ ਅਮਲੇ ਨੂੰ ਈਵੀਐਮ ਮਸ਼ੀਨਾਂ ਬਾਰੇ ਦਿੱਤੀ ਵਿਸ਼ੇਸ਼ ਟਰੇਨਿੰਗ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 30 ਜਨਵਰੀ:
ਪੰਜਾਬ ਵਿੱਚ 4 ਫਰਵਰੀ ਨੂੰ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਦੇ ਮੱਦੇਨਜ਼ਰ ਖਰੜ ਹਲਕੇ ਦੇ ਰਿਟਰਨਿੰਗ ਅਫ਼ਸਰ ਸ੍ਰੀਮਤੀ ਅਮਨਿੰਦਰ ਕੌਰ ਬਰਾੜ ਨੇ ਦੱਸਿਆ ਕਿ ਖਰੜ ਵਿਧਾਨ ਸਭਾ ਹਲਕਾ ਵਿਖੇ ਤਾਇਨਾਤ ਕੀਤੇ ਪ੍ਰੋਜ਼ਾਈਡਿੰਗ ਅਫ਼ਸਰ, ਸਹਾਇਕ ਪ੍ਰੋਜ਼ਾਈਡਿੰਗ ਅਫ਼ਸਰ ਸਮੇਤ ਸਮੁੱਚੇ ਚੋਣ ਅਮਲੇ ਨੂੰ ਸੋਮਵਾਰ ਨੂੰ ਇੱਥੋਂ ਦੇ ਨੇੜਲੇ ਪਿੰਡ ਖੂਨੀ ਮਾਜਰਾ ਸਥਿਤ ਸਰਕਾਰੀ ਬਹੁ ਤਕਨੀਕੀ ਸੰਸਥਾ ਵਿਖੇ ਮਾਸਟਰ ਟਰੇਨਰਾਂ ਅਤੇ ਸੁਪਰਵਾਈਜ਼ਰਾਂ ਵੱਲੋਂ ਈ.ਵੀ.ਐਮ.ਮਸ਼ੀਨਾਂ ਸਬੰਧੀ ਜਾਣਕਾਰੀ ਦਿੱਤੀ ਗਈ। ਉਨ੍ਹਾਂ ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਅੱਗੇ ਦੱਸਿਆ ਕਿ ਅੱਜ ਦੀ ਟੇ੍ਰਨਿੰਗ ਦੌਰਾਨ ਈ.ਵੀ.ਐਮ. ਦੇ ਮਾਸਟਰ ਟਰੇਨਰਾਂ ਡਾ. ਹਰਸੰਗੀਤ ਸਿੰਘ ਤੇ ਪ੍ਰਿ.ਭੁਪਿੰਦਰ ਸਿੰਘ ਨੇ ਸਾਰੇ ਚੋਣ ਅਮਲੇ ਨੂੰ ਵਿਸਥਾਰ ਪੂਰਵਕ ਜਾਣਕਾਰੀ ਦਿੱਤੀ। ਇਸ ਮੌਕੇ ਅਸਿਸਟੈਟ ਰਿਟਰਨਿੰਗ ਅਫਸਰ ਗੁਰਮੰਦਰ ਸਿੰਘ,ਵਰਿੰਦਰਪਾਲ ਸਿੰਘ ਧੂਤ, ਨਾਇਬ ਤਹਿਸੀਲਦਾਰ ਹਰਿੰਦਰਜੀਤ ਸਿੰਘ,ਹਰਜੀਤ ਸਿੰਘ, ਕਲਭੂਸ਼ਨ ਗੋਇਲ, ਗਰੀਸ ਵਰਮਾ ਸਾਰੇ ਈ.ਓ., ਜਤਿੰਦਰ ਸਿੰਘ ਢਿਲੋ, ਦਿਲਾਵਰ ਕੌਰ ਦੋਵੇ ਬੀ.ਡੀ.ਪੀ.ਓ., ਜਗਜੀਤ ਸਿੰਘ ਸ਼ਾਹੀ ਸਮੇਤ ਸੁਪਰਵਾਈਜ਼ਰ, ਸੈਕਟਰ ਅਫਸਰ, ਕਰਮਚਾਰੀ ਹਾਜ਼ਰ ਸਨ।
