ਤੇਜ਼ ਰਫਤਾਰ ਟਿਪਰ ਦੀ ਟੱਕਰ ਨਾਲ ਸਕੂਟਰ ਸਵਾਰ ਪੁਲਿਸ ਹੈਡ ਕਾਂਸਟੇਬਲ ਦੀ ਮੌਤ

ਤੇਜ਼ ਰਫਤਾਰ ਟਿਪਰ ਦੀ ਟੱਕਰ ਨਾਲ ਸਕੂਟਰ ਸਵਾਰ ਪੁਲਿਸ ਹੈਡ ਕਾਂਸਟੇਬਲ ਦੀ ਮੌਤ

ਕੁਲਜੀਤ ਸਿੰਘ
ਨਬਜ਼-ਏ-ਪੰਜਾਬ ਬਿਊਰੋ, ਜੰਡਿਆਲਾ ਗੁਰੂ, 24 ਸਤੰਬਰ:
ਅੱਜ ਸਵੇਰੇ ਕਰੀਬ 11 ਵਜੇ ਸਥਾਨਕ ਵੈਰੋਵਾਲ ਰੋਡ ਘਾਹ ਮੰਡੀ ਚੌਂਕ ਦੇ ਕੋਲ ਇਕ ਸਕੂਟਰ ਸਵਾਰ ਪੰਜਾਬ ਪੁਲਿਸ ਦੇ ਹੈਡ ਕਾਂਸਟੇਬਲ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।ਮੌਕੇ ‘ਤੇ ਪ੍ਰਾਪਤ ਜਾਣਕਾਰੀ ਅਨੂਸਾਰ ਮਨਜਿੰਦਰ ਸਿੰਘ ਪੁੱਤਰ ਕਰਨੈਲ ਸਿੰਘ ਵਾਸੀ ਖੂਹ ਗੁਰੂ ਅਰਜਨ ਦੇਵ, ਜੰਡਿਆਲਾ ਗੁਰੂ ਜੋ ੫ ਆਈ ਆਰ ਬੀ ਅੰਮ੍ਰਿਤਸਰ ਵਿਖੇ ਬਤੌਰ ਹੈਡ ਕਾਂਸਟੇਬਲ ਸੀ।ਜੋ ਗੁਰਦੁਆਰਾ ਸਾਹਿਬ ਤੋਂ ਮੱਥਾ ਟੇਕ ਕੇ ਵਾਪਸ ਆਪਣੇ ਘਰ ਆ ਰਿਹਾ ਸੀ ਪਰ ਜਦੋਂ ਇਸ ਨੇ ਘਾਹ ਮੰਡੀ ਚੌਂਕ ਪਾਰ ਕੀਤਾ ਹੀ ਸੀ ਕੇ ਪਿਛੋਂ ਆ ਰਹੇ ਤੇਜ਼ ਰਫਤਾਰ ਟਿਪਰ ਪੀਬੀ ੦2 ਸੀਆਰ 8607 ਜੋ ਜੇ ਐਸ ਅਰਥ ਮੂਵਰਸ ਦਾ ਹੈ ਨੇ ਆਪਣੀ ਚਪੇਟ ਵਿੱਚ ਲੈ ਲਿਆ ਜਿਸ ਕਾਰਨ ਮਨਜਿੰਦਰ ਸਿੰਘ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।ਹਾਦਸੇ ਤੋਂ ਤੁਰੰਤ ਬਾਅਦ ਟਿਪਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ।ਮੌਕੇ ਦੇ ਪ੍ਰਤੱਖ ਦਰਸ਼ੀਆਂ ਦਾ ਕਹਿਣਾ ਏ ਕੇ ਸਕੂਟਰ ਸਵਾਰ ਹੌਲਦਾਰ ਮਨਜਿੰਦਰ ਸਿੰਘ ਬਹੁਤ ਹੀ ਘੱਟ ਰਫਤਾਰ ਵਿੱਚ ਆਪਣੇ ਹੱਥ ਜਾ ਰਿਹਾ ਸੀ।ਪਰ ਇਹ ਟਿਪਰ ਬਹੁਤ ਤੇਜ਼ ਰਫਤਾਰ ਨਾਲ ਆਇਆ ‘ਤੇ ਇਸ ਨੂੰ ਕੁਚਲਦਾ ਹੋਇਆ ਸਕੂਟਰ ਨੂੰ ਘੜੀਸ ਕੇ ਕਾਫੀ ਦੂਰ ਲੈ ਗਿਆ।ਮੌਕੇ ‘ਤੇ ਹੀ ਪੁਲਿਸ ਚੌਂਕੀ ਜੰਡਿਆਲਾ ਗੁਰੂ ਦੇ ਇੰਚਾਰਜ ਏ ਐਸ ਆਈ ਨਰੇਸ਼ ਕੁਮਾਰ ਨੇ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈ ਕੇ ਪੋਸਟ ਮਾਰਟਮ ਵਾਸਤੇ ਭੇਜਿਆ।ਕਾਰਵਾਈ ਕਰਦਿਆਂ ਪੁਲਿਸ ਵਲੋਂ ਟਰਾਲਾ ਚਾਲਕ ‘ਤੇ ੩੦੪ ਏ ਦਾ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।