ਲਾਇਨਜ਼ ਕਲੱਬ ਖਰੜ ਸਿਟੀ ਤੇ ਸਰਕਾਰੀ ਮਾਡਲ ਸਕੂਲ ਵੱਲੋਂ ਸਵੱਛ ਭਾਰਤ ਮੁਹਿੰਮ ਤਹਿਤ ਸੈਮੀਨਾਰ ਆਯੋਜਿਤ

ਲਾਇਨਜ਼ ਕਲੱਬ ਖਰੜ ਸਿਟੀ ਤੇ ਸਰਕਾਰੀ ਮਾਡਲ ਸਕੂਲ ਵੱਲੋਂ ਸਵੱਛ ਭਾਰਤ ਮੁਹਿੰਮ ਤਹਿਤ ਸੈਮੀਨਾਰ ਆਯੋਜਿਤ

ਮਲਕੀਤ ਸਿੰਘ ਸੈਣੀ
ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 3 ਅਕਤੂਬਰ:
ਲਾਇਨਜ਼ ਕਲੱਬ ਖਰੜ ਸਿਟੀ ਅਤੇ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਖਰੜ ਵੱਲੋਂ ਸਾਂਝੇ ਤੌਰ ਤੇ ਸਵੱਛ ਭਾਰਤ ਦੇ ਬੈਨਰ ਹੇਠ ਸੈਮੀਨਾਰ ਕਰਵਾਇਆ ਅਤੇ ਨਾਲ ਹੀ ਜਾਗਰੂਕਤਾ ਰੈਲੀ ਕੱਢੀ ਗਈ। ਸਿਵਲ ਹਪਸਤਾਲ ਖਰੜ ਦੇ ਐਸ.ਐਮ.ਓ. ਡਾ. ਪੀ.ਪੀ.ਘੁੰਮਣ ਨੇ ਰੈਲੀ ਨੂੰ ਰਵਾਨਾ ਕੀਤਾ। ਉਨ੍ਹਾਂ ਇਸ ਮੌਕੇ ਬੋਲਦਿਆ ਕਿਹਾ ਕਿ ਸਕੂਲਾਂ ਵਿਚ ਸਿੱਖਿਆ ਪ੍ਰਾਪਤ ਕਰ ਰਹੇ ਵਿਦਿਆਰਥੀ ਰੱਦੀ ਕਾਗਜ਼ਾਂ ਨੂੰ ਇੱਧਰ ਉਧਰ ਜਾਂ ਕਲਾਸਾਂ ਵਿਚ ਨਾ ਸੁੱਟਣ ਬਲਕਿ ਡਸਟਬੀਨ ਵਿਚ ਹੀ ਪਾਉਣ ਤਾਂ ਹੀ ਅਸੀ ਅੱਛੇ ਸਮਾਜ਼ ਲਈ ਸਵੱਛਤਾ ਵਿਚ ਅਹਿਮ ਯੋਗਦਾਨ ਪਾ ਸਕਦੇ ਹਾਂ। ਉਨ੍ਹਾਂ ਸੈਮੀਨਾਰ ਦੌਰਾਨ ਬੱਚਿਆਂ ਨੂੰ ਸਵੱਛਤਾ ਰੱਖਣ ਲਈ ਸਹੁੰ ਵੀ ਚੁਕਾਈ ਅਤੇ ਸਵੱਛਤਾ ਬਾਰੇ ਦੱਸਿਆ ਕਿ ਜੇਕਰ ਅਸੀ ਸਾਫ ਰੱਖਾਂਗੇ ਤਾਂ ਬਿਮਾਰੀਆਂ ਤੋਂ ਬਚ ਸਕਦੇ ਹਾਂ। ਸਕੂਲ ਪਿੰ੍ਰਸੀਪਲ ਭੁਪਿੰਦਰ ਸਿੰਘ ਨੇ ਕਿਹਾ ਕਿ ਸਾਡੀ ਵੀ ਜਿੰਮੇਵਾਰੀ ਬਣਦੀ ਹੈ ਕਿ ਸਰਕਾਰ ਵਲੋਂ ਸਵੱਛਤਾ ਲਈ ਚਲਾਈ ਮੁਹਿੰਮ ਵਿਚ ਵੱਧ ਚੜ੍ਹ ਕੇ ਭਾਗ ਲਈਏ ਅਤੇ ਆਪਣਾ ਸਕੂਲ ਤੇ ਆਲਾ ਦੁਆਲਾ ਸਾਫ ਰੱਖੀਏ। ਪੀ.ਡੀ.ਜੀ.ਪ੍ਰੀਤਕੰਵਲ ਸਿੰਘ ਨੇ ਵੀ ਅਗਰ ਸਵੱਛਤਾ ਵਿਚ ਯੋਗਦਾਨ ਪਾਈਏ ਤਾਂ ਭਾਰਤ ਅੱਗੇ ਵੱਧ ਸਕਦਾ ਹੈ। ਇਹ ਰੈਲੀ ਸਕੂਲ ਕੈਂਪਸ ਤੋਂ ਸ਼ੁਰੂ ਹੋ ਕੇ ਹਸਪਤਾਲ ਰੋਡ, ਗਾਰਡਨ, ਰਣਜੀਤ ਕਲੋਨੀ ਨੂੰ ਹੁੰਦੀ ਹੋਈ ਸਕੂਲ ਕੈਂਪਸ ਵਿਚ ਸਮਾਪਿਤ ਹੋਈ। ਇਸ ਮੌਕੇ ਕਲੱਬ ਦੇ ਸਕੱਤਰ ਹਰਬੰਸ ਸਿੰਘ, ਕਲੱਬ ਦੇ ਪ੍ਰਧਾਨ ਗੁਰਮੁੱਖ ਸਿੰਘ ਮਾਨ, ਪਰਦੀਪ ਕੁਮਾਰ ਡੀ.ਪੀ.ਈ., ਨਵਦੀਪ ਚੌਧਰੀ ਪੀ.ਟੀ.ਆਈ., ਐਨ.ਐਸ.ਐਸ. ਦੇ ਇੰਚਾਰਜ਼ ਰਾਮ ਆਸਰਾ, ਕਮਲਜੀਤ ਕੌਰ ਅਧਿਆਪਕ, ਕਲੱਬ ਦੇ ਮੈਂਬਰ ਅਹੁੱਦੇਦਾਰ ਹਾਜ਼ਰ ਸਨ।