ਸ੍ਰੀ ਨਗਰ ਵਿੱਚ ਹਾਈਵੇਅ ’ਤੇ ਗਰਨੇਡ ਹਮਲੇ ਤੋਂ ਬਾਅਦ ਚੌਕਸੀ ਵਧਾਈ
ਨਬਜ਼-ਏ-ਪੰਜਾਬ ਬਿਊਰੋ, ਸ੍ਰੀ ਨਗਰ, 18 ਫਰਵਰੀ:
ਜੰਮੂ-ਕਸ਼ਮੀਰ ਦੀ ਰਾਜਧਾਨੀ ਸ਼੍ਰੀਨਗਰ ਦੇ ਬਾਹਰੀ ਇਲਾਕੇ ਵਿੱਚ ਰਾਜਮਾਰਗ ਤੇ ਬੀਤੀ ਰਾਤ ਅੱਤਵਾਦੀਆਂ ਵਲੋਂ ਗ੍ਰੇਨੇਡ ਹਮਲਾ ਕਰਨ ਤੋਂ ਬਾਅਦ ਸੁਰੱਖਿਆ ਵਿਵਸਥਾ ਹੋਰ ਵੀ ਸਖਤ ਕਰ ਦਿੱਤੀ ਗਈ ਹੈ। ਇਸ ਹਮਲੇ ਵਿੱਚ ਜੰਮੂ-ਕਸ਼ਮੀਰ ਪੁਲੀਸ ਦੇ 2 ਜਵਾਨ ਜ਼ਖਮੀ ਹੋਏ ਗਏ ਹਨ। ਇਸ ਵਿਚਕਾਰ ਅੱਤਵਾਦੀ ਸੰਗਠਨ ‘ਕਸ਼ਮੀਰ ਛੱਡੋ ਅੰਦੋਲਨ’ ਨੇ ਹਮਲੇ ਦੀ ਜਿੰਮੇਵਾਰੀ ਲਈ ਹੈ ਅਤੇ ਘਾਟੀ ਵਿੱਚ ਹੋਰ ਵੀ ਹਮਲੇ ਕਰਨ ਦੀ ਚਿਤਾਵਨੀ ਦਿੱਤੀ ਹੈ। ਹਮਲੇ ਤੋਂ ਬਾਅਦ ਪਾਠਾ ਚੌਕ ਤੋਂ ਪਰਿਮਪੋਰਾ ਵਿਚਕਾਰ ਰਾਜਮਾਰਗ ਤੇ ਨੀਮ ਫੌਜੀ ਬਲ ਅਤੇ ਸੂਬਾ ਪੁਲੀਸ ਦੇ ਜਵਾਨਾਂ ਨੂੰ ਵੱਡੀ ਸੰਖਿਆ ਵਿੱਚ ਤਾਇਨਾਤ ਕੀਤਾ ਗਿਆ ਹੈ। ਕੁਝ ਸਥਾਨਾਂ ਤੇ ਫੌਜ ਦੇ ਜਵਾਨ ਨੇ ਵੀ ਤਿੱਖੀ ਨਜ਼ਰ ਰੱਖੀ ਹੋਈ ਹੈ। ਫੌਜ ਸਵੇਰ ਤੋਂ ਹੀ ਮਾਰਗ ਦੇ ਦੋਵੇਂ ਪਾਸੇ ਮੇਟਲ ਡਿਟੈਕਟਰ ਦੀ ਮਦਦ ਨਾਲ ਵਾਹਨਾਂ ਦੀ ਤਲਾਸ਼ੀ ਲੈ ਰਹੇ ਸਨ। ਇਸ ਵਿਚਕਾਰ ਸੁਰੱਖਿਆ ਫੋਰਸ ਦੇ ਕਾਫਿਲੇ ਵੀ ਰਾਜਮਾਰਗ ਤੋਂ ਹੋ ਕੇ ਸ਼੍ਰੀ ਨਗਰ ਤੋਂ ਉੱਤਰ ਕਸ਼ਮੀਰ ਵੱਲ ਜਾਂਦੇ ਦੇਖੇ ਗਏ। ਰਾਜਮਾਰਗ ਤੇ ਕਿਸੇ ਚੁਣੌਤੀ ਨਾਲ ਨਿਪਟਣ ਲਈ ਸੁਰੱਖਿਆ ਫੋਰਸ ਅਤੇ ਪੁਲੀਸ ਦੇ ਬੰਕਰ ਵਾਹਨਾਂ ਨੂੰ ਵੀ ਤਾਇਨਾਤ ਕੀਤਾ ਗਿਆ ਹੈ।
